سويت حشمي بلليز محتاجتكم

[شوكوليطه]

صبحكم الله بالخير :eh_s(9):

واخيرا وبعد عناء سويت خشمي

وراح اوافيكم بالتفاصيل مع الصور اول ما اشيل الجبس

بس احين محتاجتكم

بنات انا ما طلع لي ازرق تحت عيني الحمدلله
بي لون موف فاتح جدا مو ملحوظ

بس اللي ذبحني الورم
تحت عيوني مورم في شي احطه يشيل الورم انا رحت بوتس وعطاني حبوب :bbbiu:
متى يخف الورم اللي في وجهي
وايش تنصحوني

انا سويت العمليه قبل يومين
والخشم مجبس لوووووووول :eh_s(9):

واستخدم البخاخ وانظفه بعود اذان ضعيف مادري اذا صح والا لا

شلون اتوضى وجهي اغلبه لزقات :eh_s(11):

 

[Mafnood]

الحمد الله ع السلامه
عند منو سويتيها

 

[شوكوليطه]

اخاف اقولك تنصدمين خخخ

سويتها عند بشار رباح بسوريت
توني امس رديت الديره

 

[Diana *]

الحمدلله على سلامتك
الورم تقريبا يبيله اسبوعين لين يخف ، التنظيف أنصحج تأجلينه لين تكملي إسبوع
يارب تكون النتيجه مثل ما تتمنينها

 

[Mafnood]

لألا لا مب معقول صدق
كيف الأوضاع هناك وكيف راده قبل مايشيل الجبس

 

[شوكوليطه]

والله مو بس سويت خشمي
صغرت وشديت صدري بعد هههههههههههه

والاوضاع اهناك احسن ما يكون مافي شي
بس اخف انشاء الله

وافك الجبس بكتب لكم كل شي صار وياي

بالصور

بس انا سافرت قبل لا افك الجبس لاني ما لقيت حجز
سويت العمليه الاحد
الاثنين رديت الديره

 

[om-noja91]

حبيبتي ما عليج امر جم كلفتج العمليه؟؟

 

[شوكوليطه]

خشمي كلفني تقريبا 140
ولان استخدمت الدولار هناك فدفعت 500 دولار
شامل حق خشمي والخطوط التعبيريه اللي عند الفم
ونزل شوي من الشفه الاماميه لان كانت لثتي لا ضحكت
تبين كبيره

 

[اميره بكلمتي]

الحمدالله ع السلامه شلون الاوضاع هناك ؟؟

وكم كلفتج العمليه كلها بالكويتي

 

[شوكوليطه]

والله الاوضاع كويسه
بس اذا كنتي اول مره تروحين سوريا بيسون لك سالفه

ابدا ما عانينا بشي
بالعكس كنا نبي نتسيح شوي
بش الشوفير قال خلكم في دمشق اامن لي ولكم

والحمدلله الله سخر لي دكاتره وفندق وشوفير
احسن ما يكون

بالنسبه للاسعار ثابته عندهم

سويت خشمي والخطوط التعبيريه واللثه الكبيره ب 500 دولار
وزرعت وجنات 500 دولار
سويت لي غمازتين الغمازه الوحده 100 دولار
صغرت وشديت صدري ب 1200 دولار

التوتل بالكويتي 668

 

[حبيبة أمهاا]

ماشاء الله تبارك الله

انا ودي اسوي زراعة الوجنتين بشنو زرعلج ؟؟

وشلون شكلهم ياليت لو تصورينهم

باين من كلامك سعوديه شلون سافرتي مافيه رحلات !؟

 

[عشق نوفمبر]

واااااااااااااااااااااو ما شاء الله اكيد صرتي أميرة .. بليز وافينا بالصور يا الغالية وشكرا

 

[نورالدنيا***]

الحمدالله علي سلامتج وننتظر الصور

 

[شوكوليطه]

ايه انا من السعوديه :eh_s(9):

صكو الخطوط السعوديه
بس الخطوط الثانيه فيه
رحلات وفل بعد بالموت لقينا حجز
انا رحت على الخطوط العربيه السوريه
ورديت على الخطوط الكويتيه

بس انتظر الورم يخف واشيل الجبس
وبصور لكم قبل وبعد

ولا يهمكم :eh_s(7):

 

[Dreamy G!rl]

كمادات و ثلج
بالوضوء مسحي ع الخفيف على اللزقات

 

[شوكوليطه]

يسلمووو دريمي قيلرل

بس عادي امسح على الجبيره

انا الايام اللي طافت قصيت اللزقات وخليت اللزق بحدود الجبيره
وصرت امسح على وجهي باستثناء الجبيره

 

[Dreamy G!rl]

الله يسلمج
اي عادي مسحي ع الجبيرة
و مسحي على ويهج خفيف

 

[شنشووونه]

الحمدلله على السلامه حبيبتي

 

[ranzi]

انا سويت خشمي من شهر في الدوحه نحت ورفع للانف اول شي صح في انتفاخ وكنت اخذ حبوب اسمها ريبير في علبه خضره وجل من نفس ماركه الحبوب اول ما شل الدكتور الجبيره ما عجبني خشمي لان كان منتفخ بس الحين طالع وااو وشكلي تغير ونفخت خدودي وشفايفي بس انا كلفتني عمليه خشمي 25 الف ريال قطري انتي مشالله وايد ارخص سويتها ان شالله تكون النتيجه حلوه والله يوفقج يارب

 

[شوكوليطه]

الله يسلمكم بنااااااات
ما قصرتو وقفتكم معاي

ريبير نفس الحبوب اللي عطاني اياه الصيدلاني في بوتس
بس لما سالته عن كريم او مرهم او جل يخفف التورمات قالي مافي

ومن يوم رديت من سوريا وانا حابسه نفسي
حييييل وجهي يخرع
متفخ ووارم