سونـــــــار يبين ملامح الجــــنين

[Dan Dan 88]

صباح الخير كروشات :eh_s(7):

شلونكم؟؟؟ عساكم بخيررررر ؟؟

ذاك اليوم قاعده اوري اختي صوره البيبي بالسونار العااادي
جان تقوولي فيه سونار 3D يبين ملامح الجنين يعني خشمه وعينه وحلجه

اللي تعرف فيكم مكان يسوي هالسونار العجيب خل يقولي ولا عليكم امررر :eh_s(22):

واذا رويال حياه يسوونه ولا لا ؟؟

واكووون شاكرتلكم

:bye22:​

 

[joojoo.f]

والله حبيبتي ما عرف بس ماحبيت اطلع ما ارد <<< سعوديه

 

[انجبر قلبي]

هذا اتوقع سونار الرباعي مو الثلاثي
4d

 

[Dan Dan 88]

جوجو : تسلمييين

انجبر قلبي: بعددد 4d شي عجيييب والله

بلييييزز قولوي ويييين اسويه
ابي اشوووف هالنتفه اللي لاعب فيني لعب شلووووون شكله ​

 

[شيــوخه]

حبيبتي اي مستشفى خاص يسوييييييه

كل المستشفيات وسعره تقريبا 40 او 50 دينار

 

[Dan Dan 88]

شيووووخه حبي مشكوووره

 

[فاقده ابوهاااا]

هالسونار 4d وطيبه كلينك يسوونه بس اختي ما انصحج فيه لاني رحت وبغيت اسوي بس الدكتوره نفسها قالتلي ليش بتسوينه قلتلها بشوف ملامح ولدي جان تقولي انصحج ما تسوينه لانه قوي واحنا نسويه للي نشك فيه عيوب خلقيه لانه يبين كل شي وقوي وشلج بالاذيه مصيره بيي للدنيا وتفرحين فيه وتشوفينه بأذن الله لا تغلطين وتسوينه

 

[" ام حمود "]

اي سونار رباعي الابعاد تقصدينه .
انا اراجع عند دكتوره نجيبه القطان تسويه بـ 50 او 60 دينار يمكن

 

[انجبر قلبي]

اهوه الحلو ان يعطونج تصوير فيديو و اهو داخل رحمج صج بتصير ذكرى حلوة حتى حق الياهل بعدين لمه يكبر وايد حلو بس اذا يضر شوي يخوف يعني شنو ممكن يضر الجنين ؟

 

[غلاي غير]

سونار رباعي
سويه بكل المستشفيات الخاصه يسونه عجيب يونس

 

[^^دموع الكويت^^]

سوي سونار رباعي روعه واحساس مو طبيعي


انا سويته بعيادة الدكتورة /فوزية القطان


شوفي مثال للسونار الرباعي شلون الملامح تكون واضحة

واحسن وقت تسوينه بالاسبوع 27



والله يتمم عليج وبالتوفيق

 

[om MaRyooM]

سويته بالهادي دكتور عصام يسويه

وناااسة ويبين صج


ويعطونج سي دي

 

[Dan Dan 88]

فاقده ابوها انتي متأكده ان يضر الجنين ؟؟؟

واااااااااااااااي شوقتوني ودي اسويه بس اذا يضر خل يولي ماله داعي

 

[om_saleem]

بالعكس وايد حلو الفور دي ومن طلع اغلب الحوامل يسوونه اكنصحج تسوينه من نهاية الخاس لي السابع لان اذا كبير البيبي مايبين عدل


أنا على ولدي سويت ٣ دي وعندي السي دي لاتينيون ولدي اشلون مستانس واهو يشوف نفسه بس حياله مأسوية ٤ دي لان نزل وكان ولدي باخر الثامن وقالولي مانسويلج لان البيبي كبير

 

[فاقده ابوهاااا]

فاقده ابوها انتي متأكده ان يضر الجنين ؟؟؟

واااااااااااااااي شوقتوني ودي اسويه بس اذا يضر خل يولي ماله داعي

حبيبتي يعني بالعقل السالفه ما يبيلها فكاكه اشعه قويه للدرجه هذي وتبين كل شي يعني ما تتوقعين فيها مخاطره واقسملج بالله ان هذا كلام الدكتوره قالت احنا انسويه للي شاكين فيه عيوب خلقيه لانه يبين كل شي واكيد اي مشفى بتروحيله راح يقولج عادي بس اذا اتعرفين دكتوره شخصيا قوليلها وشوفيها شتقولج وحتى لو نسبة الخطوره 1% ليش اقامر واسوي واضر جنيني خلج على السونار العادي وريحي بالج

 

[Dancing^Queen]

حبيبتي يعني بالعقل السالفه ما يبيلها فكاكه اشعه قويه للدرجه هذي وتبين كل شي يعني ما تتوقعين فيها مخاطره واقسملج بالله ان هذا كلام الدكتوره قالت احنا انسويه للي شاكين فيه عيوب خلقيه لانه يبين كل شي واكيد اي مشفى بتروحيله راح يقولج عادي بس اذا اتعرفين دكتوره شخصيا قوليلها وشوفيها شتقولج وحتى لو نسبة الخطوره 1% ليش اقامر واسوي واضر جنيني خلج على السونار العادي وريحي بالج

السلام عليكم
اختي مو قصدي اغلطج بس متاكده من المعلومه اللي قالتلج اياها الدكتوره!
السونار مو اشعه
السونار موجات وماتظر الياهل بتاتا

يبتلج هالمعلومات عنه

اولآ: سبب تسمية هذا الفحص بالموجات فوق الصوتية:
سمي بذلك لأنه لا تستطيع الأذن البشرية أن تسمعها.
ثانيا:ألية عمل الموجات فوق الصوتية:
في الحقيقة فإن هذا الفحص لا يرسل إشعاعًا كما يعتقد كثير من الناس
وإنما يرسل موجات، وهذه الموجات عندما تلامس أي جسم أو سائل
فإنها تنعكس، حيث يمكن رؤيتها على الشاشة.
ويمكن بذلك تمييز الأجسام حسب كثافتها وقدرتها على عكس هذه الموجات.
ثالثآ: ضرر الفحص بالموجات فوق الصوتية:
حسب الدراسات العالمية فهي لا تشكل ضررًا على الجنين
حيث يجري فحص السيدات الحوامل يوميآ على مثل هذه الأجهزة،
ومنذ سنوات عديدة وبدون أية مضاعفات معروفة لذلك، فإطمئنوا.

 

[Om_Ksha]

فاقده ابوها عيل انا دكتورتي قزرتها علي .. من الشهر الثامن لي التاسع وانا كل اسبوع اروحلها ومادري شالحكمه .. مع انه المفروض من التاسع كل اسبوع ...

وكانت اتسويلي كل ماروح بدون لا اطلب منها !!! والله عيشتني بقلق لانه اللي اعرفه كثرته مو زينه بس مادري شسالفتها الله يهداها

 

[المكسيكيه]

الله وناسه

 

[@ام يوسف@]

انا مسويته بالصباح بالشهر السابع مبين ملامح الوجه

 

[حرم بدر]

انا بسويه بمشتشفى الامومه

باقيلي اسبوعين

سعره ب 20 واذا مع سي دي 25

ولو ما بين يحاسبونج بس على سونار العادي ب 8

وهذا ترى مو عرض اهو سعرهم جذى يعنى رخيص حتى لو ما بين ما راح نخسر شى