سنغافوره وتايلند وماليزيا ؟؟؟؟؟؟؟؟

[جروح ودموع]

خواتي منو الافضل للسياحه والتسوووق ؟؟؟؟؟؟؟ تايلند او ماليزيا او سنغافوره ؟؟؟؟؟؟؟؟؟؟ الله يوفقكم خواتي محتاجه مساعدتكم :yaaaaaarb:

 

[ذهـبـيـة ~]

انا رايحة ماليزيا و سنغافورة

روووعة من ناحية المجمعات و السوق

كل شي عندهم طبي وتخيري :d

 

[حبوبه]

هلا اختي .. انا رايحه بانكوك وماليزيا .. استانست فيهم سياحيا وتسوق .. سوقهم حلو وكبير ..
بس مارحنا بالصيف ..

 

[يازمان العجايب]

سنغافوره غاليه
تايلند وماليزيا افضل
​

 

[جروح ودموع]

بعد عمري خواتي مشكورين على الردود والله يوفقكم دنيا واخره ويرزقكم الصحه والعافيه يارب وبغيت اعرف جم تكلفة السفر لماليزيا لمدة عشر ايام وكذلك تايلند ؟؟؟؟؟؟ ومنو ارخص وسوقها احلى ؟؟؟؟؟؟؟

 

[حبوبه]

الاسعار تغير كل سنه ..
لازم تشوفين مكاتب السفريات ..

 

[thailand lover]

تايلند ارخص منهم حبيبتي نحنه يوم نسير بانكوك نيلس فاماري غرفتين كونكتد 8500 درهم مااعرف حبيبتي بالكوتي كم بس حبيبتي حق التسوق اقولج تايلند كل شي فيها و رخيصه بس عالامارات تغلى التذاكر في الصيف على الامارات روحي عالتاي احسن و اذا تبين عالامارات القرار راجع لج

 

[Francais]

ماليزيا غاليه بس والله تستااهل حلووه كل من رااحلهاا مدحهاا انصحج فيهاا !!

 

[fat]

انا رحتهم كلهم من ناحيه الامان عندج ماليزيا ديرة نظيفه واكل حلال وايد مسلمين فيها والاغلب محجبات بناتهم بس يلبسون تي شيرت نص كم وبنطرون جينز عادي بس يحليلهم وقت الصلاة كلهم راحو يصلون وشعب بشوش
ومن ناحيه السياحهلا يعلى عليها

ومجمعاتها في لرخيص والتقليد وفي الغالي وانت وميزانيتج


تايلاند نفس السياحه والاماكن الي في ماليزيا بس عندج جزيرة بوكيت فيها مسرح روعه اشويه عليه اسمه فانتاسيا وايد حلو لا تطوفينه

مجمعاتهم حلوة ونفس الشي في الغالي ولرخيص بس اكلهم ويع موحلال ومتنه من اليوع عندهم في بوكت مثل جمعيه فيها كل شي اكل وملابس وفي رف وثلاجه فيها منتجات للعرب حتى تشوفين جبه بوك ومكتوب بالعربي


لكن سنغافورة لا بصراحه بس سوقها حلو انا ينيت على اكسسواراتهم انا سكنت في فندق اورشارد وايد موقعه حلو بشارع المجمعات كنت اروح المجمعات مشي تخيلي تمشين تبين تعبرين الشارع في نفق درج متحرك وسريع وفي النفق 4 سراديب تخيلتي كبر النفق ديرة كلها مجمعات

وبصراحه نفس اسعار مجمعاتنا بس تشوفين بضاعه تزوغ ما تدرين شنو تشترين ومن ناحيه السياحه في سنغافورة بس فندهم جزيرة سنتوزرا هذي تروحين لها بالباص وحلوة كبيرة واكلهم موكل شي حلال

والجو كلهم حار ورطب واي متنا من الخيسه واي استفسار حاضر

 

[thailand lover]

حبيبتي فات شو هالنفق كله اسوقه فشارع الاورشارد سمعتي عن انتركونانتال بوجيس وين شارع العرب شو رايج فيه

 

[جروح ودموع]

يابعد عمري خواتي والله ما قصرتوا الله يوفقكم والاخت فات اشكرج بصراحه كفيتي ووفيتي الله يرزقج ويفتحها بويهج وين ما رحتي يا رب

 

[جروح ودموع]

اااب

 

[روانتي 12]

مارحت . . بس احس ماليزيا حلوووه . . موفقه حبيبتي

 

[The-Princess]

هلا ياقلبي انا من عشاق شرق اسيا وخصوصا تايلاند ادل كل شي فيها

من ناحية سنغافورة انا ماحبيتها واجد هادية وبضاعاتهم الصراحه مب لين هذاك الزود بس البلاد حلوة ونظيفة

ومن ناحية ماليزيا احلى شي فيها السياحه لكن مجمعات لا واذا تبين تشترين شي من هناك عليج بالشنط والنعل

اما تايلاند كل شي بتحصلين فيها مجمعاتهم روووعه

 

[أم سيف وسلطان]

تايلند ارخص بس ماليزيا انظف

 

[نياره]

اب اب

 

[elctra]

الله يعطيج العافية على الموضوع
انا استفدت بعد
شكراً

 

[The-Princess]

هلا ياقلبي

من خبراتي لدول شرق اسيا

اذا تبين تسافرين كسياحه بس روحي ماليزيا لأن الصراحه مجمعات عندهم على الفاضي اغراضهم تلوع الجبد غير نعل ماراح تاخذين

واما سنغافورة صج بلاد نظيفة وراقية بس بعد مجمعاتهم مب لين هذا الزود من البضايع

اما تايلاند كل شي تبينه راح تلقينه مجمعاتها كلمه رووعه شوي عليها

 

[om MaRyooM]

استجمام وتحسين جنج باوروبا = سنغافورة بس غااالية

سوق ورحلات بحرية وجزر = تايلند بالاخص بووووووكيت

سوق كشكل اساس بالسفرة = ماليزيا .. سوقهم حلووووو بس كديرة ماحبيتها سبحان الله ماري ليش