سورسير وبس والباقي خس

[صمت الشفايف]

أحب أفيد جميع الموجودين بالمنتدى وقولهم عن تجربتي
أنا من فترة صبغت شعري وبس اللون اللي أبيه ماضبط لأن شعري أسود حيل ورديت صبغته مره ثانية وهم ماضبط طلعت الصبغة كل جهه لون وبعد غامرت وصبغته يعني هلكته من الصبغ وقمت ألاحظ بعد التجارب إني شعري بدى يطيح بشكل موطبيعي مع إنه كثيف ونادرا مايطيح ذبحني التساقط حتى قلت أكيد راح أصير قرعه وصممت على إني أدور علاج ينهي هالمشكلة وسمعت أكثر من وحده تمدح سورسير فقلت هي خاربه خاربه خليني أجرب ورحت صيدلية دايما أتعامل معاها وقلتلهم مشكلتي وفعلا انصحوني بسورسير بس قالولي لازم تستخدمين معاه شامبو طبي حتى تكون النتيجة واضحة ومضمونه والحين يابنات صارلي اكثر من شهر وأنا مستمرة على السورسير وخلص وشريت علبه ثانية والحمدلله شعري رجع لكثافته وحبيت بس أفيدكم لأن مشكلة تساقط الشعر فعلا مشكلة كبيرة

 

[jinaan]

مشكورة على هالنصيحة والله يجزاج خير وربي تعبت من هالشعر ماخليت شي وربي الا جربته بس التساقط مو راضي يفج عني ..

بس حبوبه شنو هالشامبو الطبي الي استخدمتيه ..

الله يعافيج ..

 

[مريم2007]

مرحباااااااااا بنات
وانا مع صمت الشفايف ...استخدمت سورسير لمدة سنه كامله مع شامبو سورسير ومرات اغير استخدم شامبو حصى البان
والنتيجه رهيبه الكل يقول لي انتي مركبه باروكه
والله العظيم اني ما ابالغ وصار كثيف ويطول بالاسبوع تقريبا 3 سم
وكنت اقصه كل اسبوع 3 سم بدون مبالغه
لكن ماحضرت عروس لمدة سنة وبعدها طلعت
كنت اراجع عند دكتور وكنت اخذ معاهم حبوب ( بلفود او بنتوغار )
شهر استخدم بلفود والشهر اللي وراه استخدم بنتوغار واذا خلص
ارد على بلفود لمدة سنه
لكن تتركين كل الزيوت وماتحطين اي شي غير هذا الدوا
والشعر الميت كله يطيح ... بصراحه شعري طاح كله واخترعت
وبعدين قصيته (بوي ) بس بصراحه ماتندمت

 

[صمت الشفايف]

ممكن تستخدمين شامبو سورسير نفسه وممكن تستخدمين أي شامبو طبي المهم مافي مواد مثل الشامبو اللي يبيعونة بالجمعيات

 

[صمت الشفايف]

اللي تستعمل سورسير وتداوم عليه ومافاد معاها أتوقع يكون عندها مشكلة ثانية مثل نقص الحديد وأنا الحمدلله الحديد زايد عندي

 

[أم بدير]

مرحباااااااااا بنات
وانا مع صمت الشفايف ...استخدمت سورسير لمدة سنه كامله مع شامبو سورسير ومرات اغير استخدم شامبو حصى البان
والنتيجه رهيبه الكل يقول لي انتي مركبه باروكه
والله العظيم اني ما ابالغ وصار كثيف ويطول بالاسبوع تقريبا 3 سم
وكنت اقصه كل اسبوع 3 سم بدون مبالغه
لكن ماحضرت عروس لمدة سنة وبعدها طلعت
كنت اراجع عند دكتور وكنت اخذ معاهم حبوب ( بلفود او بنتوغار )
شهر استخدم بلفود والشهر اللي وراه استخدم بنتوغار واذا خلص
ارد على بلفود لمدة سنه
لكن تتركين كل الزيوت وماتحطين اي شي غير هذا الدوا
والشعر الميت كله يطيح ... بصراحه شعري طاح كله واخترعت
وبعدين قصيته (بوي ) بس بصراحه ماتندمت

انا كنت استخدم سورسير وصراحه ماضرني بس هم مافادني
بس كنت اقول احسن شامبوات الجمعيه اللي ما اواطنهم
بس وقفته لأني ابي شعري يزيد مابيه على حطته لأنه كان قبل لا استخدم سورسير يطيح ولما استخدمت سورسير وقف التساقط شوي بس ماكثر يعني
وقمت استخدم شامبو بيل فود وايد روعه احسن من سورسير لأنه اقوى
مع حبوب بيل فود بعد بس الحبوب قطعوهم عن الكويت

بغيت اسئلج مريم شنو شامبو حصى البان؟؟ ماسمعت عنه​

 

[New Mum]

يسلمو على الإفاده

 

[شذورالذهب]

شكلي برد عليه شعري الحين طايح
مريم جم مره كنت تاكلين البنتوغار​

 

[شذورالذهب]

مشكوره صمت​

 

[مرمر زماني]

صمت الشفايف ممكن تقولين كم مره استخدم سورسير يعني طريقه الاستخدام

 

[* مـذهـلـه *]

مشكوره و ما قصرتي على الفايده ..

فعلا تونيك سورسير روعه و انا استخدمه حيل فادني ..​

 

[روزالكويت]

انا شعري رجع ييطيح من التفكير يمكن ارجع على سورسير مع انى ماشفت نتيجه ذاك الزود منه يمكن لانى ما استمريت يوميا.

 

[[]نهاوند[]]

طيب شلون طريقة الاستخدام

انا شريته وما حطيت منه

عادي استخدم معاه شي ثاني والا بس هو

انا شعري جاف ومتعود على الدهن اذا ما دهنت قب وصار كشة :eh_s(6):​

 

[bnt q8 in usa]

عجيب سورسير بصراحه انا صارلي سنتين عليه وماستغني عنه
واستخدمه ويااا شامبوه

 

[مريم2007]

مرحبا بنات
اسفه على التأخير .... شامبو حصى اللبان موجود بكل الصيدليات
والبنتوغار كنت اخذه مع الريوق حبتين ومع الغداء حبيتين ومع العشاء
حبتين ... وكنت اخذهم بنص الاكل يعني كنت اكل وبعدين اخذ الحبوب
وبعدين اكمل اكلي كنت ارتاح جذي لأن اذا اخذتهم بعد الأكل يصير ثقيل
علي .

 

[مريم2007]

بنات لازم الاستمرار مع سورسير
لأن اختي استخدمته شهرين واقطعته ومافاد معاها
والله يابنات وبدون مبالغه كان ينبت موطبيعي
والنتيجه تطلع بعد 3 أشهر وخلال 6 أشهر راح تشوفين
الشعر ينبت جدامك وراح تلاحظين
قبل كل شي قلت ان الشعر الميت كله راح يطيح وبصراحه
شعري الاول كله طاح وتشوفين شعرج كله فاضي تقريبا
انا ما اخوفكم لكن هذا اللي صار معاي وبعدها قصيت شعري (بوي)
لأن شعري كان كله ميت ومافيه الحياة

 

[مريم2007]

واللي شعرها طبيعي ماراح يطيح كله بس الشعر الميت

 

[مريم2007]

تخيلوا بنات استخدمته سنه كامله ماطوفت ولا يوم
وبعدها لمدة 6 أشهر استخدامي له مقطع
تستخدمينه بالليل .. كنت افرق شعري واحط كميه وكل فرقه
حطي فيها شوي .. وبعد ماتخلصين وتحطينه على شعرج كله
( على فروة الراس ) نزلي راسج تحت وافركي الفروه لمدة ربع ساعه
بشكل دائري بأصابعج
بنات أهم شي انج ماتملين لأنج اذا مليتي راح تتركينه

 

[صمت الشفايف]

حبيبتي :
أنا استخدم سورسير كل يوم قبل النوم بحيث أدلك فروة الرأس وبعدين أربطه بشباصه بس من دون مااشد الشعر والأفضل بعد تقرين الوصفة الموجودة مع سورسير كاتبين ممكن تستعملينه مرتين بس أنا احس إنه كافي لمره وحدة لأن مفعولة يستمر لليوم الثاني وأرجع واقول لكل الموجودين في المنتدى استعملوا سورسير وصدقوني ماراح تندمون بس بشرط الإستمرار حتى تحصلون على افضل النتائج ولاتخافون من ريحته هو صحيح فيه ثوم ولكن ريحته مثل العطر

 

[sunshine22]

انا من امس راجعتله وشريت كميه ب40 دينار منه عشان التزم ومااخربط
وصبغت شعري اسود بدال ماكان بلاتيني قطع شعري عدددددددددددددددل

وباجر بحط حنا مره بالاسبوع وبلتزززززززززززم مع خلطت بنت الاحلام الله يجزاها خير حنه + جت<<حق الثيل