سويتي تجميل انف وشافوج الاهل والرفيجات الي ما تبينهم يعرفون ! مواقفكم واسلوبكم بالرد

[quietone]

السلام عليكم :**

شلونكم بنات ؟؟ الموضوع واضح شافوج بعد تجميل الانف او الويه ... وعلقو او قطو نغزات ... شنو ردت فعلكم ... ؟؟؟

زين واذا رفيجاتج سالو خشمج متغير مسويه تجميل ... شنو ردكم اذا كنتو ما تبون تقولون تجميل ... ؟

بنات انا ما احب اجذب بس مابي ينتشر الخبر وادري في بنات وحريم بخزووووور السوق ما يصدقون على الله يشوفون شي !!!!

ردت فعلكم وردودكم .... وحتى لو كان مبين تجميل انف او ويه وعلقو عليكم شنو بتردون عليهم ... ؟

اذا وحده مسكتج من الحريم الكبار خالتج او عمتج وحاولت تسحب حجي او تسالج على بنها الام الحنون !!! شنو ردكم ... ؟

رفيجاتكم القراب قالو لج متغيره او خشمج تجميل متغير شنو ردكم ؟؟؟

يالله بنات نبي نعرف تجاربكم ومواقفكم ... :eh_s(7):

 

[quietone]

مساء الخير ..


بنات شدعوه 46 مشاهده .... وﻻ وحده ردت وقالت تجربتها .... !!!!! فيدونا اكيد كل الي جربو تجميل انحطو فمواقف .... يالله بنات عن النحاسه !!!

 

[اسماء المنور]

حبيبتي انا بقول لك
انا سويت عمليه لخشمي
وتغير شكلي الحمدلله للأحلــــى
والكل درى بس محد واجهني
طبعا مايطلعون هالسالفه الا حريم الاخوان ههههههههه
والا الرفيجات عادي قلت لهم
واللي شوي مو حيل علاقتي قويه معاهم.. درو بس ساكتين لوووووول

واللي سأل خواتي قالو لا هي مو مسويه شي >>>>>>طبعا انا قايله لهم



بالعربي محد بيقول لك بوجهك كذابه ... بالطقاق فيهم..اللي يقط وجهه ويتطفل يستاهل الرد

 

[quietone]

اسماء المنور





مبروك نتيجت خشمك الحلوه ... وشكرا حبيبتي على الرد ♥

زين تسوين فيهم .... انا في ناس ما تستحي تطفل وتدخل ابي ردد مناسب يسكتهم ... بس لي اللحين منعزله محد شافني .... يبين اول ما ابدي اداوم وازوﻻه الاهل والرفيجات

شكرا حبوبه ♥

 

[quietone]

مساء الخير ....



بنات انا مسافره وقعد اطلع كل مكان عادي ﻻني مو بالكويت ... بس الجبس على خشمي ..

بنات قطعوني خززز الاوادم .... بس كل شي بصوب ولما صادفت كويتين بصوب ... صرت اجبالهم تلفزيون يخزوني ويسولفون اشكره حشششششش هههههههههه صادفتهم بالسوق وطنشت ومشيت ......

وحزت روحتي بالمطار هم وحده مره كبيره تخزني حيل ومعاها عيالها شباب تقولهم شوفو مسويه تجميل ... فجاه تشوفون قبيله كلها ﻻفه تخزنييي اخترعت .. جان اندعس ورا امي .... وامي تقولي طاف مالج شغل بحد ....

والله مرت علي شكثر قصص ... و هم مريت صوب مكان جان واحد يشتغل يقول حق امي احنا نعرفج كل يوم نشوف بنتج تمر هل مكان .... اذا تبين شي قولي لنا .... قامو يثبتونا بسبت خشمي صرت مشهوره للوووووووول

قعد اقول حق امي هذوﻻ ما اعرفهم وجذي بدعوو عيل شلون لي رديت وشلت االجبس شبيقولون الاهل والرفيجات ههههههههه بيبدعون شكلهم بس حقران طاف ..

 

[بطوووطة$بيضة]

اي قولي الصج وصيري واثقه من نفسج

بعد هذا خشم يعني شي واضح ابويهج

بتجذبين ليش او بتقولين مو امسويه راح يضحكون عليج الناس

 

[am-abood]

انا قلت لاهلي ورفيجاتي لان اه الخشم بالوجه يعني اقص على روحي لما بقول محد بينتبه
بس الناس البعيدين عني ماسالوني وماتوقع رح يسالوني

 

[quietone]

:eh_s(10):

يعني انشاء الله مابتسوون لكم تجميل
وتصدقون حالكم انه طبيعي ولما احد يقولكم تقعدون تجذبون
لا وتخلون الناس تجذب معاكم

اختي ليش متضايقه منو مزعلج !!! ﻻ ما اصدق حالي انه طبيعي وﻻ اجذب !! كل شخص حرر نفسه بس في ناس تطفل وتدخل وما تستحي .... وهل ناس مالهم حق يتدخلون في شؤون غيرهم او حتى يسالون ... القافه مالها داعي ... ولما اسوي تجميل مو خايفه من احد وﻻ احد يهمني بس فكرة الموضوع شلون تردين على الناس الملقوفه :eh_s(4)::eh_s(4)::eh_s(4):

شكرا على المرور وهدي بالج ماكو شي يستاهل ! :eh_s(8):

 

[quietone]

اي قولي الصج وصيري واثقه من نفسج

بعد هذا خشم يعني شي واضح ابويهج

بتجذبين ليش او بتقولين مو امسويه راح يضحكون عليج الناس

شلون تتعاملين مع الناس الملقوفه ... ؟ شنو المواقف الي مريتو فيها ... ؟ ما قلت ما راح يبين وﻻ ابي اجذب بس في ناس لقافتهم مالها داعي كلسسش ..وﻻ اهلي ورفيجاتي القراب بيعرفون بس الناس الي تبلغ شفها بشؤون غيرها وتطفل واتحب تعرف كل شي وعن نفسها موامورها ما تتكلم .... هذولي لقافتهم على نفسهم .....


شكرا حبوبه على المررور :eh_s(8):

 

[quietone]

انا قلت لاهلي ورفيجاتي لان اه الخشم بالوجه يعني اقص على روحي لما بقول محد بينتبه
بس الناس البعيدين عني ماسالوني وماتوقع رح يسالوني

زين ما مرو عليج ناس يتليقفون او يسالون ... شكرا حبوبه :eh_s(17):

 

[مــســك]

ماعليج من الي يتكلم .. وخليج واثقه بنفسج .. واذا آحد سآلج فلانه محلوة ولا متغير شي فيج ..


قولي اي يمكن من زمان مو شايفتني .. وغيري الموضوع ..


واذا احد ملقوف وبطها بوجهج مسويه بخشمج .. قولي لا ..

وهذي حريه شخصيه اذا بتجاوبين ولا لا ..


هذيلا الفنانات يسون النون وما يعلمون ويبين مثل وضوح الشمس .. ويطلعون بكل ثقه ويقولون ما سوينا شي ..

نوال الزغبي ليومج هذا تقول ما سويت تجميل ..!


واليسا توها تعترف وتقول ايه سويت بمنخآري ..


ونانسي يا حلووها عادي تعتر انها سوت ثلاث مرات لما ضبط خشمها ..


وهيفا كذلك اكثر من مره تسوي بخشمها بس تنكر .. ومع هذا شووفي النآس معجبين فيهن ..


والي يتحجى عنج ويقول ما زانت الا لما سوت بخشمها تلقينه حاسد وغيووور ..


عند منو سويتيها اي دكتور ..؟


وموفقه ..

 

[ريم جده]

مسسسك اسلوب راقي في الكلام ياريت بعض الناس تتعلم شوي

 

[quietone]

عند منو سويتيها اي دكتور ..؟

وموفقه ..

:eh_s(7): هلا حبيبتي

شكرا على الكلام الحلوو والمشاركه والاسلوب الاروع وصح كلامج محد له شغل يتدخل ....

سويتها عند دكتور خالد الصبيح ومنزله موضوع ذاكره فيه كل تجربتي كامله من قبل العمليه لين باجر ان شاءالله .... تقدرين تشوفين الموضوع نفس القسم وبعنوان دكتور خالد الصبيح ..

حياج الله .. واجمعين حبوبه :ggdw::ggdw::ggdw:

 

[quietone]

مسسسك اسلوب راقي في الكلام ياريت بعض الناس تتعلم شوي

:eh_s(7)::eh_s(7)::eh_s(7): فعلا يا ريم جده صح كلامج .. حياج الله حبوبه

 

[$نرجس$]

ماعليج من الي يتكلم .. وخليج واثقه بنفسج .. واذا آحد سآلج فلانه محلوة ولا متغير شي فيج ..


قولي اي يمكن من زمان مو شايفتني .. وغيري الموضوع ..


واذا احد ملقوف وبطها بوجهج مسويه بخشمج .. قولي لا ..

وهذي حريه شخصيه اذا بتجاوبين ولا لا ..


هذيلا الفنانات يسون النون وما يعلمون ويبين مثل وضوح الشمس .. ويطلعون بكل ثقه ويقولون ما سوينا شي ..

نوال الزغبي ليومج هذا تقول ما سويت تجميل ..!


واليسا توها تعترف وتقول ايه سويت بمنخآري ..


ونانسي يا حلووها عادي تعتر انها سوت ثلاث مرات لما ضبط خشمها ..


وهيفا كذلك اكثر من مره تسوي بخشمها بس تنكر .. ومع هذا شووفي النآس معجبين فيهن ..


والي يتحجى عنج ويقول ما زانت الا لما سوت بخشمها تلقينه حاسد وغيووور ..


عند منو سويتيها اي دكتور ..؟


وموفقه ..

كفيتي ووفيتي اي والله وهيفاا اربع مراات خشمهااا ونواال الزغبي خشمهاا يوم كاانت اصغييره مع اخوهااا يخرع كبيير بس تنكر للعلم امسويه خشمهاا مرتيين قبل الشهره وبعد لما سوت شفايفها الي خربتها ودينااا حاايك ومليساااا بعد


هاذي الفناانه مليسا قبل

بعد

عورت قلبي صاارت اجنننننن

 

[quietone]

نرجسسسسسسس



شكرا حبوبه على المشاركه ... والصور الي حطيتيها فعلا تغيرت حيل للاحلى ... بس بالصور مسويه بس خشمها ولا في اشياء بعد ... وايد تغيرت ما شاءالله تشوق ..

 

[$نرجس$]

الفك غييييير والخدووود بعد شكلهاا امسويه بفرنساااا اكييد موبلبناان

 

[ريم جده]

الرسول صلى الله علية وسلم يقول قل خيرا او اصمت ...وترا الضحك والشماته ماهي زينه. يمكن ربك يبتليك ...وكمان حاطه استغفر الله

 

[ريم جده]

مارح ارد عليك لاني مابعطيك اكبر من حجمك

 

[Um ЯaYaN彡]

حبيبتي احس صار شي عادي
وانا لو بسوي بقول اي سويت ومالي شغل بكلامهم هم اللي بيتعبون بالاخير اهم شي انتي واثقه من نفسج وجمالج

وصج حبوبه هذي حريه شخصيه وماعليج من كلام الناس فديتج : *