سويت تجميل وابى تشاركونى تجربتكم

[قبلة مطير]

اول شى شكرا لكل من دخل :eh_s(17)::eh_s(17):
انا دخلت المستشفى يوم الخميس وكانت عمليتى
الساعه 7 صباحا طبعا بنج عام لان انا حدى خوافه وحتى
قزه الابره ما اتحمل العمليه كانت ( تضييق داخلى وتجميل خارجى
لان عندى الشفره وحده اكبر من وحده وهذى مضايقتنى باللبس يعنى
الاندروير) وطلعت من العمليه على 11 الضحى بس على كلام اختى
انى صاحيه ومش صاحيه لان ماخذه بنج عام
المهم قال الدكتور العمليه اوكى وكانوا حاطين لى بربيش للبول لغايه
ثانى يوم وطبعا ما تحركت من الفراش لغايه انى يوم يعنى تعب مش طبيعى
وصار ثانى جاء الدكتور الظهر وشال البربيش والله كعدت اصيح من الالم
شى مش طبيعى وقالى خل اجيب مرايه تشوفين بس من الالم ما ابى اشوف
شى عقب عطانى نصايح والادويه وراح المشكله انى لازم وانتوا بكرامه اتبول
ونفسيتى تعبت ان البول ينزل نقاط وعلى دفعات وقالو اوكى ورجعت البيت بس
تخيلو نفسيتى تعبيت لان مش قادره اتبول وحصرانه ورحت البارح الفجر للمستشفى
وحطو لى مسكن ولان المثانه متروسه قالو لازم بربيش واى قلت ما تسوى على
هالعمليه نفسيتى تعبت وفرغت ورجعت البيت ونمت مرتاحه ماعندى الم يعنى الم
الخياط عادى مش اللى يذبح الا اللى يذبح انى مش قادره اتبول واتصلت على
دكتورى قالى تعالى المغرب يا ربى سهل امرى:yaaaaaarb:
ابى تجاربكم بنات صار معاكم جذيه يعنى انحصرتوا والا عادى

 

[أناناسة]

الحمدلله على سلامتك والله يكون بعونك
الحين اللي أشفارها مو متساوية يكون بولها الله يكرمك مايل لليمين أو اليسار؟

 

[قبلة مطير]

الحمدلله على سلامتك والله يكون بعونك
الحين اللي أشفارها مو متساوية يكون بولها الله يكرمك مايل لليمين أو اليسار؟

بعد عمرى مشكوره على ردج وانا بصراحه راضيه بكون البول
يمين او شمال راضيه بس ابول واااااااااى نفسيتى تعبت :eh_s(14):

 

[حالة حنان]

الحمد الله على السلامه وماتشوفين شر اختي سويتها انا ولله الحمد ما فيني شي
اكيد اللي سواها لج مو كويتي انا ما اتعالج ولا اعالج اعيالي الا عند اعيالنا لكويتيين
واتمنى من الله سبحانه وتعالى ان يشفيج

 

[قبلة مطير]

الحمد الله على السلامه وماتشوفين شر اختي سويتها انا ولله الحمد ما فيني شي
اكيد اللي سواها لج مو كويتي انا ما اتعالج ولا اعالج اعيالي الا عند اعيالنا لكويتيين
واتمنى من الله سبحانه وتعالى ان يشفيج

اى صاجه مو كويتى شفت وايد يمدحونه وولاده حلو مع انى ما ادرى ما حبيته
الدكتور بس خلاص سويت العمليه ؟؟؟
امس رحت للعدان من الالم قلت يمكن الدكتور جارحنى ابى اتاكد فحصنى دكتور
امراض نسا وولاده قالى كل شى اوكى بس الكتور مضيقج كتييييير يعنى بس اصبعه
دخل وما يبى يعورنى عشان الخياط وقالى حرام احط لج بربيش عشان البول
عشان ما اتعود كعدنى بالحمام وحاولى تبولين طبيعى
والحمدلله عفب معاناه 4 ساعات تبولت بس خفيف وللحين هذا حالى لان
كل حصرانه واتبول شوى شوى
وااااااااااااااااى تحسفت انى سويت تضييق
دعواتكم لى يسر امرى ربى:yaaaaaarb:

 

[شقرا كويتيه]

الله يشفيج يارب

 

[ام فطوووم]

الله ايسهل عليج يارب مابغيت اطلع من غير رد 

 

[قبلة مطير]

شكرا على كل من رد على
رحت للدكتور لان للحين حصرانه وقالى ما يصير
نخلى المثانه تنملى لازم تفرغين ........
الحل انه يركب لى بربيش وافتحه كل ساعتين افرغ البول .... مو صج السالفه
رضيت لان مافى حل وركبته ...
والحين تعذيب كل يوم اخذ ابرتين مضاد حيوى لمده 5 ايام
وبعد بره اشيل البربيش يعنى ما تسوى على العمليه
بس سبحان حظى جذيه ما اقول الا الحمدلله على كل حال

 

[q6aiwa]

وراج وراج بكل موضوع
لوووول


الحمدلله على سلامتج ... هالفتره عندج فترة تعذيب كلها عمليات
سيرو ونحن من ورائكم خخخخخ

عورتي قلبي شهالحاله اول مره اسمع ان الي تسوي تضييق تبول عزكم الله فبربيش
انزين حل ثاني خليوسعون الفتحه شي بسيط مايصير؟؟؟ ترى البول اذا ماطلع يسبب تسمم بعيد الشر عنج


طمنيني عليج حبوبه​

 

[fdeet_shosho]

لاحول ولاقوة الا بالله
الله يشفيج يارب وتقومين بالسلامه
اول مرة اسمع جذي خوفتينا من الموضوع

 

[قبلة مطير]

وراج وراج بكل موضوع

لوووول​

الحمدلله على سلامتج ... هالفتره عندج فترة تعذيب كلها عمليات
سيرو ونحن من ورائكم خخخخخ​

عورتي قلبي شهالحاله اول مره اسمع ان الي تسوي تضييق تبول عزكم الله فبربيش
انزين حل ثاني خليوسعون الفتحه شي بسيط مايصير؟؟؟ ترى البول اذا ماطلع يسبب تسمم بعيد الشر عنج​

طمنيني عليج حبوبه​

بسم الله عليج الله يحفظج
صراحه اللى يسوى اول عمليه تجميل يصير الوضع عادى يعنى ممكن عمليه
ثانيه وثالثه ( مثل الادمان ) بس توبه ماعاد اعودها
لان انا قريت واجد تجارب البنات وكانت عملياتهم نفس عمليتى بس ماشالله
امورهم طيبه بس انا اللى صار لى مضاعفات وممكن مع كل عمليه يصير مضاعفات
:eh_s(4)::eh_s(4)::eh_s(4)::eh_s(4)::eh_s(4)::eh_s(4): والحين نكمل وش صار معاى

والله انى من ركبت البربيش وانا نفسيا تعبانه يعنى كعدت فيه 3 ايام ولازم كل ساعتين
اروح الحمام افتحه عقب اصكره :rgewrg: تعذيب
ويوم الخميس شلته ورديت البيت وقريت سوره البقره ونذرت ان صرت زينه بروح العمره
واصلى ركعتين شكر:yaaaaaarb::yaaaaaarb:
والحمدلله الحين امورى يعنى بس احسن من قبل
يعنى الحين صار لى من العمليه 9 ايام بس للحين احس بالتعب وما اقدر اكعد عدل

 

[قبلة مطير]

لاحول ولاقوة الا بالله
الله يشفيج يارب وتقومين بالسلامه
اول مرة اسمع جذي خوفتينا من الموضوع

تسلمين حبيبتى
ادرى الموضوع غريب عشان جذيه كتبت تجربتى
لان انا قريت تجارب البنات اللى مسويين نفس عمليتى بس الناس
حظوظ وانا صار لى مضاعفات وهذى هى مضاعفات هالعمليه اللى ما يقولون
عنها الدكاتره عشان جذيه كتبت تجربتى عشان غيرى تستفيد

 

[قبلة مطير]

الحمدلله عقب ماصار لى 15 يوم رحت للدكتور وشال لى الغرز صراحه شى مؤلم
الحمدلله الحين احسن اتارى التجميل من تحت كان ضاغط على المثانه عشان جذيه
صار معاى انى صعب اروح الحمام
بس الحمدلله الف مره الحين اروح الحمام وانتو بكرامه ووضعى احسن واى قبل
بس ابجى ومريضه وحالتى النفسيه تعبانه
الحين استعمل غسول ومرهم والاوضاع زينه الحمدلله

 

[sweet_popcorn]

الحمدلله على سلامتك حبيبتي
و انتي تكتبين عن التجربة انا حسيت بالوجع


ابي اسالك سؤال اذا ما فيها احراج ، كون المنطقة حساسه الوحدة بعد العملية ما راح تفقد الاحساس بالمنطقة نفسها على مدى الايام؟

 

[قبلة مطير]

الحمدلله على سلامتك حبيبتي
و انتي تكتبين عن التجربة انا حسيت بالوجع


ابي اسالك سؤال اذا ما فيها احراج ، كون المنطقة حساسه الوحدة بعد العملية ما راح تفقد الاحساس بالمنطقة نفسها على مدى الايام؟

حياج حبيبتى ومافى اى احراج
انا عمليتى كانت لشفره فيها تضخم وطبعا ازاله للاثار الجراحات السابقه لولاداتى
يعنى اللى والدهبمستشفى حكومى تعرف شلون يترك اثر خياطهم مع تضييق شويه
بس الاحساس ماله شغل نهائيا لان متمركز بمنطقه البظر وماله شغل
وممكن تقرأيين اكثر وتشوفين وايد سوى العمليه والجماع عادى عقب ما تغير شى

 

[قبلة مطير]

رجاءا يا اخت طيف بدون غلط او تجريح انا كاتبه تجربتى عشان خواتى الكويتيات
يكون عنهم خلفيه عن الموضوع ويشوفون الايجابيات والسلبيات وشنو ممكن يصير
وبعدين حبيبتى اذا مو عاجبج موضوعى ليش قريتيه وليش علقتى
خلى تعليقج لنفسج

 

[7elwa&3soola]

الله يشفيييج يارب ويسهل عليج ماتشوفين شر

 

[قبلة مطير]

الله يشفيييج يارب ويسهل عليج ماتشوفين شر

مشكوره على الدعوه الحلوه
فعلا كويتيات خواتى مثل البلسم ومشكوره على مرورج

 

[دلــــولــي]

الحمدلله ع سلامتك اختي
عندي سؤال بس حدي مستحيه راح اسال وعفيا جاوبوني

عادي البنت اللي مو متزوجه تكون الاشفار مو متساويه والبول يصير ع جهه اليسار ؟؟؟

 

[sweet_popcorn]

حياج حبيبتى ومافى اى احراج
انا عمليتى كانت لشفره فيها تضخم وطبعا ازاله للاثار الجراحات السابقه لولاداتى
يعنى اللى والدهبمستشفى حكومى تعرف شلون يترك اثر خياطهم مع تضييق شويه
بس الاحساس ماله شغل نهائيا لان متمركز بمنطقه البظر وماله شغل
وممكن تقرأيين اكثر وتشوفين وايد سوى العمليه والجماع عادى عقب ما تغير شى

تسلمين على الافادة حبيتتي و الحمدلله على سلامتك و ان شاء الله تكوني بحال افضل الان ياااا رب

:eh_s(17):