سويت تقشير واحتقرت بشرتي ساعدوني

[امونه<<]

بسم الله الرحمن الرحيم
السلام عليكم بنات

عندي اسمرار خفيف وسويت تقشير كيميائي واحترقت بشرتي وصارت بقع بنيه وش اسووي زواجي قرييب :eh_s(11)::eh_s(11)::eh_s(11):
اخطييت بأختيار الدكتوره الله يكون بالعون

 

[عـيّــآره]

انا عشان جذي ماحب التقشير الكيميائي وايد قوي جنه بترول​

بس انتي تقولين بقع بنيه اتوقع انه جلد ميت وبيطيح كله لو كان حرق بيلتهب ​

وبيتم فتره طويله احمر او وردي ​

لاتلعبين بعمرج ارجعي لها يمكن اللي صار فيج طبيعي لانه رفيجتي سوت ​

التقشير وطلعت لها بقع بنيه بس بعد اسبوع وجذي ​

نشفوو وايد ومع غسيل الويه طلع الجلد الميت كله لاتغامرين باي كريم ينصحونج ​

فيه راجعي دكتورتج احسن هي تعرف بشرتج وانتي عروس ​

ماتوقع حرق لاتخافين هالجلد بيطيح ويطلع مكانه جديد ​

 

[امونه<<]

الجلد طاح والبقع تحته والدكتوره قالت لي نوقف التقشير لان الجلد لايستجيب له

 

[yam_yam]

حياتي انتي نفس اللي صار معاي
حرقت ويهي و ابتلشت
و قالت لي ما نفع لج التقشير
بغيت اذبحها

المهم روحي حق علاء الطباخ
بوشهري كلنك
هو اللي ماشاء الله عالج كل الحروق و الحين بشرتي قاعده تتسنع

 

[النويره]

احد يقشر كيميائي بالصيف !!
انا كان في دكتور اتذكر مره من زمان رحت له ايام ما كنت هابه بالتقشير استغفر الله ندمت وايد اني سويت بحياتي تقشير لانه مع الوقت يرقق البشره وتصير حساسه جدا وعرضه للالتهابات - المهم طلبت منه تقشير قالي انا من بعد شهر 3 انسي اسوي تقشير

 

[فطامي_]

انصحج تروحين بو شهري كلينك

وبالنسبة لي حطي مرة عالجروح او الحروق وباذن الله يجيب نتيجة

 

[M!SS.LOBY]

الله يبرد قلبج بالنتيجة الحلوووة

 

[MaryaBM]

استخدمي الفاكورت انا يوم كنت اقشر ويهي يخفف الاحمرار و يهدي البشره
و استخدمي ميبو عجيييب للحروق يفتح البشره و حتى القشور تروح و بعد يخفف سواد تحت العين ،

 

[نوف الصقعبي]

أكبر جريمه التقشير بالصيف

التقشير يبيله جو بارد ثلج مو لاهوب الله يهداج

والدكاتره الزم ماعليهم بيزاتهم

مالج الا كريم ميبو من الصيدليه غرقي ويهج كله فيه ممتاز وحده بوحده للحروق والأثر يبني جلد يديد معروف هالكريم ريحته قويه بس مفعوله سحري​

 

[ام خلوودي حبيبي]

ياعمري انا بغت تحترق وحطيت ميبووووو ورد مافيه شي يهبل