سويت سونار وماكو نبض

[taioba]

السلام عليكم
بنات انا اليوم سويت سونار والدكتور قالي 6 اسابيع عمر الحمل سويته بالمستوصف :eh_s(2):
بس انا اخر دورة جتني 12/10 وعندي حاسبتها 10 اسابيع
وما سمعت نبض
الدكتور قال كل شي طبيعي بس انا خايفه
قبل شهر بالضبط رحت وسويت سونار وكان عمر الحمل ست اسابيع معقوله ما تغيير
يصير اعيد السونار نفس الاسبوع ولا في ضرر عالجنين
عفية فيدوني والله خايفة

ان شاء الله يطلع البيبي سليم وما في شي
بنات دعواتكم

 

[white**angel]

سويت تحليل هرموني وعقب يومين هم عيدي اذا النسبه انزلت معناته الجنين متوفي ابطنج
تاكدي بالتحليل الهرموني

 

[انوار المحبه]

حبيتي توج اسبوع 6. النبض يبين 7 اسابيع و فوق الله يطمن قلبج و يسهل عليج

 

[ashwaq1]

تو الناس لا توسوسين نطري شوي من الاسبوع الاول لى الاسبوع السادس يبين شكل الجنين اذا كبر او لا ولو حجمه مثل ما اهو جان قالج الدكتور ما كبر شكله متوفى نطري سبوعين وروحي جيكي بسونار
والسونار ما في ضرر ان شاء الله

 

[taioba]

مشكورين عالردود
انا خفت وما قدرت انطر رحت عند دكتورة بعيادتها
وسويت عندها سونار ولما ظغطت علی بطني حيل شفت البيبي وسمعت نبضه الحمد الله
بس قالت لي لان الرحم مقلوب ما يبين الا اذا اظغطت

 

[حلوة الاخدود]

الحمدلله الله طمن قلبج

 

[New_bride]

الحمدلله تطمنتي

نصيحه اذا سمعتي اي شي مب عاجبج من دكتور غيريه على طول وروحي عند غيره تأكدي
عشان ماتحرقين اعصابج

 

[SARA*]

الله يسهل عليج

 

[@أم يوســـف@]

الله يتمم عليج وتفرحين بضناج

 

[غرور الزين]

حبيبتي اخيتي الله يتمم حملج انا اذكر حمالي الاول حسيت بتعب ورحت الطبيب اخر الشهر الثالث وقالولي ماكوو نبض تصرقعت وصج يحطون ماكو شي رديت مع زوجي ولا وجهي الوان قالي شفيج وقتله ماحسيت الا طاير لمستشفى خااص لان كان حزت بالليل ورحنا للمستشفى الحكومي بالبدايه المهم ووداني مستشفى خااص ولا كل شي طبيعي لك الحمد يعني سبحان الله بنفس الحزه وهذول قالو ماكو نبض وهذولا سمعوني ياه يعني لاتخترعين عاادي المراحل الاولى تلعب فينا لعب بس الوحده مالها الا الدعاء واستودعيه الله والله يطمن قلبج

 

[ملكه الحطب]

اول شهرين خلي المثانه مليانه شوي عشان يبين الجنين ولاتستعجلين عالنبض ساعات يتاخر بولدي الاول كان جذي الظهر مافي نبض العصر فيه
والسونار مامنه ضرر اخذيها مني ولاتسمعين كلام واجد بحمالي الاول اشكثر سويت سونارات وولدي مافيه الا العافيه وكانت السونارات ورا بعض ههههخخخ

 

[انجبر قلبي]

امبيه ليش مخرعج شنو متوفي و سوي هرموني ما يحتاي كل هذا والله


تو الناس النبض يبين بالاسبوع السابع او التاسع باذن الله

علا حسب

لا تخافين خير انشاءالله


و الله يتمم عليج

 

[انتيكا]

الحمدلله حمدا كثيرا مباركا فيه
الله يتمم عليج حبيبتي ويبلغج فيه

 

[noor20]

الحمد لله الله يثبته ويسهل عليج

 

[taioba]

جزاكم الله خير علی هالدعوات الحلوه

الله يرزق الجميع الحمل السليم والذرية الصالحه