سويت تحزيم معده وشوفو شنو صار معاي.....

[كويتية أصيله]

السلام عليكم ..... أشلونكم بنات شخباركم

سويت عملية تحزيم معده قبل جم شهر بس أحس العمليه قمممممممممممممممممممممممممممه في الفشل نزل وزني اول جم شهر بعدين زااااااااااااااد ...... ولا جني مسويه شي .....ملاها لي لين وصل 8 ولاكو فايده نهائي......

ما احس مثل الباجي أرجع و أشبع بسرعه كلش ما جني مسويتها......الطبيب الحين يقولي لازم سونار علشان أشوفها .....


أشرايكم بنات أشيلها ولا لأ؟؟؟؟

 

[بنت الدسمه بسمه]

عند منو مسويتها ؟ يمكن متحركه من مكانها

 

[كويتية أصيله]

عند د. باسل السميط

 

[AF (&-&)]

الله يعينج والله

سلاماات ما تشوفين شر

سوي سوناار يمكن فاالته

 

[عربجيه]

استشيري دكتور احسسن

 

[اميره بكلمتي]

سوي سونار اذا فشلت معااج لاوالله شيليها احسلج

 

[.. رفيع الشآن ..]

رد : سويت تحزيم معده وشوفو شنو صار معاي.....

مو اهني المشكله ليش قبل لا تسوين العملية ماتستفسرين من المجربين العمليه !! ليش تسون العمليه بعدين تطرحون هالاسئله !

ملينا واحنا نقول افشل عمليه تحزيم تقطين 2000 على دكتور واهوا الربحان ابشرج بعد ماراح ينزل وزنج <=-=-لا تزعلين بس سألي المجرب وهذي نصيحه مني يا انج تلتزمين وماتاكلين حلويات لانه اهوا اللي يزيد الوزن ولا كأنج مسويه شي للاسف

 

[رحيل المرافيء]

رد : سويت تحزيم معده وشوفو شنو صار معاي.....

لازم مع العملية ريجيم
اي عملية تحزيم تحوير تكميم
لازم ريجيم بدون ريجيم ماكو فايدة
انتي سويتيها وتاكلين الظاهر
او الحلقة متحركة او متوسعة

 

[shams2008]

والله اخوي سواها ونزل 35 كيلووو تبارك الرحمن

 

[كويتية أصيله]

انا ما احس معدتي صغرت كلش هذا حجمها والله ما تغير عليي ..... و بالنسبه للحلو ما احبه وايد مو سبب سمنتي ....اغلب اللي مسوينها يشبعون بسرعه

واللي قالت انا ما سألت ...من قالچ اني ما سالت ؟؟؟؟؟؟؟ آنا قعدت ٦ شهور اسال محد قالي يمكن تسوين العمليه ونهائي ماتحسين الأغلب قالو يبي معاها رجيم وما تاكلين حلويات......

 

[باريس هلتون]

رد : سويت تحزيم معده وشوفو شنو صار معاي.....

ماحبيت اني ما ارد عليج خصوصا اني مسويتها قبل 3 سنوات وتمت ببطني سنتين وشلتها وسويت سليف
هي فاااااااااااااشله بمعنى الكلمه بس فاشله اذا انتي تاكلين حلو ودهن
وبالنسبه حق احساس الشبع مهما تاكلين راح تضلين يوعانه لان المعده موجوده اصلا بس محزمه
فانتي شنو دورج الحين؟
دام انج سويتها وتعبتي ودشيتي غرفه العمليات
لالالالالالالالالالالالازم كل شهر تضيجينها تره الدكتور باسل ايده تينن وخفيفه ويغزج ابره بنج
وتالي يضيج لج كلش ماكو عوار لاتخافين
باجي الدكاتره على طول يضيجون بدون بنج موضعي ولا شي
وحاولي انج توخرين عن الحلويات والدهن والصلصات وان شاء الله بينزل وزنج
بس لا تحطين ببالج بتصيرين عصله
وسمبتيك لا راح يخف وزنج شوي
واسفه انذا كلامي حبطج بس هذا من تجربتي الشخصيه بس انتي على طوول ضيجي
خلي معدتج على طول مضيجه
لاتاخذين فجه وراحه لان راح تتعايزين عقبها وماتضيجيين الا بالسنه حسنه وماراح تستفيدين
حاولي انج تستفيدين منها
والله يوفقج