سوشي حالتها صعبه ومتأزمة---> طالبة الزواج

[.jana.]

السلام عليكم

انا كنت مسافره لمدة اسبوعين و كنت هاده قطوتي البـيـبـيه ( سوشي ) عمرها تقريبا 9 اشهر, واول مارديت انصدمت @@ حركاتها مو طبيعيه و صوتها متغير وتقعد تصارخ بكل البيت و تسوي حركات استحي اقولها على طول دريت انها تبي تتزوج, وانا مابي اشتري قطو ثاني لانه امي مو راضيه ولمن حنيت وافقت على شرط انه اقعده عندنا بس فترة التزاوج بعدين ارده فقلت ماكو الا خواتي بالمنتدى اذا وحده قطوها طالب الزواج ياليت تراسلني عالخاص وانشالله البيبيات بالنص بس ياليت يكون لونه ابيض او عسلي او بيجي لانه اهي لونها رمادي ابي احسن النسل

 

[امل يائس]

البيبيات نص بالنص؟؟؟؟؟؟؟؟؟؟؟؟؟؟؟؟ ليش ابوهم يقدر يرضعهم؟؟؟؟؟؟؟؟ حرام عليج
بعدين شنو اهيه رماديه وابي القطو ابيض عشان اعدل النسل؟؟؟ انتي تتحكمين بالطبيعه مثلا؟؟؟

 

[.jana.]

امل يائس حبيبتي انا ماقلت انه اول ماينولدون بطلع الكيتنز انا قصدي لمن ينفطمون لانه انا ماره بالتجربه هذي من قبل و شاريه قطوتي من غير لاتكون مفطومه وكانت بين الحياة والموت ومستحيل اسوي هالشي هذا لانه حرام, ولو تدشين بروفايلي و تشوفين مواضيعي بتعرفين الي انا مريت فيه. عقب ما ينفطمون بطلعهم او ببيعهم لانه الاهل بالبيت ماراح يرضون اني اخليهم من جذي قلت البيبيات النص بالنص حق البنت الي عندها الابو,و الباجي حق رفيجتي وهذا ( اذا ) صار حمل. وياريت الاسلوب يكون ارقى ليش داشه بهواش

 

[al39laa]

حاسه فيج لوووول

انا راسلت وحده من العضوات قالتلي 30 بس هونت وحنيت على امي اشتري قطو ذكر حق قطوتي وتوني يايبته من يومين

وهم في وحده بالمزاد قالت اذا عندها ب20 واذا عندي ب 25

وفي واحد يصيرلي من بعيد يقول اذا عنده 30 واذا عندج ب 50 بس قطاوته مشاءالله يدوخون لوووووول ومدة التزاوج عنده بس يومين لان مو ذكر واحد يحط معاها يحط معاها اقل شي 6

انا اقول اشتريلج واحد احسنلج ومتى ما طلبت يكون يمها والله ودي اعطيج القطو مالي بس توني يايبته وابيه يتعود عالبيت

 

[.jana.]

اول مره ادري انهم ياخذون فلووس لووووول لانه حتى القطو الذكر هم يطلب التزاوج

 

[Irresistible <3]

نفس حالة قطوي الحين ,

آنا قطوي شيرازي مهجن لونه عسلي اينن واااي

وشكله يبي يحن يحن يحن و يوسخ ,

يائس مسكيييين ​

 

[FeShinGoOo]

الله يعينكم لوول ..

انا اقول قطيها بفريجنااا عتاويتناااا بيخلونها تكره شي اسمه تزاوج هههه لا اتغشمر انشالله تلقين طلبج حبيبتي باسرع وقت لان حرام الحيوان اذا مر بموسم تزاوج حالته تنعفس فوق تحتتتت ووعلى قولتج يسوي حركات اتفشل

 

[no0o0o0oni]

جوفي انا عندي بس ما اقدر اعطيج الذكر مالي انتي تييبين قطوتج عندي موافقة

 

[Japanese]

انا بعد تازو قطوي مينننننننناااااا :< يعاوي طول الوقت ووصخ الحوووش!!!!! وكل ماتمر عنده قطوه بس يشمشمها ويخليها تاكل آكله وبعدين يسويلها اصوات وبس

يطالعها من بعيد :/ ويتم يوووون!!!!!


وديته للدكتوره البيطريه وقالت لي احسن حل انه يخصونه " يخلونه عقيم يعني " برآيها هذا احسن حل لآنها قالت لي اذا انتي مب مخططه تربين الكتينز ف حرام تهدينهم بالشارع لا اكبرو!

واساسا في قطاوه وايد مشردين ف ليش بعد تشردين زود؟؟؟؟!!!


انا اقتنعت بس مادري احس حرام ماشلون :< قلبي مب مطاوعني

اي وحده من الدوحه عندها قطوه وتبي تزوجها تقولي ع البرايفت وانا مستعده اوديلها قطوي ،،، قطوي شيرازي مهجن " ولونه عسلي برتقالي

وشعره كثيف ماشاء الله

والله يعينج اختي صاحبه الموضوع حالي من حالج :<