سونار الدكتورة ليلى اشكناني ؟؟؟

[مفرفشة ومنعنشة]

شلونكم كروشات مع الثقل
الله يهون علينا ويرزقنا الذرية الصالحة بصحة وعافية:yaaaaaarb:
بنات اشرايكم بسونار الدكتورة ليلى ؟؟؟
آنا لما رحت مراجعتي قالتلي اني بالاسبوع 14 - على حسبتها
وسوت لي سونار وقعدت مدة تحوووووس تحاول تطلع نوع الجنين كله يا حاط ريل على ريل او منقلب :080402ask_prv:
المهم آخر شي قالت لي الحين وايد صغير وما يبين عدل بس احتمال 80% انها بنت :wqedqw:

مادري حسيتها مو متأكدة من كلامها ... تهقون يبين عدل بالاسبوع ال14 ولا ممكن يكون غلط ......... حدها حيرتني !!!!!!!!! ومتى افضل اسبوع يبين فيه نوع الجنين ؟

وسؤال ثاني الاسبوع ال14 يعني جم شهر ( خلصت الثاني ودخلت الثالث ...... ولا خلصت الثالث ودخلت الرابع ؟؟؟؟؟؟؟؟؟؟؟ ) :eh_s(22):

 

[هذا مزاجي]

مااعرف الدكتوره اللي قلتي عنها
بس من طريقة شرحها للسونار شكلها مو شاطره
لان نوع الجنس يبين تقريبا من التاسع شلون هذي تقول
مو متأكده وانتي لج 14 اسبوع :eh_s(10):
واتوقع انج دشيتي الرابع :eh_s(15):
الله يقومج بالسلامه يارب

 

[مفرفشة ومنعنشة]

آمين ان شاء الله

مادري آنا اول مره اراجع عندها ، بس للامانه الكل يمدحها وهي بالها طويل وحبوبه وما تستعيل
بس مادري بالسونار حسيتها مو متأكده عدل ؟؟؟

 

[بولندية]

عاد بنت خالة زوجي تمدحها

 

[Ԏỡґἰᾷ]

لا شكلها شآطرة دآم قعدت تحوس وبعد لها نفسية حلوة
ممكن تقوليلي وين عيادتها ؟
وبعدين انتي توج بدشين الرابع
وانا ع فكرة بالثالث قالولي مايبين
والرابع رحت لوحدة شاااطرة حيييل ..
قالت لي مومبين لان مصكر ع روحه >> كان ولد
وقبل لا تسوين سونار الشهر اليااااي
اشربي ماااي واييييد ودشي وانتي محصورة
لان اذا ضاج ع البيبي المكان تقدر تقلبه بضغط الجهاز ع بطنج
وانا انصحج عن تجربة
سوي السونار عند اكثر من مكان لتأكيد نوع الجنين

 

[مفرفشة ومنعنشة]

عاد بنت خالة زوجي تمدحها

حتى خواتي يراجعون عندها ووايد يمدحونها
وآنا بعد مرتاحة منها :eh_s(7):

 

[جوري ونرجس]

ليلى أشكناني مو شااطرة؟!؟!
حراام عليكم معروفه وشاطرة وبالها طويل
عادي حبوبه مابين لانها مصكرة ريولها فالمرة اليايه انشالله يبين
وبعدين ليش مستعيله توج ١٤ اسبوع يعني ٣ اشهر ونص

 

[مفرفشة ومنعنشة]

لا شكلها شآطرة دآم قعدت تحوس وبعد لها نفسية حلوة
ممكن تقوليلي وين عيادتها ؟
وبعدين انتي توج بدشين الرابع
وانا ع فكرة بالثالث قالولي مايبين
والرابع رحت لوحدة شاااطرة حيييل ..
قالت لي مومبين لان مصكر ع روحه >> كان ولد
وقبل لا تسوين سونار الشهر اليااااي
اشربي ماااي واييييد ودشي وانتي محصورة
لان اذا ضاج ع البيبي المكان تقدر تقلبه بضغط الجهاز ع بطنج
وانا انصحج عن تجربة
سوي السونار عند اكثر من مكان لتأكيد نوع الجنين

عيادتها عالبحر جدام نادي اليخوت
وفعلا الدكتورة نفسيتها حلوة وبالها طويل :eh_s(7):

وعلى طاري الماي انا سويت العكس :eh_s(22): دشيت الحمام - وانتوا بكرامة - قبل لا أسوي السونار :eh_s(11): كان المفروض انطر لما اخلص سونار

 

[لعبير]

ااب لعيونج والله يقومج بالسلامه​

 

[مفرفشة ومنعنشة]

الله يسلمج ( لعبير ) :hjy5jewf:

 

[مفرفشة ومنعنشة]

وينكم كروشات ؟ مافي وحده مسوية سونار عند د.ليلى؟؟؟

 

[H&M love]

دكتورة ليلى تهبل تهبل
بالها طوييييل و نفسيتها حلوة حددددج ترتاحين لها
انا بالاسبوع 12 ادعولي يثبت و يتم خلقته ياربي

و اهي مولدة امي علي اخر العنقود .. ايامها كانت تشتغل في مستشفى الصباح الولاده و تقاعدت الحين

و اذا عن سونارها ... اهي تقول من الرابع و اهي متأكده .. كل حمواتي يراجعون عندها و اختي و تولدهم بالها وايد طويل

و اهي اللي سوتلي التنظيفات يوم طرحت اول مرة

حتى ياتلي الصبح و جيكت على و على تحاليلي و قالت لي تقدرين تطلعين الحين

صج صج حبوبه هالدكتورة

 

[مفرفشة ومنعنشة]

مادري انا قالت لي وهي مو متأكدة !!!

 

[shabasa]

بعد اكيد بتقولك مو متأكده اذا ماكان امبين عدل - وايد ناس مايبين عندهم من اول شي - نطري المراجعه اليايه بعد شهر

 

[مفرفشة ومنعنشة]

صاجة (شباصة) بس توقعت انه الدكتوره اذا مو متأكده ما تقول. ياربي الوحده غصبن عليها تفكر !!! انا لما طلعت فكرت من باجر اروح اسوي سونار بمكان ثاني بس تعوذت من ابليس قلت اصبر للمراجعة الياية

 

[H&M love]

لوووووووول مفرفشة انا امس كنت عندها
و اول ما حطت الجهاز جان اقولها لا تقولين

اهي اضحكت و قالت لي انزين ماراح اقول

 

[جمالي خيالي]

انا مراجعتي كانت بالاسبوع ال ١٢ ودكتورتي حاولت تعرف شنو فيني ماعرفت

لما كملت ١٣ اسبوع توكلت على الله ورحت لدكتور اشرف نور الدين اخصائي سونار بالسلام

سوناره واااااااضح ويحطه رباعي عشان تشوفين البيبي عدل واذا ماكان متأكد من جنس البيبي يعطيج موعد ثاني ببلاش

ولما كملت ١٧ اسبوع كان عندي مراجعه عند دكتورتي أكدت لي كلام دكتور اشرف

يعني انتي الحين يبين واضح بس يبيلج دكتور شاطر

 

[مفرفشة ومنعنشة]

جمالي خيالي قريت انه وايد بنات يمدحون الدكتور اشرف بالسلام ... بس انا مابي ريال وبالنسبة للسونار الرباعي وين احسن مكان اسويه ؟

 

[متيمه بهواه]

الله يرزقج ويرزقني بلي نتمنئ يارب ياكريم

 

[مفرفشة ومنعنشة]

امين ياحلو البنات ويرزقج وكل الحوامل بلي يتمنون بتمام الصحة والخلقة يااااا ب