سونار المواساة

[noorq8]

بنات مره قريت عن دكتور متخصص سونار بمستشفى المواساة و ماني عارفه اسمه يقولون شاطر وسوناره دقيق وأذكر قالوا ان ب45 فياريت اللي تعرف اسم الدكتور تقول لي .

 

[حرم يوسف بيك]

رد : سونار المواساة

انا سويت هالسونار بعيالي بس ماعرف اسم الدكاتره بس كلهم شطار قالولي بنت يبت بنت وبحملي الثاني قالولي ولد ويبت ولد سونارهم دقيق وواضح

 

[ملكة الثلج]

رد : سونار المواساة

حبيبتــي اللي تقصدينـة
سونار الـ ثري دي , والـ فور دي , اغلب الخاص فيـه هالسونار وماله شغل عالدكتـوور

 

[noorq8]

تسلمون حبيباتي عالرد ,أنا مايهمني بنت أو ولد أنا هدفي انه دكتور شاطر يشوف أجهزة ووظائف الجسم وحجم الأعضاء يعني يطمني على الوضع الصحي للبيبي .

 

[آهات الليل]

دكتور حيان بالمواساة

 

[روعة خيال]

في وحدة مصرية محجبة بس للامانة ما اعرف اسمها

شاااااطرة تهبل

خبري فيها قبل 7 شهور تقريبا

 

[lona28]

دكتور حيان الاحمد

 

[noorq8]

جزاكم الله خير ,فعلا وايد ناس مدحوا حيان الظاهر بتوكل على الله وآخذ موعد معاه ,مشكووووووووووووووووووورين حبيباتي .لأن وللأمانه بقولها (طبعا السونار مو لي ) هي تراجع عند د. ناهده العلي وكان موعدها الاسبوع اللي فات ودخلت معاها السونار ماخذت دقيقتين بالضبببببط كلش ماكوشي كل شي عييني طبيعي ووسلامتكم وتعيشون ماكلفت نفسها حتى تشرح شكل الطفل وين راسه من كرياسه عاد قبلها كانت مسويه سونار برويال عند الدكتوره اللبنانيه بولين كلمه روووووعه شويه عليها خذت قياس العصقول وحجم الراس وسلسلة الظهر يعني تشرح خصوصا ان احنا مو متخصصين يعني كل اللي نشوفه نيجاتيف والمصيبه البنت تسأل ناهده دكتوره شنو آخذ الحين فيتامينات ............شترد عيني أي واحد تاخذينه زين !!! (بتقولين ليش ماتتابع مع بولين ؟؟ أيامها كانت بتسافر الدكتوره اجازه من5 اغسطس ولمدة شهر )
يعني أحسن لها تروح حق الصيدليه وتشتري على شور الصيدلاني .
تقول لها البنت دكتوره متى آخذ ابرة تيتانوس ؟
تدرون شترد! ماما انتي بتولدين بمستشفى مو بالبر كل شي نظييييف !!

 

[فتوت1984]

دكتور حيان فعلا مريح ماشاءالله عليه

 

[أمـ مـحـمـد ــ]

رد : سونار المواساة

انا فبجري ما استغنيت عن دكتور حيان صج صج لو امدح فيه لي باجر ما اوفي

 

[حرم يوسف بيك]

رد : سونار المواساة

كنت مسويه السونار الثلاثي وفعلا الدكتور حيان بكل مراجعه يقعد يشرحلج شي شي بالياهل اول مره يمر علي دكتور يشخص السونار مثله وايد دقيق بعكس الدكاتره الي قبل جربتهم بس كل شي سليم ويخلص جنه مقروص

 

[احب المنتدى]

رد : سونار المواساة

ما ارتحت لهم دار الشفا احلى
مع ان واايد بنات يمدحون حيان الاحمان و ناهض