أحلى همبه كويتية
**مشرفة قسم مائدتك**
سندويشات تصلح للعشاء
بيستانسون عليها الكبار والصغار
العجينة : تكفي لعمل 6 خبزات فقط
كأسين دقيق ابيض
ملح
ملعقة صغيره بكنج بودر
نص كأس ماء تقريبا
ملعقتين كبار زيت
طريقة العجين
نعجن المقادير السابقة مع بعض واذا احتاجت ماء زياده ضيفي المهم تكون عجينة متماسكه تقدري تشكليها ثم نقطع العجينه ست قطع متساوية ونكورها ونحطها بصحن مرشوش دقيق
اذا الكميه قليله ضاعفي الكميه على حسب افراد العائلة .....
ثم اتركيها ترتاح نص ساعه لساعه ثم افردي القطع ثم حطيها وحده وحده على صاج حار او مقلاة بدون زيت
ثم اتركيها شوي تتحمر ثم اقلبيها على الجهه الثانيه وحطي فوقها قدر فاضي مثلا أو ملاس كبير بس علشان ماتنتفخ الخبزه
- احفظي الحبزات بتغطيتها بفوطه نظيفه وخليها على جنب ونبدا الحين بالحشو
يمكن عمل أي حشوة حسب رغبتك وبطريقتك
او عمل هذه الحشوة :
مقادير الحشو :
ثلاث صدور دجاج مقطعه قطع صغيره
وحبة بصل وسط مقطعه قطع صغيره
ونص حبة فلفل رومي اخضر مقطع شرائح
ونص حبة فلفل رومي برتقالي مقطع شرائح علشان الالوان تطلع شكل الحشو تحفة
ملح وفلفل اسود وشوي بهارات مشكله
حبة طماطم وسط مقطعه مربعات صغار
وجبن تشدر كرافت حجم كبير مبشوره
بطاطس مقلي للتزييين
مايونيز وخس مقطع
الطريقة
- نضع الدجاج على النار مع شوي زيت حتى تنشف من الماء تماما ....
- اذا نشفت نحط البصل فوقها ....واحرك شوي ثم اضيف الفلفل الرومي الاخضر والبرتقالي ....
واخليهم حتى يذبلو وينضج الدجاج ثم احط الملح والفلفل الاسود والبهارات المشكله .... ثم يضاف الطماطم ...
واحركهم مع بعض دقيقتين واشيلهم عن النار .
- احشي الخبزات ادهن الخبزه بمايونيز واحط شوي خس واحط من حشوة الدجاج وارشه بالجبنة المبشورة
- ثم اقفلها زين واحمرها بالشواية او احطها على الصاج واخليها لين تذوب الجبنة ثم اقطعها وقدميها مع البطاطس...
وبالعافية يارب عليكم
اختكم / الهمبة
انتظرواااااااااااااااااا تطبيقي قريبا
اختكم / الهمبة
انتظرواااااااااااااااااا تطبيقي قريبا
