سويت تكميم من سنتين و توني مسوية تحويل مسار من يومين

[حلوه بس بطوطه]

السلام عليكم ورحمة الله و بركاته ..

طبعا انا كنت مسجلة باسم ثاني لما سويت التكميم (تينااا) وضيعت الباسورد ولا قدرت ارده ..

من سنتين وشهرين سويت عملية تكميم كان وزني 118 ونزلت لي 86 وبعدين صعدت لي 102

ورديت سويت تحويل مسار عند نفس الدكتور (احمد مراد الكندري) من يومين على امل اني انزل ..

اذا تبون التفاصيل ابي اشوف تفاعل لانه شكله المنتدى مو نشيط نفس قبل ..
​

 

[عاشقه الاسمرانى27]

شلون اختى صار جذي​

 

[فاطمة 25]

الحمد لله على سلامتـــك ^^

 

[كنوشة 2009]

الحمدلله على السلامة وحطي بالج ﻻ تزيدين

 

[اميره بكلمتي]

السلام عليكم ورحمة الله و بركاته ..

طبعا انا كنت مسجلة باسم ثاني لما سويت التكميم (تينااا) وضيعت الباسورد ولا قدرت ارده ..

من سنتين وشهرين سويت عملية تكميم كان وزني 118 ونزلت لي 86 وبعدين صعدت لي 102

ورديت سويت تحويل مسار عند نفس الدكتور (احمد مراد الكندري) من يومين على امل اني انزل ..

اذا تبون التفاصيل ابي اشوف تفاعل لانه شكله المنتدى مو نشيط نفس قبل ..
​

شلون أختي صار فيج جذي يعني بالبدايه نزولج ممتاز بس ليش رديتي سمنتي المفروض تكونين محافظه على نفسج واكلج
نزين حاولي تردين تضعفين مره ثانيه برجيم من غير عمليه

 

[فواصل]

غريبة متنتي عقب التكميم !

ياليتج ما سويتي العملية الثانية وتميتي على الرجيم و الرياضة

 

[om fahad]

الحمدلله على سلامتج
لكن المفروض يبلغج الدكتور الله يهديه انه حتا بعد عملية تحويل المسار هم تسمنين اذا ماحافظتي

 

[حلوه بس بطوطه]

الله يسلمكم حبايبي من كل شر

اول شي بنصح نصيحة حق اي وحدة بتسوي تكميم او تحويل مسار انها تلتزم بالاكل والرياضة بعد العملية لان العملية عامل مساعد وليس عامل سحري للقضااء على الوزن الزايد.
يعني اللي ناوية تسوي العملية وتاكل اللي تبيه خل تستريح احسن

طبعا انا لما سويت التكميم بالمره الاولى وصلت من ١١٨ الى ٨٧ بس للامانة كان نزولي بطيء لاني ما التزمت بالرياضه وكنت اكل ككاو وشيبس وخرابيط . طبعا مشكلة هالاكل انه خفيف سهل الاكل مايترس المعدة بس سعراته عااااااااااالية جدا وانا كنت طبعا مستانسة بالنزول ورديت حق الاكل الدسم وشوي شوي توسعت المعدة بس ماتوسعت وايد واكلي مو صحي كلش بالتالي بلشت ازيد من جديد ..

طبعا حاولت كذا مرةبالريجيم بس خلاص ما اقدر اكمل وارد ازيد اللي نقصتهم .. اخر شي رديت حق دكتوري اللي ظل مصمم اني اسوي رجيم ورياضة وما يبي يسويلي تحويل مسار قلتله دكتور انا جيتك بعد ما خلاص مو قادرة اتحمل وزني قاعد يزيد يوم بعد يوم قعد يقنعني واخر شي قلتله اني ملزمة اسوي تحويل مسار لانه اعادة التكميم ماراح تفيدني ..

اخر شي توكلت على الله وسويتها والحمدلله والحين حالفة ما اخربط بستغل العملية بالشكل الصحيح وبستفيد من كل اخطائي بالعملية ااولى ..

تحويل المسار يعني يتجاوز الدكتور متر ونص االى مترين من الامعاء ويوصل الباقي بالمعدة المقصوصة اللي تكون صغيرة بالتالي يقل الامتصاص وتقل عدد السعراتا لحرارية المكتسبة ومع. الااكل الصحي اكيد راح يكون له مفعول ان شاءالله ..
ددداي استفسار انا حاضرة ​

 

[dl3sl]

يعني يقص فيها المعده