سويتي ليزر للمنطقة الحساسة و رجعلج الشعر بعد الحمل؟!!

[still there]

السلام عليكم

بنات انا استعمل جهاز فليبس الضوئي في البيت لازالة شعر المنطقة الحساسة , و طبعا استعمل الموس دائما و حتى قبل لا استعمل الليزر المنزلي ... وصارلي تقريبا 7 او 8 شهور بتسع جلسات ... الشعر قل عدده وأكثر شي موجود علي (عفوا ) الشفرين و اكثر خشونة بهذا المكان و يقزز .. واخر جلسة قررت اكون قاسية على هالمكان و زدت الحرارة لاربعة و لاحظت عقبها شوية صلع

ولان في السابق كانت كثافة الشعر وسماكته في هذه المنطقة ما تخليني اتجرأ افكر حتي انى أشيلة بشيرة .. غير ان الشيرة ممكن تسبب ترهل و كدمات و بقع علي المنطقة ..
الحين عقب ما خفت كمية الشعر حسيت ان ممكن استغل الفرصة و انزع الشعر بماكينة حتى أتجنب مساوئ الشيرة و بنفس الوقت تنعم الشعرة و تنظف المنطقة اكثر من الليزر .

وانا الحين محتاره بين اني أكمل جلسات الليزر و الا أغير الطريقة الى نزع الشعر ؟ ابي مشورتكم يا بنات :eh_s(7):

وسؤال يليت اللى مرت بالتجربة تجاوبني عليه لان ممكن يحل حيرتي بين الخيارين .. هل اللي سوت ليزر للمنطقة الحساسة و راح منها الشعر .. هل رجع الشعر لها بعد الحمل ؟ لان يتروالي اذا يرجع الشعر بعد الحمل يعني ماله فايدة ليزر :eh_s(10): و يقولون بعد حتى شعر الجسم بعد يرجع بعد الحمل:eh_s(1):

شوروا علي ارجوكم شنو أختار ؟
​

 

[سميره مملوحه]

هلا حبيبتي

انا سويت ليزر قبل لا احمل بسنه بدار الشفا جلستين بس
حلو

وخف الشعر من بعد الجلسه الاولى 90 %
تخيلي
وبعد الجلسه الثانيه ماااااكو شي

وحملت بعدها

ووقفت طبعا اليزر


4شهور من الحمال وشفت الشعر بدا يطلع

والحين بنتي كملت سنه
لكم الحسبه

والشعر طلع

بس










مو نفس قبببببببببببببببببل

اقل بوااااايد وناااااااااعم وشويه
ان شالله فهمتي عليه

يعني صارلي من تركت اليزر سنه و5 شهور

والشعر طلع بكل مكان بالمنطقه بس خفيييييييييف

ان شالله فهمتيني

 

[still there]

سميرة مملوحة مشكورة على الرد .. الله يهنيج بالنتيجة اللى حصلتيها .. عاد انا ليزر ضوئي مو نفس العيادات يعني ناعم علي البشرة , من جذي طولت النتجية النهائية اللى المفروض ما اشوف ولا شعره فيه , 8 شهور بس قل ما اختفي ؟ شسوي الحين اكمل فيه و لا اغير ؟ والله محتاره والمشكلة لازم أحدد الحين

 

[قلم احمر]

تنصحيني أشتري الجهاز ؟؟؟

 

[still there]

قلم احمر مثل ما ذكرت بالموضوع النتيجة اللى طلعت معاي بس بالعيادات يكون اقوي و وقت اقصر وانتي تقررين الطريقه اللى تبينه حسب ظروفج

 

[still there]

ما عندكم راي يابنات تفيدوني فيه ,, أو تجارب اللى سووا ليزر للمنطقة​

 

[بلآني زمآني]

انا سويت ١٤ جلسه للبكيني وللحين مستمره

والجهاز جنتل ليزر

طبعاً الشعر خفيييف وبر ويطلع كل ثلاث اشهر

وفعلاً الشعر الي بالشفرتين يطول لين تطلع النتيجه

 

[mrs.abk]

شوفي بحسب دكتورتي تقول إن الشعر يرجع بعد الحمل بسبب اضطراب الهرمون .. لكن لازم اللي مسوية ليزر تظل تشيل بشفرة حتى لو في الحمل .. بعد الولادة ب 6 شهور يرجع الشعر لطبيعته مال قبل الحمل وتحتاج جلسة تنشيط الليزر كل 6 شهور بشكل عام سواء حملت أو لا .. بس بعد الولادة ب 6 شهور تسوين جلسة للشعر فتلاقينه رجع نفس قبل الحمل ..

 

[still there]

بلاني زماني مشكورة علي المشاركة واعتقد انتي نفس وضعي و14 جلسة وللحين ما خلص نهائيا بس زيادة انا الشعر الصغير عندي يطلع بسرعة مو ثلاث شهور يعني الظاهر سالفتي مطولة

 

[still there]

mrs.abk مشكورة علي الافادة عزيزتي , اتوقع الليزر بالعيادة اقوي من المنزلي فعلا بس كم جلسة سويتي قبل الحمل حتي وصلتي للنتيجة المطلوبة ؟ تعرفين انا من نفسي احط الجدول و درجة الحرارة واسوي مرة كل شهر بعد الدورة ما ادري يمكن يعتبر اقل من المطلوب

 

[رجفة وهم]

كيف يعني إذا شلت باليزر يطلع بعدين مايختفي نهائيآ

كم يبيله شهر عشان يطلع الشعر

 

[بلآني زمآني]

بلاني زماني مشكورة علي المشاركة واعتقد انتي نفس وضعي و14 جلسة وللحين ما خلص نهائيا بس زيادة انا الشعر الصغير عندي يطلع بسرعة مو ثلاث شهور يعني الظاهر سالفتي مطولة

انا الي اعرفه نه ما راح يختفي نهائياً

يعني راح اظل على الليزر لكن ممكن تطول المده الى ست اشهر بين الجلسات

والنتيجه الي وصلت لها صراحه مرضيه يعنني خف الشعر بنسبه 90%

والي فوق منطقة العانه ما تشوفينه من كثر ما هو خفيف احس فيه باللمس

لكن الشفرات فيه طول اشويه مو مثل الي فوق

صراحه الليزر راحه وما عندي مانع استمر عليه وانصحك لا تملين استمري

ع فكرة انا اتابع بمركز ما عندي جهاز منزلي والمنزلي يكون خفيف مو مثل الي بالمستشفى

 

[still there]

انا الي اعرفه نه ما راح يختفي نهائياً

يعني راح اظل على الليزر لكن ممكن تطول المده الى ست اشهر بين الجلسات

والنتيجه الي وصلت لها صراحه مرضيه يعنني خف الشعر بنسبه 90%

والي فوق منطقة العانه ما تشوفينه من كثر ما هو خفيف احس فيه باللمس

لكن الشفرات فيه طول اشويه مو مثل الي فوق

صراحه الليزر راحه وما عندي مانع استمر عليه وانصحك لا تملين استمري

ع فكرة انا اتابع بمركز ما عندي جهاز منزلي والمنزلي يكون خفيف مو مثل الي بالمستشفى

انا بالنسبة لي النتيجة مو مرضية الصراحة .. وسالت الطبيبة النسائية و قالتلي النزع افضل و بتكل علي الله و اشتري المكينة بس مو ندمانة علي الليزر المنزلي لانه قلل شعري علي الاقل

 

[بلآني زمآني]

^

جربي تسوين جلسه بالمركز بجهاز جنتل ليزر

وشوفي النتيجه اتوقع تعجبك اكثر

موفقه حبيبتي


..

 

[still there]

بلاني زماني عسي الله يبعد عنج البلا ,, مشكورة يا قلبي

 

[بلآني زمآني]

^

جميعاً يا قلبي

العفو


..

 

[mrs.abk]

mrs.abk مشكورة علي الافادة عزيزتي , اتوقع الليزر بالعيادة اقوي من المنزلي فعلا بس كم جلسة سويتي قبل الحمل حتي وصلتي للنتيجة المطلوبة ؟ تعرفين انا من نفسي احط الجدول و درجة الحرارة واسوي مرة كل شهر بعد الدورة ما ادري يمكن يعتبر اقل من المطلوب

إذا في البيت أعتقد لازم أسبوعيا .. شوفي شو مكتوب على الجهاز

أنا والله سويت وايد .. للويه والاندر أرم سويت أكثر عن 14 جلسة ..

بس للجسم كامل للأيدي والريول والبطن بدون الظهر سويت أعتقد 7 جلسات .

الجسم عطاني نتيجة أسرع من الويه والاندر أرم ..

 

[أحلى قصة]

ااااااااااااااااااااااب