سويتي فراكسل ,بروفراكسل او اكتف اف اكس ؟

[عميمة]

السلام عليكم

بناات بصراحه خاطري اسوي تقشير

انا كانت بشرتي مززه بس فجأه طلعت لي حبوب واايد وايد خفت معالم وجهي

ورحت عالجت عند دكتوره دلال التركيت ايام ما كانت بخيطان والحمدلله راحو الحبوب

صح رجعو بعدين بس بشكل اخف بوايد

والحين حبوبي طبيعيه يعني تطلع ادا اكلت كاكاو وايد او مع الدوره او مع المناسبات الرسميه :eh_s(2):

بس المشكله ان اثار الحبوب مأثره علي ولاني كنت اتليقف على الحبوب فصار في حفر بويهي


وقريت مواضيع بالمنتدى عن الفراكسل والاكتف اف اكس ناس يمدحون وناس يذمون

بس المواضيع كانت قديمه


في احد منكم سوا وحده من هالعمليتين او سمع عن احد

واستفاد ولالا ؟ وعند منو سووها ؟؟


الله لا يهينكم اي كلمه تفيدني لان وايد متحبطه منها

 

[عميمة]

الشكوى لله ماكو الا ارفع موضوعي بيدي

 

[عاشقة الدوحة]

اختي هاي مب عملية .. هاي ليزر.. انا ودي اسوي وودي احد يعرف ومجرب يقولي عنه ...
للحين ما تجرأت اسويه ،، بس اذا بسوي هالليزر بسويه اذا في مناسبة ...

 

[كنوني 2]

عزيزتي تحملي اسوين الفراكسل صديقتي وجها حلو قالت بسو ي الفراكسل نصحناها انا وزميلاتي في العمل ماطاعت راحت سوت بحث في قوقل راسها والف سيف الا اسوية المهم يوم سوت الفراكسل توسعت المسام ونفروجها صار فية احبوب ماطقين اجوفينها وردت مرة ثانية سوتة ظهر اخس من الجلسة الاولى صاير يلوع الجبد عزيزتي ابتعدي عن اي شي اسمة ليزر بالوجة نصيحة اخت لختها

 

[رقـة الاحسـآس]

فديتج انا مجربه غير عن اللي ذكرتيهم تقشير الكوزميلان و حصلت عليه نتايج حلوه الحمدالله
بعدني ما خلصت لان كانت الاثار فويهي وايد وانا اريد اوصل لبشره صافيه باذن الله
بس اللي باقي الحين شي بسيييط
وماشاءالله وايد وايد وايد فرق ويهي

انا سويت جلستين كوزميلان رقم 1 و هذا تسويه الدكتوره لج فالعياده و يتم 8 او ساعات ع ويهج < يفضل يكون فيج الدوره عشان الصلاه
الجلسه الاولى من تخلصين بعدها تبدين تطين الكوزيلان رقم 2 و هذا تحطينه بروحج فالبيت كل ليله قبل النوم
والجلسه الثانيه للكوزميلان رقم 1 سويتها بعد الجلسه الاولى بشهر
بس ترا كله ع حسب بشرتج و الاثار اللي فيها ممكن تحتاجين جلسه بس و تكفيج و تكملين ع ال 2 حسب التعليمات و عقب خلاص

موفقه ان شاءالله ^^