سمعو اشقالتلي مرت حمااااي لما وديت لها شوكلاته انا وامي.......؟

[ro0o0oni]

:0bee2e8d89:

قوه بنات

مرت حماي والد في الشهر السااااااااادس يعني ما ندري الياهل بيعيش ولا ايموت

المهم............رحت لها انا وامي ومو عارفين شنودي قلنا خلاص نودي لها شوكلاته(على سلامتها) وبعد ما يطلع الياهل نودي لها شي ثاني

بعد فتره شافتني(مرت حماي)الا تقولي( انا مااااااااااااحب احد اييب لي شوكلاته في ولادي ..مادري شستفيد منه..الناس العدله يابت لي ثياب وذهب..بصرااااااااااحه انا لما اروح لوحده والد عمري ما وديت لها شوكلاته ..مااوديلها شي ولا اني افشل نفسي واودي شوكلاته)

انا قلت لها انا يبت لج شوكلاته وحاطه في بالي لما يطلع اياهل اجيب شي ثاني(صرت جني استسمح منها)قالتلي لا عادي (بضحكه حقيييييييييره)ادري انج بتيبين لي شي ثاني

وصارت كل ما تشوفني تقولي اذا رحتي السوق اشتري للياهل هديه ..اذا رحتي مكان اشتري للياهل اي شي

بالله عليكم هذا اسلووووووووب؟؟:eh_s(14):

طبعا ريلها تيــــــــــس تبع..من يشوفني يقلب ويها :cxxxp:

من صج ريايل ايدخلون نفسهم بسوالف الحريم ويصيرون اهبل منهم ماااااااااكوووووووو

 

[gazl~q8]

ابييييييييييييه هذي ماتستحي صراحة شنو السالفة طرارة ولا شنو!!!

تحمد ربها قدرتيها وجبتيلها شي ماحقرتيها بس صراحة هذي مفروض تحقرينها ماتسحتي ولا محرشة زوجها عليج

والله عيب وعلى قولتج يطيح من عيني الرجال الي يتدخل بسوالف الحريم ويييييييييييع يطلع شكله مسخرة!!

والله يعنيج على هالاشكال!

 

[Miss 3asal]

اللى اختشوا ماتوا....صج ويها عريض...انا مكانج زايد عليها الكاكاو!

 

[Stylist]

ماتستحي
وانا لو مكانج عقب هالحركه مااودي شئ ثاني
اول مره اشوف ناس تتشرط شنو تيبين من الذوق انها تقبل الهديه مهما كانت
ماعليج منها لاتتضايقين

 

[music_teacher88]

قوليلها كيفي ايب ككاو ولا شي ثاني الشرهه عليج داشه وايدج موفاضيه؟ مبين تبي نجره من سوالف تافهه حقريها لانها سخيفه

 

[صعب غلاها]

حده ما تستحتي شغل طراره اشكره ويع

 

[كويتيه وافتخر]

لاتوديلها شيء مره ثانيه وبس حقريها

 

[هوى الدار]

صج ما تستحي
اخذيها على قد عقلها وطنشيها

 

[Fashionmania]

واااااااااااااااااااااااااااااااااااااااااااااااااااااااااااااي
شنو هذا ؟؟ قطيعه أشكره شغل طراره
ومسويه روحها بنت ناس وتعرف السنع والإصول والواجب
مالت عليها
الناس السنعه لو تودين لها أي شي اتشكر وتسكت
مو تقعد إتطرب وإتدلل على هدية ولادتها
والله صج ناس ما تستحي غاسلة ويهها في ( ......... )
الحمدالله والشكر جذيه شفاحه

 

[شيــوخه]

ايوالله شغل اطراررررررره

عاد قلنا غشمره بس مو لهدرججه والله ناس اعوذ بالله

بس تبين الصج هذي يبيلها كسره عيييييييييييييييييييييين

 

[برونزيه نعومه كتكوته]

حقريها

 

[Ma`3rOoraa]

والله ماتستحي

المفروض اهيا ماتنطر شي من احد ,, وماكان له داعي تبررين لها هذا بدال ماتشكرج

والله قهرتني حدهااا , الله يعيينج عليهاا

 

[يابختي]

صراحة مو سنع احد ينقد على هدية لو شنو كانت... احنا نقبل الهدية ونهدي مثلها واحسن بس ما ننقد على علج احد هادانا اياه... عيب

 

[اشواق2008]

فشله ماتستحي شنو طراره السالفه
الكاكاو مو بفلوس مو هديه يكفي انج عبرتيها بشي صج صج ما تستحي
طنشيها وخليها تولي اذا قالت شي قوليلها شالسالفه يا فلانه انت تطرين ولا من صجج

 

[سمبوسة]

هذي ما تستحي؟؟؟؟؟ ما تقدر العنوة؟؟؟؟ ما تقدر ان امج مرة كبيرة رايحة لها؟؟؟؟ والله لو انا دخلة اللي يتعنون لي بالدنيا كافي انهم فكروا فيني لو بس التليفون وهذي تتشرط واي ودي تاخذين منها الكاكاو مو كفو حرتني وبعدين السنع اللي نعرفه ان أول شي يا نطرش كاكاو أو ورد بداية الولادة وبعدين خلال النفاس نودي الهدية ما فيها صبر, والخروف<<< سوري على الكلمة بس ما أحب الريال اللي يدش بسوالف الحريم شيبي يعني بيحرجج مثلا والا شنو قصده المفروض يستحي من سوالف مرته حبيبتي انا أقول سوي بأصلج واللي يريحج ولو ان ودي تكشتين فيها هالأشكال المفروض ما تحتكين معاهم وتكونين رسمية بالتعامل معاها الله يعينج عليها

 

[CANDLES]

حقريها ولا اتودين لها شي مره 2

والله ماتستحي هذي وماعندها ذوق وتبي تتهاوش ونتي خلاص حقريها ولا تتكلمين وياها ولا تعطينها وي

جان دقريتها هالنوع يبيلهم دقره ورديتي عليها قلتيلها عالاقل قولي لي مشكوره مو لهدرجه

وبس لاتييبين لها شي خل اتولي ويها عريض وماتستحي كلش

 

[آيه ابراهيم]

اللى اختشوا ماتوا

 

[ro0o0oni]

ودي تاخذين منها الكاكاو مو كفو حرتني

انا نفسج قهرتني وحرتني على الشوكلاته الي اغلا منها

والمشكله لو اني حقرتها وطلع الياهل وماوديت لها شي مادري اشبيسوي فيني ريلها..يمكن اييني اهوا بكبره وايهزئني..ترا والله مو بعيده عليه صاير مثل الخروف والله

طبعا اهو مشيش منها ومتروووووووووس راسه من مرته وباقي شوي ويطلع من اذونه ..فصاير مثل الشبريت ..هالدور مااوديلها هديه حق هالياهل؟؟؟؟؟؟؟؟؟؟

 

[*مارلين_مونرو*]

من صجها هذي !! الحمدلله و الشكر .. انا لو مكانج اقطها على ضحك والله اقولها يا بعد عمري ذبحتني ولدج ما عنده هدووم ناطر هديتي على ضحك .. قطيها و امشي خليها تموووت و تبطل

 

[كشموووشه]

هذي مو بس ماتستحي هذي إمشفَحه وموشاااااااايفه خير