سندويشات مسويه انقلاب فالبلد

[عــــــــــذوب]

يلااااا ياحلووووين جبت لكم طريقه السندويشات الي مسويه انقلاب فالبلد .. المهم علمووو خدمكم يسووونها



: تشكيلة سندويشــات





هم كلهم 6 انواع بشرح لكم بالتفصيل كل واحد وش تحتاجين له وشلون تسوينه



اول شي لهم كلهم تحتاجين سلايس برد وعجينه فولفون (السنبله) الباف بستري اللي صايره مضلعه



اول شي خبزي الفولفون خاليه في الفرن وشيلي التجويف الوسطي






والسلايس برد له طريقتين



قطعي دوائر اربعه







غطيها بفوطه وخليها عشان ماتنشف



ونشتغل بالطريقه الثانيه



تابع



الطريقه الثانيه



شيلي الاطراف و رقي السلايس







خلي مجموعه من اللي رقيتيهم على جنب وغطيهم بفوطه



والباقي



قطعيهم ارباع







الحين نجهز الحشوات ونشتغل



الفولفون



حشيته ربيان



اسلقي ربيان وقطعي بصل صغير جدا وفلفل اخضر صغير جدا واحمسي وبهريه عشان ماتطلع ريحه الربيان



اخلطي الكاتشاب مع المايونيز







احشي الفولفون بالخليط







صفيه في صينيه التقديم وتعالي نجهز الثاني



نتابع



ثانيا



رول الدجاج بالجبنه



جهزي الحشوه



صدور دجاج مسلوقه ومبهره ومقطعه



ضيفي عليها جبن شيدر مبشور وجبن كرفت قلاسات وملعقتين قشطه وشويه ملح وفلفل







خذي من قطع السلايس اللي قطعتيهم ارباع







حطي الحشوه في طرف



ولفيها رول واضغي عليها شوي وانتي تلفين



حطيها باخر طرف شويه حليب (عشان تمسك)



قطعي بصل اخضر اعواد



وبعدين ارجعي قطعي اضعف شوي







اربطي اعواد البصل حول رول الدجاج وقصي الزايد







صفيهم في صينيه التقديم وتعالي كملي الثالث



ثالثا



لبنه بالطماطم والفلفل



امسكي قطعه دائريه من السلايس باللبنه



حطي على وجهه طماطم مقطع صغير وشيلي البذور منها عشان ماتطلع ماي مع فلفل اخضر وزيتزن اسود





ورشي وجهها بشويه سماق







صفيها في صينيه التقديم وتعالي جهزي الرابع









نتابع

رابعا



جبنه بالنعناع



اخلطي جبنه فينتا مع نعناع



حطيها بقمع تزيين الكريما وحطيها فوق دائره السلايس











صفيها في الصينيه وتعالي نكمل الخامس



خامسا



السلمون مع الكافيار



سلمون تقطعينه شرايح بالطول .....بالعرض ماراح يتقطع معك لانه فيه انسجه







ادهني دائره باللبنه



حطي قطعه من السلمون ملفوفه على قطعه السلايس



وحطي بوسطها كافيار









__________________

 

[عــــــــــذوب]

سادسا



لفائف التيركي بالجبنه



تيركي او دجاج او مرتديلا او اللي تحبينه من اللحوم البارده



خذي قطعه من السلايس اللي ماتقطعت اللي بس فردناها وتركناها يعني القطعه الكبيره



امسحيها بشويه زبده



حطي اوراق الخس بعد ماتقطعينها وتشيلين منها القطعه الجامده











حطي عليها قطعه التيركي







حطي عليها جبنه مبشوره







واذا في زوائد شيلها



لفيها من الجهه العريضه







وصفيها وهي واقفه







والحين اخر خطوه



جمعي كل سندويشاتج وصفيها بصينيه التقديم وقدميه لضيوفج وانتي رافعه راسج


_

منقووووووووووووووووووول

 

[مغتربة 2006]

مشكووووووووووووووووووووره ويعطيج الف الف عااافيه حفظت الوصفات عندي صج انج فنااانه

 

[عــــــــــذوب]

عيل لا تنسين تعزميني عالعشا

خخخخخخخخخخ

ثانكس عالمرور

 

[النوالنو]

روعه

 

[عــــــــــذوب]

وانتي الارووووع فديتج

 

[شوق بدر]

تسلم ايدج روعه

 

[جارة القمر]

مشكووووووره


علي النقل الحلو

 

[عــــــــــذوب]

تسلمين فديتج

 

[غير كل الناس]

ماشاء الله والله افكارج روعه وبسيطه

 

[عــــــــــذوب]

تسلمين فديتج

 

[78MariMar78]

المنظر جميل

تسلم الأيادي

 

[جوري وبنفسج]

السلام عليكم

يمي يمي شكلهم يشوق تسلم أيدينج يا قلبي على الشرح المفصل:ggdw:

بس بخصوص السلمون لو تستبدل اللبنة بشي ثاني أتوقع أفضل يعني مثلاً صلصة الوسابي اللي يستخدمونها مع السوتشي

وننتظر منج المزيد من الأطباق الجديدة :tek:

​

 

[عــــــــــذوب]

والله فكره حلوة

وتسلمين يا قلبي

 

[محامية كويتية]

تسلم ايدج

 

[L a w y e R]

ماشالله

حرام تنوكل لوول

شكرا

 

[شمعة حياته]

تسلم ايدج ياقلبي

 

[احلى دبه]

يجنن

يجنن

تبارك الرحمن

فنانه

 

[نيــلــوفــر]

عجييييييييييب مشكورة حياتي

 

[أم ريوف 1400]

تسلم أيدينج يا قلبي على الشرح المفصل