سوللي برنامج سياحي ب دبي لمدة اسبوع انا وزوجي

[الغيلم]

مرحبا بنات تكفون انا بروح دبي مع زوجي
وللعلم اول مره ازورها بقعد هناك اسبوع ابي احجز فنادق شنو تنصحوني
ويفضل ماتطير فلوسي كلها على الفندق بس الفندق كويس ورخيص

ويمه اماكن الاسواق ابي لمن انزل من الفندق ما اضطر اني اروح مسافات طويله

وابي منكم برنامج سياحي يهبل ب 7 ايام ما ابي يطوفني شي ابيه يكون مميز

بليز همتكم وياي اخبركم خبره وماراح تقصرون بالنصيحه

 

[الغيلم]

اآآآآآآآآآآآآآآآآآآآآآآآب .....

 

[ام هالدنيا]

شوفي انا ابي اقول لج جدول خواتي بصراحه انا من زمان مارحت لدبي صار لي سبع سنوات ما رحت له وصار فيه اشياء وراي متغير اول شي جدول اختي الوسطى اهي تحب تروح العصر او الظهر وترجع بليل ما تحب اي وقت غير شذى اول ما توصل تروح سيتي سنتر علشان تاخذ لعياله اكل وبعدين تتمشي بسيتي سنتر وبعين تروح تتمشي بسفن على البحر وترجع الفندق وتنام ومن الصبح وهي قعدة وتطلع وتروح واقولج الاسواق الي راحت له ابن بطوطه ودبي مول وامارات مول وابوهيل وبرجمان وسوق منال وعكاظ ومرشد وابوراشد ونايف وسياحه اتلانتس وبرج خليفة ومترو والنافورة الراقصه ووالسفينة الي بخور دبي تمشي ببحر لمده ساعتين وتتعشين فيه ومدينه مدهش وتزلج في امارات مول ومدينة الاطفال في امارات مول وحديقو خور دبي وهذا كل الي اعرفه وتقبلي مروري

 

[الغيلم]

بنت الوطنيه

حياتي لبا قلبش
ماقصرتي بس انا ابي ب الضبط شسوي ..

حتى لو في رحلات ل جزيره ولاشي قولولي ...

 

[الباسمه]

روووووووووووحي لدبي بصراحه تسوااااا
وانا أسميها دبي دار الحي
راح أبتدي بدبي مول من رايي هذا يبيله يومين او ثلاثه لانه أرقى كيلومتر بالعالم
فيه النافوره الراقصه واللي مصممها ايطالي أتوقع نفس اللي مصمم نافوره لاس فيغاس المشهوره - وفيه تصعدين لبرج خليفه اللي اهو أطول برج بالعالم
وفيه صااله تزلج
وفيه كيدزانيا للأطفال هذا يبيله يوم بس اذا معاج صغار من 2 الى 15 تقريبا
وفيه مطاعم وكافيهات تطل على النافوره الراقصه
بصراحه رحت له 3 أيام وما شفته كله تعبنا وركبا السياره الصغيره اللي تكون بالمجمع تدفعين 15 درهم وتلف فيج كل الدوراللي انتي فيه
انصحج ركبيها بالاول عشان تشوفين شنو موجود وشنو تبين بالضبط
وثانيا عندج ذا ووك the wALK
ممشى على البحر وفيه محلات وكافيات ومطاعم يعني تنسين انج بالخليج
وعندج عالم فيراري هذا يبيله يوم عشان الطريج من دبي الى عالم فراري ساعه ونص لانه موجود بابو ظبي
بس روووووعه شويه عليه
فيه العاب تصلح لمختلف الأعمااار
وبنيانه فخم ماشفت منتزه نفسه بحياتي واكيييد الزوج بيستانس لأنه فيه معرض لسيارات فيراري
اممم شنو بعد؟؟؟
اذا بخاطرج سوال سألي
وموفقه انشاء الله​

 

[iKaRia]

انا مع الاخت الباسمه بكلامها عن دبي مول بس فيراري الناس اذواق حيييييييل حق يهال مايسوى المشوار في وحف الكبار يمكن الشي الوحيد الي حسيته غير اهو سرعه لعبة القطار غير جذي لا حتى محالات السوفينير اسعارها وااااااااااايد مبالغ فيها بس في يمه حلبه سباق تركبين سيارات سباق حق الكبار بس وفي مدرب اذا تبين بس للاسف مايفتون كل وقت قالولي نطري ساعتين وشوي هونت ورديت دبي

تبين فندق يدخلج على المجمع اممم عندج بولمان وكيمبنسكي يدخلونج على الامارات مول هناك كيمبنسكي احلى شي غرفة السكي شاليه دريشتج تكون على تل الثلج حدددده روعه حتى الغرفه ديزانينها خشب جنج في ريسورت ثلجي

الجميره بيتش حق تمشي بس الحين الجو مادري الاسبوع الي فات كان رطوبه اتوقع الحين زادت عاد انتي وحظج دام اسبوع شوفيلج يوم وروحي تمشي هناك احلى شي القعده عالبحر ماتحسين بالوقت
بس قبل البحر روحي جوله في فندق اتلانتيس دشي الاكواريوم وفي محلات وتور حق حمامات السباحه وفي مكان سباحه مع الدلافين

وهم عندج الاكواريوم في دبي مول فيه بوت صغير يمشونج فيه اذا تحبين تكونين قريبه من السمج والحين في بعد مثل الصندوق تدخلينه اذا بتسبحين مع السمج انا كان ودي اجربه الاسبوع الي فات بس احسه حق رياييل او بنات صغار مو متحجاب افضل عشان اللبس

ميركاتو مول هادي صج مافيه محلات وايد بس احب السينما فيه وديكوره وجوه الريلاكس جنج تتمشين بشوارع ايطاليا بس على ميني

روحي يوم الشارجه بس ماقدر افيدج فيها وايد خبري فيها من زمااااااان اخر جم سنه كله دبي .. بس عندهم مجمع الصحارى وسيتي سنتر ومادري شنو بعد مافي شي في بالي غيرهم

بتاخذون سياره والا تكاسي ومترو ؟؟

شنو مودج اكثر ؟؟ يعني تبين بس شوبينق او لعب ووناسه وبحر ؟

 

[كافيه نعناعه]

مرحبااااااااااا
شوفي حبيبتي ,, دبي ما شاء الله كل يوم فيها شي جديد
بس أنصحج بفندق (مينا السلام ) في الجميره وايد رومانسي وعندج فندق (رويال ميراج ) روووووعه بس بعاد شوي من المجمعات ,, اذا رايحه اسبوع تقدرين تحجزين 3 ايام في مينا السلام مثلا و3 أيام في كمبنسكي وايد حلو تحتا سوق والثلج

وروحي جزيرة النخله وزوري فندق أتلانتس :eh_s(15):

والله يونسج بالعافيه ​

 

[ام هالدنيا]

يالله ودي اروح لدبي

 

[الغيلم]

فديتكم بنات جد جد ماقصرتو نخدمكم ب الافراح كفيتو ؤفيتو ....