سوشي ماتاكل

[.jana.]

بنات شسوي بقطوتي سوشي صغيره توها عمرها شهرين الا مو راضيه تاكل لادراي فود و لا معلبات و لا شي حاولت اوكلها سيريلاك رجعت و صار فيها اسهال عزكم الله
وانا حيل خايفه عليها صارلها عندي من يوم اليمعه الي طاف مره وحده بس دشت الحمام يوم صار فيها اسهال وبس.

حتى لما اوكلها بالابره ماترضى!!
شلون اوكلها ؟؟

 

[Qـويتية]

وديها البيطري حبوبة اخاف فيها شي والإسهال مشكلة عطيها زبادي روب بس الأحسن وديها البيطري لا تخلينها بدون أكل الله يشافيها يارب

 

[.jana.]

هذي ماعندها حل وسط توني داقه عالخدامة اتطمن على قطوتي ولا تقولي انها دشت الحمام وفيها امساك قعدت اتعصر مسكينة مادري شسوي؟؟؟؟

 

[hayaq8]

قطوتج تلعب و تتحرك وايد ؟؟ ولا كله قاعده ما تلاعبينها و تحركينها ؟؟

لازم تتحرك و تلاعبينها علشان معدتها و اجهزة الجسم تشتغل

و بوجبة الاكل تحطين معلقة زيت زيتون يساعد على علاج الامساك

اذا ما تشرب سوائل مثل ماي .. يحوشها امساك

و اخذيها لطبيب افضل لأن يمكن طايحه او متعوره صوب الحوض و البطن

اخذيها الطبيب يشوفها

 

[.jana.]

بنااات وديتها اليوم مستشفى رويال وقالتلي الدكتورة انها بين الحياة والموت واحتمال اتدش بكوما يعني غيبوبة وبعدين تموت سملله عليها حيل متضايقه ونفسيتي زفت الحين اهيا نايمه هناك باجر اهما عطله بس الممرضه بتدق اتطمني عليها حطولها درب و سوائل تكسر الخاطر يوم السبت بروح اشوفها وانشالله خير امبيه احس افكاري مو مرتبه من الي فيني

 

[hayaq8]

ان شاء الله خير

وانتي سويتي إلي عليج ما قصرتي

و إلي كاتبه الله بيصير

 

[عود ومسك]

الله يسامحج جنا عورت قلبي
انا ذاك اليوم قلتلج وديها من يوم قلتي ان معاها اسهال
عسى الله يشافيها

 

[ام صلوح 76]

رد : سوشي ماتاكل

الله يشافيها لج ويقومها بالسلامه مر فيني نفس الشي بس الحمد لله تعافه قطيوي

انطرج تبشرينا بسلامتها ان شاءالله

 

[♥ Saяa ♥]

رد : سوشي ماتاكل

طمنينا عليها بلييييييز

 

[VET-Nour]

رد : سوشي ماتاكل

إن شآآ الله تقؤم بالسلآمه ..}

طمنينآ عليهآ

 

[shayo0oma]

حياتي الله يهدااااااااااج هذي صغيره مفروض تودينها كل اسبوع او اسبوعين بيطري جذي علشان تتطمنين وانشاااء الله الله يشافيها وانتي مفروض ادقين ع الي شريتي القطوه منه لازم تسالينه اهيا شنو تاكل وشنو تحب ومن هسوالف لان القطوه اذا تعودت ع شي وكلت غيره تمرض

 

[lolwah]

شصاار عليها ؟؟؟؟

 

[.jana.]

حياتي شيومه انا توني ماخذتها مامداه يكمل الاسبوع وانا اول ماخذيتها على طول وديتها الطبيب وفحصها وقالي مشالله مافيها شي وشريت منه حليب حق الكيتنز يعوضها عن حليب امها وشريت المميه بس اهي شكلها ماحبته و بخصوص اني اكلم الي شاريه منها القطوة ترا انا شريتها من سوق الحمام

 

[.jana.]

حق البنات الي يسئلون عن سوشي اول شي ثانكس ثاني شي الحمدلله اليوم طلعتها من المستشفى والحمدلله تحسنت شوي يوم الاثنين بوديها عندها ابره لازم تاخذها

 

[lolwah]

الحمدالله على سلامتها

 

[.jana.]

الله يسلمج لولو

 

[♥ Saяa ♥]

رد : سوشي ماتاكل

الحمدالله على سلامتها ماتشوف شر حبيبي عطيها جبن كيري تلحسه بصبعج .. بس اول شي القطوه لا يبتي لها اكل خلي قدامها تشمه شوي شوي عقبها وكليها بيدج حبه حبه ..

ثاني شي اكسري بيضه بالمقله وحركيها ولا خلصت اخليطها مع قفشة جبن قلاص وخلي الاكل قدامها مره مرتين راح تاكله طبعا عقب ماتشمه

واذا تبين احس نوع اكل رويال كانون في وحده اهني تطلبه من بره اسمها مس كب كيك انا قتلها تطلبي حق قطاوتي اكل

 

[غـــزلq8]

رد : سوشي ماتاكل

الحمدالله على سلامتها