سويت تحزيم وفشلت العملية والحين بسوي تحويل مسار منو اللي مسوي ؟؟

[senyora_q8]

السلام عليكم انا مشكلتي مشكله سويت تحزيم معده عند الدكتور موسى خورشيد وفشلت العمليه صارلي سنتين وعاملة الدكتور لي كانت وايد موزينه وكرهته والحين ناويه اسوي تحويل مسار معده عند دكتور خالد الشرف فمنو منكم مسويه ابي العرف السالفة من بالضبط من البداية الى النهاية بلييييييز ​

​

 

[bnt q8 in usa]

اختي خل اقولج شغله بما انج مسويه تخزيم والحين بتسوين تحويل مسار تري ماراح تنزلين وايد وماراح تكون ناحجه مثل ماتتوقعين لان بالاساس انتي مسويه تحزيم اهي تفيد الي بسويها اول مره /واذا تبين نصيحتي سوي قطع جزء بسيط من المعده اهي الي الحين مسويه ضجه في اوروبا وامريكا واحسن دكتور بالامور بصراحه محمد الهيفي وبسسسسسسسسس ماشالله عليه دكتور صج فاهم وفنان

 

[senyora_q8]

بنت الكويت مشكوورة بس قطع جزء بسيط اهي نفسها تدبيس المعده ؟

 

[carrot^cake]

انا مسوية تحويل
مادري شنو السالفة الي اقولها

سويتها والحمدلله النتايج زينة واول اسبوعين سوائل وعقب اكل مهروس وبعدين يتدرج الاكل

بس

وعملية التدبيس الي اهيا التصغير تكون نص عملية التحويل
لان التحويل تصغير المعده وبعدين يحول المسار

 

[ii DareeN ii]

انصحج بالهيفي وسميط والدمياط وعندج خالد العنزي بالاميري النتايج حلوة بس ليش ماتفكرين تسوين تكميم ماراح تحتاجين تاكلين فيتامينات طول العمر وامن وايد

 

[carrot^cake]

وسويتها عند باسل السميط

 

[رفوله عسوله]

احسن شي تصغير طولي وعند باسل السميط

 

[دندونه اماراتيه]

هلا الغلا انا مسويه حزام معده وناويه اسوي تحوير مسار باذن الله وعادي تقدرين تسوينها لانه اصلا وايديين فشلت وياهم عملية الحزام وسو تحوير ان شاء الله بالتوفيق .

 

[tooonaaa]

بنااااااااات
ردوا علي وطمنوني انا بسوي عند السميط سليييف (تكميم) بعدالعيد , كنت شجاعة بس الحين بدت الصجية , اللي يشجعني واللي يخرعني ويقول راح يصير فيج سوء تغذية
الله يخليكم طمنوني

 

[senyora_q8]

مشكورين حبايبي ماقصرتوا عسى الله لايحرمني منكم ومن مشاركتكم معاي وانا ناويه اسويها عند د.خالد الشرف لأن شفت بعيني ناس مسوين عنده ويمدحونه بس اللي حبيت أعرفه شنو تسوين تكميم ؟؟[/​

color]


:klhfl:

 

[miss_Ba6oOo6a]

انا مسويه تحزيم وبعدها تحوييييييييييييل عند خورشييييييييييييد بالعكس انا مرتاحتله ووعاملته وااااايد زيينه معاي وغشمرجي
انا اقوول سوي عند نفس الدكتور لان اهوو عارف المعده شنو فيها ةتاكدي اذا بعد الحلقه المعده تسمح للتحويل يعني ماكو التصاق اختراخ
قرحه او شي لازم منظار معده يتاكد قبلها لان اعرف وايد سوو والدكاتره مايسوون منظار للمعده نفس د.خورشيد وطريقته وقالي التحويل ينزل اكثر من السليييف للي عندهم سوابق مثلي

 

[senyora_q8]

صاجة مس بطوطة انا كنت رايحتله على سمعه بس قبل العملية انا ذكرته بالعمليه قبلها بيوم كان ناسي عذرته قلت يمكن مشغول ولاهي ووقت العملية ماشفته خلصت من العملية وفج البنج وما شفته يوم سألت عنه قالوا لي طلع وعطاج موعد بعداسبوع عند دكتور مصري بالسلام راجعيه راجعت الدكتور وعقبها بفترة دقيت عليه طلع ناسيني وتلعثم وقالي ان كان عنده مؤتمر ولها ومانزلت لفترة سنتين وعصب جان استلمة وفرغت كل اللي فيني وعقبها كل ما اروح العياده بس يسمع اسمي يدخلني ويطوف الكل ومالقيت منه فايدة ومارتحت له كلش لأن انا طبعي احب الدكتور اللي يعتني بصحتي ويهمفيها والناس راحه وانا ماارتحتله وبرووح وما بذني ماي حق دكتور خالد الشرف

 

[نونا العنونة]

بنات شنو هو التكميم؟

 

[lolo6688]

ليش فشلت ؟
جم كان وزنج ؟
لان مفكره فيها
بس انا مو ذاك المتن

 

[senyora_q8]

على كثر ما ابي اسوي التحوميل على كثر مانيمخترعه عفيه طمنوني شنو احساسكم بعد العملية تحسون بالمعده والامها وشلون بالضبط؟؟

 

[Kuwaitigirl1973]

بنات أنا توني شايلة الحلقة وسويت تحويل عند د. الصانع و د.فقية في رويال حياة حيل متميزين قعدت يوم ونص بالمستشفى وميزتهم فريق متكامل حتى دكتورة التغذية سحر تشوفج قبل وبعد العملية واقنعوني إني ما أحول حلقة لتكميم أو سليف ما سمعتوا شصار بولد الغانم اللي حول حلقة لسليف وبغى يموت في نيويورك ، الحمدالله أنا سويتها وما أخذت حتى إجازة وكلها حتى شيلة الحلقة ما كلفتني ٣٤٠٠ بمستشفى كل اللي فيه يعاملوني أحسن معاملة ، سؤالي شنوا أحسن نوع فيتامين بعد العملية لأني بابدى بنوع إسمه برونسون ينعلج تدرون عنه شي

 

[miss_Ba6oOo6a]

التحوييييييييييييل واااااااااايد اريح من الحلقه لان مافيها ابر كل شهرين وغصه وترجييييييييييييييع وحتا قومت البنج اخف مو نفس الحلقه شي خانقج وصاااك عليييييييييييييييييييييج واذا راده علا الفيتاميناااات الانسااان العادي ياخذها والي مسوي رجيم قاسي ياخذها اهي تفيد وما تضر
بس سالفة الشعر يطيييييييييييح انا حتا مع الحلقه كاااااااااان يطييييييييح بس مع النحويييييل اكثر هاذا العيب بس الشعر ولا ماكو شي يتعب
وسالفه الحاله الدامبق والهبوط ومادري شنو علا الحلووو انا ما تحوشني كليت حلو وكاكاو ماصار ولا شي يعني يفرق من جسم ليه الثاني حتا النزوووووول محد يقارن بشخص ثاااني واي شي حاظريييييييين

 

[MoOoDI]

انا مسوية تكميم وهالعملية وايد زينه بس بالنسبة للي مثلك انا انصحك تسوين تحويل مسار اضمن وحل نهائي عشان ماتردين تتبهذلين مرة ثانية
صراحة العمليات وايد موزين وبعدين لاتسوين الا عند الطبيب اللي ترتاحيلة لأن هذي مسألة نفسية ومهمه

 

[أم عبدالوهاب]

بنااات بسألكم الدكتور الصانع الي برويال حيااة زييييييين؟؟؟
المفروض اليوم موعدي عند دكتور هيثم الخياط الي بدار الشفا
بس تكنسل لانه جدد اجازته
ودي اروح حق الصانع بس ابي تجارب بنات عنده وجم طلع عليهم مع الفحوصات وكل شي

 

[Kuwaitigirl1973]

لما زرت د. الصانع خلاني أتكلم مع مريضات سووا العملية وقعد يشرح ساعة وبعدين ألني شنو أهدافي من العملية وبعدين عطاني خيارات فارتحت له يكلمك كإنه أخ أو أب، نفس حيل حلوة وأنا بديت مه د. هيثم بس كرهت دار الشفا لأنهم مو نظاف داخل غرف العمليات وبعدين د. الصانع عنده مع مساعده شهادة تخصص بالمنظار ود. هيثم بس جراح عام بس الحق ينقال هيثم حيل طيب ومحترم بس حسيته مو واثق لما عطيته تجربتي في إنه يعطيني الخيارات والشرح مثل د. الصانع وأنا جربت الكل يوم الحلقة من الشرف لخورشيد للسميط وياريت شرحوا لي مثل الصانع جان ما سويت عملية فاشلة أول مرة بس الحمدالله زوجي زعل إني سويت العملية لكن أمس قاللي إنه الحين غار مني ويبي يسويها إهو بعد، كنت باتطلق لأني ما أييب عيال من سمنت لكن إنشالله هذي ترزقني الضنا إنشالله،
عن الفلوس ترى يمكن كل شي يكلف شوي أكثر من ٣٠٠٠ وروحي للمسئول المالي في رويال حياة ترى يعطي خوش خصم وآنا ما دفعت كاش رتبوا لي المستشفى قرض من البنك الوطني بس دفعت ١٠٠٠ والباقي على ١١٠ دنانير كل شهر
أتمنى أكون فدتج وعلى فكرة زوريهم وسولفي معاهم في رويال الزيارة الأولى ب٢٢ دينار تقعدين معاهم ساعة منتي خسرانة