سنعاااات المنتدى بسرعه الله يخليكم !!!!!!!

[DEEMA]

مرحبا بنات


شلووونكم


بجيبلكم من الاخر


انا ساكنه بشقه في بيت حمولتي وصار لي من تزوجت تقريبا 11 سنه

وقسميتنا باقي لها شوياات وتخلص<تناتيف يعني

موهذا موضوعناااا





الحين ندخل بالموضوع


انا والله شايله فكرة الطلعه بشقه من بالي ليش ان بيتي ماباقي له شي ويخلص يعني بالصيف الجاي <السنه الجايه مو هالصيف انشالله ان الله كتب

هذاك اليوم الاخ جا بباله يطلع من بيت ابوه يقول الشقه ضيقه والعيال كبرووا ويبيلنا نطلع<<<صح النوم توه يحس هههههه

عاد الحين قاعد يدوور شقه اكبر شوي نقزرهاا عبااال مايخلص البيت



الحين طلبي هوو؟؟؟؟؟؟؟؟؟؟؟؟




شنو اشتري وشنو احوس وشنو اسوي<<لعلم مابي اشتري اشياء غاليه واخب عمري

لاني بحط حيلي كله ببيتي انشالله

وبنفس الوقت ولادتي على رمضان

:0bee2e8d89: واكيد بيكون نفاسي فيها


قولو لي بالله عليكم شسوي محتاره حدي
ادري بتقولون طولتيها وهي ماتسوى بس وربي محتاره مادري شسوي وشنو احط وشنو اخلي؟؟؟؟؟



الله يجزاها كل خير اللي تفيدني ويفرح قلبها ويفرج لها انشالله

 

[DEEMA]

الله يسامحكم 13 وحده دخلت الموضوع ولاوحده ردت؟؟؟

 

[قهوة برية]

الله يسامحكم 13 وحده دخلت الموضوع ولاوحده ردت؟؟؟

مو بعض بنات منتدانا عندهم ثقافة القراءة السريعه

على اشوي لاحظي اشوي من بلاغة الشف ...!!!


العفو قلبي ماحبيت اطلع من الموضوع من غير ماأعلق

لكن ان شالله السنعات كثيرات بهــالمنتدى

اتساعدج قلبي

إلي اساعدج فيه اهو رفع موضوعج ..!!!!!!

 

[قهوة برية]

up

up


up

 

[القرآن ربيع قلبي]

حبيبتي روحي اثثي من جملة الاثاث التابع لميداس رخيص وكويز لانج بتاثثين بيتج ان شاء الله بعدين فماله داعي الغالي وبعدين هذا حلو ومرتب والقعدات اخذي من بنتا بعد والله يسهل عليج وتقومين بالسلامة

 

[DoOoOoha]

حرااااااااام

ليش تشترين وزالفسق وبيتج بيخلص

بيتج هو الاساس وبتسكنين فيه على طول

حطي حيلج فيه

اما الشقه اخذي اثاثج مال شقتج القديمه وبس من المنظاهر الناس بتقدر ان بيتج خالص

وخلي التكشخ والزه حق بيتج

 

[DEEMA]

قهوه بريه مشكوووووره ياقلبي فديتج

 

[DEEMA]

القرآن ربيع قلبي مشكوره ياقلبي ماقصرتي بس وين صاير جملة الاثاث التابع لميداس؟ اول مره اسمع فيه

تكفيييييين لحقيني بالعنوان

 

[DEEMA]

الجازي فديتج اكيد باخذ اثاثي ومو سالفة فسق والله

بس ودي اغير شوي وماني عارفه شلون وبنفس الوقت مابي اشتري شي غالي

وبعدين وراي نفاس لازم اسوي على الاقل غرفة استقبال جديده

ومثل مانتي عارفه بشقتج اذا كنتي ببيت حمولتج مايجيج احد مثل اذا كنتي بروحج


فــ محتاره شنو اشتري وشنو اسوي



مشكوره يالغاليه علىا الرد

 

[محظوظه ومحبوبه]

اختى اهم شى واول شى الصبغ اختارى لون ان حطيتى اى شى على الطوف يبين ذوق



ثانى شى فكرى ان انتى عايشه اليوم ما تدرين باجر شنو بيصير لا تبخلين ولا تبذرين


غرفتج بدون تفكير تغيرينها قديمه والجديد حلاته فيه عند ميداس الغر فه من غير الكبت اقل من 500 خلى الغرفه بس شيفونيره للداخليه وسرير وكيمودينو وتسريحه وطاوله للتلفزيون والر يسيفر


الصاله طقم من ميداس 300 دينار وطاولة تلفزيون وكنسول عند الباب وبس


غرفه العيال سراير وطاوله تلفزيون وبلي ستيشن وصندوق العاب وبس


غرف للبنات وغرفه للاولاد يفضل


غرفة الكبير ه خليها للخدامه والكبتات وطاوله للكوى اشترىكوايه كبس فوق الطاوله وشيفونيره للصغار الاشياء



والسجاد ان كانت سيراميك قطع صغيره على الموضه محلات قرطبه والستاير طقميهم مع الصبغ لنتيجه افضل



واحسن شى لا تاخذين القديم من باب التجديد وشكرا

 

[محظوظه ومحبوبه]

الكبت عند النجارين شغل كويتى 120 خلى لونه مثل الشيفونيره اخذى اكبر قياس

 

[DEEMA]

محظوظه تسلمييييييين ياقلبي ماقصرتي

فكرة الكوايه الكبس طافتني وافكااارج كلها حلوه وعجبتني


مشكووره يالغاليه

 

[دبوشة]

يازين سوق الجمعه زيناه للشقق
ومثل ماقلتي كم شهر وتروحين بيتج
انصحج بسوق الجمعه فيه اثاث جديد ورخيص ونفس تصاميم المحلات الكبيره
روحي وشوفي

 

[DEEMA]

ايوالله دبوشه نفس كلام امي

تقول قزريها من سوق الجمعه


مشكووره فدييييييييتج

 

[القرآن ربيع قلبي]

جملة الاثاث ورا سنتر بوينت الي بالشويخ

 

[DEEMA]

مشكووره ياقلبي ماقصرتي اليوم بروح اشوفه


تسلمين

 

[محظوظه ومحبوبه]

اختى لما اتاجرين قولى للموجر انج بتسكنين بعد 30 يوم علشان ما ترتبكين ويحسب الاجار بوقت ما تسكنون بالهالفتره جيبى كراتين حجم كبير وكل يوم اخذى دفعه ورتبيها وخلى دخولكم البيت من غير دوخه والاجهزه الكهربائه اضن ماله داعى تشترين لانها عندج



ولا شكر على واجب وان شاء الله فالكم طيب

 

[ام وهابي]

حبيبتي ليش من الاساس تطلعين وتخربين على نفسك يعني معقوله صابره كل هالسنين ما طلعتي وجايه باخر سنه لما بيتج خلص تطلعين برايي اعتقد فيه سبب قوي خلاج تطلعين واذا ما فيه سبب
ما عندج سالفه تطلعين اصبري كله سنه او اقل واسكني في بيتك ليش تضيعين فلوسج على شي ما يسوى
كافي البيت والبنيان اخذ الاكو والماكو
رايي وانتي حره اذا فيه مجال تسكنين في بيتج هالصيف ومو شرط تاثثينه كله
المهم بس اتاثثينه والباجي بعدين والله انا ولله الحمد ما زلت صابره ل15 سنه في بيت حمولتي وشقتي محكر صاله وغرفتين نوم وحمام واحد تخيلي للعايله كلها بس الحمد الله صبرت ونلت وبيتي اللحين خلص وناويه اسكن فيه اخر الصيف
وتحياتي لك

 

[DEEMA]

افا عليج مجهزه اغراضي من الحين


ذكرتيني بالكراتين الله يذكرج بالشهاده

ذكرتيني بموضوع وحده الي شاريه اكياس حقت الكفرات من دايسوو بدور الموضوع واروح اشتريها للكفرات توفر مكاان وشكلها ارتب

الاجهزه الكهربائيه موجوده عندي كلها ماراح اشتري شي





تسلميييييييين محظوظه

الله يجعل لج من اسمج نصيييييييييييييييييييييب

الله لايحرمني منكم ياررب

 

[DEEMA]

ام وهابي هلابج يالغاليه

فيه ظروف قويه هي الي خلت زوجي يصمم يطلع

وعلى فكره بيتي مايخلص بعد شهرين ثلاثه<<<على عطلة الصيف السنه الجايه انشاءالله<ياعايش يعني مطولييييييين


وعسىا ربي يهنيج ببيتج ولايسكنه غيرج يارب ويسخر لج زوجج ويخليلج عيالج