سويتي كيراتين تعالي قوليلي تجربتج بكل امانه(حق بنتي)

[q8y-moon]

السلام عليكم

بنات بنتي عمرها 10 سنين اسم الله عليها وشعرها ناشف وانا دايم احطلها دهن وحمام زيت مو مقصره بس الشعر طبيعته ناشف مهما سويت
دشت علي ذيج المره وقالتلي يما رفيجتي مسويه كيراتين وصار شعرها يهبل ابي نفسها
وانا خايفه اسويلها ويتنتف شعرها ولا يحت واصير انا السبب احس توها صغيره


تكفووون الي مجربه الكيراتين تقولي الصج امانه برقبتها يحت الشعر ولا لا؟؟
وينفع حق بنتي بهالعمر ولا تنصحوني انطر
و احسن ماكن يسوويه مضمووون
ناطرتكم لاتدقرونيي بليييز

 

[q8y-moon]

شدعوه 7 ولاوحده حتي ارفعت الموضوع

 

[&موناليزا&]

رد : سويتي كيراتين تعالي قوليلي تجربتج بكل امانه(حق بنتي)

عزيزتي رفع لعيووووووونج

 

[Q8chibis]

رد : سويتي كيراتين تعالي قوليلي تجربتج بكل امانه(حق بنتي)

بس جني سمعت انه للشعر المصبوغ!!
اخاف ماينفع بنتج توها صغيرة، خليج على الطبيعي
جربي الصبار ،، عجييب عجيييب وزيت الزيتون

 

[Ray.Bana =$]

رد : سويتي كيراتين تعالي قوليلي تجربتج بكل امانه(حق بنتي)

أقرآ بمجلة الممتاز اللي اتيي مع جريدة الوطن الكيراتين اللي حق الاطفال =$ مايكون تأثيرهـ قوي نفس اللي حق الكبآر بس مادري سألي عنهـ اذا فيه احد مجربه

 

[miss angel]

رد : سويتي كيراتين تعالي قوليلي تجربتج بكل امانه(حق بنتي)

اب لعيونج

 

[unapproachable]

جنها توها صغيره عليه .. بس ماعندي فكره

 

[ام عفاف الكويت]

انا جذي فكرت حق بنتي ام 4 سنين
بس بعدين خليتها على الزيوت وتعدل شوي
خفت لاني مسويه كيراتين بس انا غير لانه شعري حارقته بالاشقر
بس عن نفسي ماراح اعيد التجربه لانه راعيه اصباغ والشعر يبله عنايه خاصه

 

[miss_math]

رد : سويتي كيراتين تعالي قوليلي تجربتج بكل امانه(حق بنتي)

توها صغيره خوفج يحت الشعر

 

[BiiShOoO]

اب اب

 

[Čut!e Quèéи]

حبيبتي انا بقولج عن تجربة حماتي مو على السانها لا والله شوف عيني

كانت دايماً تسألني وتقولي سوي لي سيرج ابي اسوي كيراتين لان شعرها حيل تعبانه وخشن وناشف من صبغات الاشقر

وقعدت احوس احوس بالمواقع واخذ افكار وادور اخر شي شفت اهني بكويتيات في وحده صالونها متخصص بالشعر والكيراتين

خذيت رقمها وعطيته حماتي اتصلت عليها وخذت موعد ورحت معاها الصالون اهناك شافو شعرها وقالوا لها حيل تعبانه مثل الليفه هههههه

المهم شافوا طوله لي حد الستيان قالوا لها راح يطلع عليج 85 دينار وعلى فكره الصالون هذا طلع اهو المركز المعتمد للكيراتين بالكويت

سوت لها كيراتين رقم 2 جلوبل بالشوكولاته وريحته تهببببل جنها قهوه على كاكاو طبعا اول 4 ايام ما تغسلين شعرج كلش وكله تخلينه مفلول

خامس يوم غسلوا شعرها الصراحه شي رهيييييييييييب لمعه قوووويه والله كأنها مزيته شعرها ولا فيه ماي من قوة اللمعه ماشاءالله تبارك الرحمن

والنعومه شي خياااال صج صج مو محتاجه لا استشوار ولا سيراميك مع انها كانت مدمنه على السيراميك لانها تستحي من خشونته اشلون ناشف

والله ان شعرها حيل حيل تغير وتعدل وصار شي عجيب وعلى فكره الكيراتين ما يحطونه حق الجذور وماشاءالله لا تساقط ولا شي يهبل صاير

والله انها ناويه تسوي حق بنتها بس قالوا لها للاطفال من عمر 4 سنوات احسن وبعدين الكيراتين علاج للشعر مو تمليس عشان نخاف منه

بس الي جربو و ذمو فيه هذا لانهم مخدوعين غاشينهم وحاطين مع الكيراتين تمليس عشان جذي طيح شعرهم


وهذي تجربتها شوف عيني مو اهي الي قالت لي والله يشهد علي اني صادقه معاج

 

[بنت الاحلام]

ما عندي فكره اب

 

[~LiBrA~]

رد : سويتي كيراتين تعالي قوليلي تجربتج بكل امانه(حق بنتي)

عدل بنتج توها صغيره لا تعودينها على المواد الكيماويه حرام

خلج على الشي الطبيعي زيوت وخلطات صج تتعبين بس شي يظل مفعوله فتره طويه احسن من جم شهر بس

وانتي ماتضمنين المكان الي بتروحينه يمكن نفع مع غيرج بس ماينفع مع بنتج
احنا اكبار ونتحمل بس الصغيره اذا صارلها شي راح تتحسرين

وانتي براحتج

 

[ام الدرر]

حبيبتي
للامانه والله يشهد على كلامي
من كثر ما تكلمت عن المرة قمت ماارد على مواضيع الكيراتين اخاف يقولون لي مصلحة
جربتها اختي وقامت تمدح ماصدقت قلت يطيح الشعر ويحرقه لما شفت شعر اختي هالكلام السنه اللي فاتت شهر 9
بنتي عمرها 7وشعرها كيرلي الشعره ناعمة بس ماينفل بدون استشوار تعبت معاها باول ابتدائي كله تبين ناعم وتبجي
وهي نفس طبيعة شعري دقيت عليها ويت تسوي لي انا وبنتي والله ما اجذب شعر بنتي قمت اسوي له عنقوص عقب العجفة
واحيان تيي من المدرسة شايلة الشباصة من الوناسة وانا نفس الشي اسبح واخليه ينشف او بس هوا
هو طبعا مايصير ستريت حيل لا ناعم بشوية لفات مو وايد
وتوني دور السنه دقيت عليها ويت سوت لنا مرة ثانية وكل خواتي بناتهم عندها وبنات اخوي
ما اسوي لها دعاية واذا تحبين تسوين عند مكان ثاني براحتج بس حبيت اقولج تجربتي مع الكيراتين
وامانه شعري لايطيح ولا يتقطع مع اني سويت 3 مرات
بس بنتي للامانه طلع فيها قشرة وقلت للي سوت لنا قالت اللي جلدة الراس حساسة يطلع لهم
وهالمرة سوت لها بعدت عن الجلد شوي والحمدلله الحين نفس الحاله اربطه لها الصبح وتيني بالهدة مفلول تقول الشباااااااااااصة طاحت​

 

[قطوة@@]

رد : سويتي كيراتين تعالي قوليلي تجربتج بكل امانه(حق بنتي)

فوووق

 

[q8y-moon]

الله يجزااكم خييير
تكفووون الي جربته شخصيا او لبنتها تقولي تجربتها
ومشكورين الي ردو علي

 

[أم غايب]

بنات ذكروا اسماء الصالونات و وين سويتوا بليز

 

[أم حسون]

واي لا واللله حرام لاتسوين مانصحج فيه كلش اول شهر تستانسيييييييين بس بعدين يححت بشكل موطبيعي انا سويته عند وحده تيي للبيت ماني ذاكره اسم الصالون والله بس انصحج لاتسوينه

 

[الغــلآ]

آب




,،,

 

[اوووفه]

حتي انا محتارة ودي اسوي لبنتي ما ادري اسويلها كراتين او يوكو