سووووريا

[شذي الفردوس]

حبيباتي خواتي
انا وزوجي رايحين سوريا هالسنه واول مره نروح
ياريت الي تعرف عن سوريا واحلى الاماكن والفنادق
وشلون ناخذ شاليه بالاذقيه؟ وبالشام اي فندق حلو وراقي وسعره زين؟؟؟؟
تحياتي للجميع:eh_s(17):

 

[شهووده]

هلا حبيبتي ..

بالنسبه لنا لما نروح سوريا مانسكن بالشام لأنه حررر ..

نروح بمصايف الزبداني وبلودان ..

نأجرلنا شقه بالزبداني ..

الجووو روعه برااد شحلااته ..

وتتمشين بالسووق شعبي ويونس ..

وتروحين مطاعم بلودان على قمة الجبل ..

أنصحج بمطعم ( كرم العلالي ) و( جدودنا ) ..

القعده جبليه وحلوه ..

بس العيب بهالمنطقتين إنهم مترووووسين خليجيين ..

ماجنج رايحه سوريا ..

الشام نفسها مو ذاك ..

حتى أسوقتهم .. باب توما والحمرا والصالحيه ..

نصيحتي روحي كسب وصلنفا والزبداني ..

الجو فيهم يكون حلووو وبرااد ..

وعندج بعد منطقة مشتى الحلو ..

راس البسيط واللاذقيه بحر ووناسه ..

تقدرين تأجرين شاليه .. بس حطي بالج ترى نصاابين ..

والجو رطب طبعا لأن بحر ..




هذا اللي أعرفه ..

وان شالله أكون أفدتج ..

 

[الأماكن]

سوريا حلوة و باردة بالصيف
شوفي الله يسلمج
إحنا كل مارحنا سوريا
ما نروح الأماكن اللي فيها خليجيين
عالطوووووول المناطق الجبلية الباردة مثل : صلنفة - كسب - راس البسيط - اللاذقية - مناطق باردة بالليل و إخذي لج جاكيت خفيف أو شال سبحان الله يبرد الجو عليييج بالليل
و المطاعم هناك وااااايد

أما الزبداني و بلودان و مضايا هم حلوين باردين
و مطاعمهم زينة

و السوق بالزبداني زين مو ذاك الزووود
بس كثري من القطنيات
و روحي سوق الحميدية بالشام
عندهم الفضيات و الذهبيات
و الملابس القطنية
و لاتنسين تاكلين بوظة من عند سوق الحميدية هناك عندهم محل يجنن​

 

[شذي الفردوس]

مشكورييييين حبايبي الاماكن وشهووده خوش معلومات
بس الي ابيه الاذقيه الشاليهات شلون ناجرهم من هني السفريات والا من هناك ندور ونأجر وبجم الليله الشاليه؟؟؟؟