سوالف عن السوق

[أبله جهراويه]

مرحبا
شخباركم
بنات كل وحده تقولنا

جم مره بالشهر تروح السوق؟؟

وجم تحط ميزانه للتسوق!

وهل كل شهر تشترين ملابس وبجايم للبيت؟وجم وحده

وقمصانج النوم جم واحد بالشهر تشترين؟


انا عن نفسي اروح السوق علا نزلت المعاشات واشتري شي بسيط ما يوصل صرفي150دينار


يالله بنات ابي اقلد احسن طريقه

 

[جادل سبيع]

نزلت السوق مو شيء ضروري كل شهر ..

انا تقريبا نفسج مع نزلت المعاشات احيانآ لا بنص او اخر الشهر ملابس الطلعه ع حسب اذا في مناسبه او حسيت تغير وزني ويبيلي شيء جديد اشتري او عجبني شيء اخذه..

بجايم ضروووووووووري عندي لازم كل شهر لان كلا قاعده بالبيت بجامه او بجامتين ع حسب المزاج نادرا ماامسك نفسي وماشتري..

ومو حاطه حق نفسي ميزانيه معينه عادي يعني اللي يعجبني اخذه بس مابالغ الحمدلله متوازنه..

>>>>>>اول وحده هع شادن33 وير ار يووووووووو هههههههه

 

[Dark SouL]

ماعندي ميزانيه معينه للسوق اناوحده احب التسوق وايد
واحب التغير ..، تقريباً كل اسبوعين اتسوق

اشتري قمصان نوم يكفيني لسبوعين جدام ..، كوني موظفه واغلب وقتي كله بالداوم اشتري كمية من الملابس تكفيني شهر جدام ومن طبعي مااحب التكراار لو شنو ماكرر البدله

البجايم مااشتري وايد لانه ماالبس بجايم :/

 

[*E.B.D.A.3*]

انا الشي الي ماقدر امسك نفسي عنه
المكياج والجنزات وقمصان النوم
قمصان النوم شي ثاني كااك ، كل مامر صوب محل لنجري تطقني البوهه ابطل حلجي لي تحت
واصير جني مسبهه وانا افتر داخل ، ينادوني مدام مدام ، وانا لي الحين مبطله حلجي وامفهيه
واحس راسي يصدع واحس اني مغيبه عن العالم!!
مادري قمصان نوم والا هيروين ياكافي الشر ؟
ههههههههههههههههه

اما المكياج الله لا يوريكم
عسى مامسكتني مصرية والا لبنانية
ارووووووووح معاااااااااها ويالله شيلي ياسله
عسى ماحطت شي على ايدي ، اقولها اي اي ابيه
وحده لا يوقققققققف

اما الجنزات
وااااااااااااي
زين ماحطهم على جفت ايدي واشمهم مثل المخدرات
ههههههههههههههههه
مع ان سايزي صعب، لان عندي ارداف وحوض، يعني مالبس الا 18 بريطاني او 20 ...
و 33 امريكي او 32 ...
لكن يهوون يهووون .. مرات اكو جنز ابيه بس سايزي مخلص او مافي،
ابهدلهم ، كل الي يشتغلون ادخلهم المخازن يفتشوون ...
غصب طيب القى سايزي غصب
هههههههههههههههه


للامانه مهما حاولت اربط نفسي بميزانية معينة
القى نفسي اول من يكسر فيها للاسف

وتسلمين اميه مره عالموضوع

 

[رق رق]

انا ياااااااااااااااااا ويلي علي قمصان النوم الي ريلي قام يدش ويقول ها شنو لابسه اليوم هههههه تعود ، مااشتري ملابس طلعه لاني مااطلع ، ودوام البس عبي طبعا لان مايسمح اني البس بدل ، وبيجامات مااشتري وايد لان البس ملابس طلعه الخاصه للغير متحجبات ،، وبس

 

[صادقة بكلمتي]

انا عن نفسي ما عندي وقت او ميزانية بس اشتري شي ان حبيته ملابس عاديه جينزات وعشقي للكريمات والعطوووووووووووووور واحب البجايم وقمصان النوم حب مو علشان ريلي بس لا ومكياج بس بصراحة ما افسفس الفلوس على اي شي او اشتري واخشه للكبت اخاف الله يحاسبني

 

[zaina alotibi]

الشوبينج احلى وامتع شي للمعظم النساء......

عن نفسي اشتري سواء كنت بحاجة او مو محتاجة للغرض ..........

ملابس البيت وقمصان النوم والميكياج هم الاكثر حظا ولهم نصيب الاسد في مشترياتي والميزانية خليها على الله السوق يطير الأكو والماكو

 

[حقوقيه زوغه]

انا فلووسي طايره علي العطوووور والبجامات والملابس الداخليه بس البجامات لهم المصيب الاكبر ومشكله ابط الجبد يعني بدال لا اخذلي بدله حلوة والا بالطو اخذلي بجامه ب ٣٠ او ٤٠ انزين ليييييش هالطبع اللي فيني مادري وايد اقط فلوس ع البجامات يعني عادي اشتري ٤ بجامات ب ١٠٠  صراحه توني احس انها مشكله هووس والعطوور بعد مينوونه عطور اما ملابس الطلعه من فتره لي فتره بس ما يكفيني حق سوق ٥٠٠ دينار اصرفهم واخذ من ريلي وامي لوووووول 

 

[حقوقيه زوغه]

شوقتيني ع البجامات 

 

[بنتي نور عيني]

انا علا حسب
طبعا غرامي البيجامات والقمصان
شهر١١سريت قمصان للحين نصهم مابطلتهم وايد
من كل مكان ادشه اخذلي لانجري
وطبعا لازم السوق بنزله المعاشات اشتري كل شي يعني ما يكفيني اقل من٣٠٠
وكل ويك اند اروح افصل يا افصل عبايه او دراعه

 

[miss_jamsheer]

اي انا تقريبا لج لما تنزل اعانتي ومعاش ريلي اروح؛) بس موضروري ضروري اشتري لا شفت شي عجبني خذيته

 

[amami al-kuwai]

ان لاني توني ماصار لي سنة ابي اخليه يفهم اني احب اصرف

فلازم اروح للسوق كل شهر واخذ اي شي قدامي لو مو محتاجته علشان اخليه يرخي ايده

لان هو بصراحه ماسك ايده شوي ويتوقع مني ما اصرف الا ٢٠ دينار بالشهر

اما موضوع البجايم لا مو كل مره يعني متى مامليت من بجايمي شريت

لكن القمصان والمكياج والدراريع والملافع كل شهر << شخليتي

 

[بيشو 2011]

انا ماالبس بجامات مشكووووووووووووووووووووووووووره

 

[هونها يارب]

انا بالشهرين مره واذا دفع شى طنقر شهر

 

[فاقده ابوهاااا]

انا من ولدت ما دشيت السوق صارلي ٤ اشهر بس من يومين او ثلاث دشيت السوق وطلعت حرتي تقولون فيني فقر ملابس اكثر شي خذيت بجايم وسوالف ارعه للبيت بس ملابس طلعه كللللللللش ما اهتم لهم لاني بوجهت نظري محد يستحق يشوف كشختي بس بالبيت اقط على لبسي بس عاد مو كل شهر لا والله على حسب المزاج والميزانيه

 

[amami al-kuwai]

كل شهر

من فترة كله اشتري قمصان وبجايم على ثنتين ثنتين

ودراريع بيت لاني عند حمولتي خامتين وافصلهم وغير المكياج

الحين قمت اقسم شنو ابي وشنو ما ابي

 

[amami al-kuwai]

توني انتبه اني راده على الموضوع

بس الحين في بعض التغييرات بالاستراتيجية

 

[ام زهقانه]

انا اروح السوق مرتين الي ثلاث مرات بعد الصيف طويل احب اشتري
بجاسم ملابس البيت ملابس داخليه احب المكياج
ملابس الصيف حب أستريد اعيالي نجمن ملابس أطفال احب ملابس تهبل وعزمه وذرب من آج اند ام
احب اسوق حيل احب تطلع النعنع علي وعلي اعيالي وبيني اهم شي مو شرط اخش الفلوس
احب اشتري اثاث بين فتره وفتره
اما القمصان ما اشتري واجد يعني اخر قميص ههه والله سرته باشتا
كل شهر ما حب اشتري قمصان
احب اشتري بجايم
وبس

 

[ماني من الناس]

ذكرتيني مع قدوم الحر ناقصتني اشيا

ابي اخذ لي لقينزات قطن مع تيشيرتات للحر يبوووي هههه مافيه وسط يابرد قوي ياحر مستحيل الحمد لله

انا اقط اكثر شي عالمكياج والعبايات والجنط والشوزات بنات اللي تعرف مكان يبيع كعب مريح تعلمني واصرف عاللبس الداخلي امل منه بسرعه والقمصان والفساتين القصيره

 

[*Manoush*]

الله يعافي الي رفعت الموضوع يونس

مع نزلة المعاشات اروح واشتري كل شي ناقصني من
شوامبو وعطور وكريمات لاني ادمان هالسوالف
وطبعا ملابس طلعة اكثثثر منهم كوني كل يوم البس بدله للدوام ،، مع جم جنطة وملفع ،، على جم عباة

وقمصان نوم وبجايم لازم كل شهر اخذ اربع او خمس حبات عالاقل لزوم التغيير

بالنسبة للمكياج اشتري النواقص بس والي احتاجه يعني موضروري كل شهر اشتريهم

كل شهر احب اطل عالسوق واطلب اون لاين من النت لاني اموووووووت بال shopping
والتوقيع يعبر هع