السلام عليكم
حبيت بهالموضوع اشجع كل بنت تقرا سورة البقره لاني والله احبكم فأبي لكم الخير
ولاني ابيكم تحسون بمثل ما احس
الحمدلله انا الحين صارلي سنه مواظبه على قراءتها والله يابنات واحلف راح تحسين بشعوووور عجيييييييييييييييييب
عمرج كله ماحسيتي فيه كنت اقول ويني عن هالسوره المباركه ولما شفت حديث الرسول صل الله عليه وسلم
( اقرؤا سورة البقرة فان أخذها بركة وتركها حسرة ولا تستطيعها البطلة )
قلت اخ محد نبهني على هالحديث ولا احد شجعني اقراها فحبيت اشجعكم على قرايتها وماتكونين مثلي قبل
احس نفسي مثل الفراشه ودي اطير راحه نفسيه عجيبه
ومرات كنت أأخرها لي اخر الليل بس احس يومي ناقص فقمت لازم اول ما اقوم من النوم اقراها كامله
عشان يومي يكون مريح فأنصح كل بنت تبي تتقرب من ربها ماتنسى سورة البقره للابد لانه فعلا مفعولها كبير سبحان الله
اذكر في بنات وايد كانوا يقولون اذا تبين تتزوجين او تبين وظيفه اقري سورة البقره يوميا
بس انتي ابدا لاتخلينها لهدف معين اقريها لمرضاة الله وصدقيني بتتيسر كل امورج
منها الزواج والوظيفه وكل شي
وفعلا لما اقراها احس بهدوء وسكينه واختفت عني صفات وايد
كنت اكرها بنفسي مثل العصبيه وغيرها وصرت افضل والحمدلله واستغفرالله والله اكبر
سبحان الله بحمده سبحان الله العظيم
