- إنضم
- 18 سبتمبر 2009
- المشاركات
- 371
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم بنات ان شاء الله بخير
الحمدلله امس الظهر الساعه 1 كانت عمليتي بالمواساة مع الدكتور عبدالمحسن جعفر
وكاتبه بالموضوع القديم ليش كنت ابي اسويه والحمدلله تحقق حلمي وقاعده على اعصابي انطر النتيجه الحين
المهم اقولكم شصار
رحت المستشفى على الساعه 11 ونص والدكتور قال بحطج بغرفه مو بعمومي ورحنا الطابق الاول عند قسم day case unit ومالقيت غرفه فودوني الطابق الرابع شافو وزني وضغطي و قعدت حطيت اغراضي ومعاي اهلي نطرنا السستر تيي وعطتني الملابس ( ملاحظه بنات تصدقون اني ماحسيت بأي خوف!! مع اني اول امس كنت بمووووت من الخووف واعصابي صايره نار بس الحمدلله بيوم العمليه راح هلشعور) المهم لبست ملابس العمليات وخذوني لووول تخيلت اني بمسلسل من كثر مانشوف هلمواقف وودوني غرفة التخدير حطولي درب وبعدها رحت غرفة العمليات وقالولي لاتخافين من هلكلام بعدها لبسوني الكمام المخدر وجني سمعت صوت الدكتور جعفر يقولي لاتخافين ترى اول يوم راح تتنفسين من حلجج وماوعيت الا والسستر تقولي mama finish amalya كنت اون طووووول فترة الانعاش حتى ياني دكتور كويتي شكله توه مشتغل لووول فشله وعيوني احس فوقهم طابووق ماقدر افتحهم مر على هلوضع ساعه ورجعت مره دم وبعدها ودوني غرفتي صداع يابنات لايطاااق الم بالويه بشكل موطبيعي (انا موحابه اخرعكم بس قاعده اقولكم الصج لان الدكتر قالي ماراح تحسين الا بصداع خفيييف) والحمدلله طلعت على الساعه 7 ونص بليل واليوم العصر عندي موعد
وان ششاء الله الصور قبل وبعد بنزلهم بس تكفون ادعولي اصير بخير لاني للحين دايخه وحاسه بألم
اي ونسيت اقولكم ويهي مزورق الحين وشفايفي يااابسه وانتفخت بس الحمدلله على كل حال ان شاء الله يخف
واذا عندكم اي سؤال انا حاظره
شلونكم بنات ان شاء الله بخير
الحمدلله امس الظهر الساعه 1 كانت عمليتي بالمواساة مع الدكتور عبدالمحسن جعفر
وكاتبه بالموضوع القديم ليش كنت ابي اسويه والحمدلله تحقق حلمي وقاعده على اعصابي انطر النتيجه الحين
المهم اقولكم شصار
رحت المستشفى على الساعه 11 ونص والدكتور قال بحطج بغرفه مو بعمومي ورحنا الطابق الاول عند قسم day case unit ومالقيت غرفه فودوني الطابق الرابع شافو وزني وضغطي و قعدت حطيت اغراضي ومعاي اهلي نطرنا السستر تيي وعطتني الملابس ( ملاحظه بنات تصدقون اني ماحسيت بأي خوف!! مع اني اول امس كنت بمووووت من الخووف واعصابي صايره نار بس الحمدلله بيوم العمليه راح هلشعور) المهم لبست ملابس العمليات وخذوني لووول تخيلت اني بمسلسل من كثر مانشوف هلمواقف وودوني غرفة التخدير حطولي درب وبعدها رحت غرفة العمليات وقالولي لاتخافين من هلكلام بعدها لبسوني الكمام المخدر وجني سمعت صوت الدكتور جعفر يقولي لاتخافين ترى اول يوم راح تتنفسين من حلجج وماوعيت الا والسستر تقولي mama finish amalya كنت اون طووووول فترة الانعاش حتى ياني دكتور كويتي شكله توه مشتغل لووول فشله وعيوني احس فوقهم طابووق ماقدر افتحهم مر على هلوضع ساعه ورجعت مره دم وبعدها ودوني غرفتي صداع يابنات لايطاااق الم بالويه بشكل موطبيعي (انا موحابه اخرعكم بس قاعده اقولكم الصج لان الدكتر قالي ماراح تحسين الا بصداع خفيييف) والحمدلله طلعت على الساعه 7 ونص بليل واليوم العصر عندي موعد
وان ششاء الله الصور قبل وبعد بنزلهم بس تكفون ادعولي اصير بخير لاني للحين دايخه وحاسه بألم
اي ونسيت اقولكم ويهي مزورق الحين وشفايفي يااابسه وانتفخت بس الحمدلله على كل حال ان شاء الله يخف
واذا عندكم اي سؤال انا حاظره
تعالووو اقوكم شصار
