سمعوني كلكم يا عرايس تعالو(نصايح ام الخدود النظيفة) والله اني احبكم في الله

[%عسولة الحلوة%]

السلام عليكم
ورحمة الله وبركاته


شلونكم يا عرايس يا حسناوات


تعالو
كل وحدة تاخذلها كرسي وتسحبه
ونسوي دائرة عودة:gathering:

وسمعوني وانا اتكلم



حبيباتي الحسناوات يا عرايس المستقبل
عسا الله
يهنيكم يارب
ويوفقكم


حبيباتي


انا ودي اسولف معاكم عن العرس ولوية العرس وذكريات العرس السعيدة

من طأ طأ لي سلام عليكم

شوفو
اول شي

بنبتدي بالشيرة سوي الشيرة قبل العرس بيومين يعني لما تسوين الشيرة تقولين عرسي عقب باجر

عشان بشرتج ترتاح وماتكون تعبانة لما تستخدمين الديودرينت والا العطور
جسمج ما يقرصج

اوكي؟؟؟؟
طبعا قبلها تكونين مسوية حمام مغربي
واوكسجين حق جسمج من داخل بطنج وظهرج

وانا بانصحج العرايس

المنطقة الحساسة
لا تشيلونها بالموس

شيلوها بالشيرة احسن وانعم وتطول على ما يطلع الشعر

اوكي
اللحين
نيي حق قبل العرس بيوم

هم بعد سوي حمام مغربي
وتسبحي عادي
وعيشي يومج ريلاكس بدون ازعاج
قعدي مع خواتج
شوفي غرفتج
تاكدي من جنطتج

اي على طاري الجناط

نصيييييييييييحة
من قلب ام الخدود النظيفة
حق الفندق
اخذيلج جنطة عنونة بس حطي فيها الاشياء الضرورية
من بجامة وقميص النوم
والروب والمشط والديودرينت والمكياج وحاجاتج الضرورية
اندر ويرات وثوب الصلاة مع السجادة

وكل شي تحسين انج راح تستخدمينه

اوكي

اللحين صار يوم العرس
قولولوووووووووووووووش

قعدتي الصبح
سويلج صمونة صغيرونة مع عصير برتقال
وبعدين طلعي روحي الصالون
ومعاج بجنطة الصالون
فلوسج
مصحف قران
ديودرينت
عطر قوي
شورت عشان تلبسينه (مع اندر وير يديد) تحت النفنوف
والكعب والنفنوف والطرحة

حطيتي مكياجج خلصتي


رحتي الصالة

طلعتي من الصالة
رحتي الفندق

صورتي انتي وريلج
خلصتو
طلعت المصورة

هني انا افضل ان امج او اختج تيي الفندق
تاخذ نفنوفج

بس اهيا ما راح تاخذ نفنوفج بس
لاااااااااااااااااااااااااا


خليها تدخل
وزوجج ينطر شوية باللوبي

بسرعة بسرعة
افتكي من النفنوف

ودشي الحمام
(وانتو بكرامة)

خليها تساعدج
بالتسريحة

شيلي كل شي
ما شات وكل شي

وخليها تطلع

وانتي
خلي معاج بالجنطة مزيل المكياج اللي من جونسون

عرفتوهم
المناديل

ومسحي ويهج
ورقبتج
وصدرج
وايدينج
وكل شي

ودشي تحت الدش

غسلي ويهج
ماي وصابون
وتفركي عدللللللللللللل مدللللللللللللللللل

وغسلي شعرج

بسرعة بسرعة

والله راح تحسين انج نظيييييييييييييييييييييفة:eh_s(8):
وان شي ثقيل نزل منج
تخيلي كريم صارله يمكن9-12ساعة على جسمج شيصير فيج؟؟؟:eh_s(13):
والله اتسبح
ولا همني احد
تصدقون
خالتي اخت امي كانت تقوللي لا تتسبحين ولا تشيلينه
وانا اقولها مااقدر
وامي كانت تساعدني لما فجيت التسريحة وبدلت نفنوف العرس

لا تقوليلي لا عادي خليني بتسريحتي ومكياجي زوجي ما شبع منه
ولا شافه
لا حبيبتي شافه وشبع منه
ويقول بقلبه

جان زين تروح تمسح مكياجها

انتي اللحين خلصتي
تنشفي عدل
حطيتي ديودرينت
نشفتي شعرج
وتوضيتي

اللحين حطي عطرج اللي انتي مخصصته حق هالليلة هذه
انا استخدمت عطر سينما
ياااااااااااااااااااااااااي

موطبيعي
لي الحين كل ما رشيت منه
تذكرت عرسي
بالفندق

المهم انا اندمجت باحساسي
رشي عطرج على شعرج
وجسمج
بس لا تحطين وايد صوب الرقبة

بعدين راح تفهمون ليش

اذا كبرتو

المهم

رشيتي عطر تسبحتي بالعطر؟؟؟

حطي مكياج نااااااااااااعم

شدو وردي من ماك
وبودرة مضغوطة من ماكس فاكتور
مع بلاشر وردي خفيف

وحمرة وردية خفيفة
وكحل خفيف
وماسكرا واايد
وتحت الحاجب حطي شدو ابيض على سيلفر

حطيتي مكياجج خلصتي؟؟؟؟

ابتسمي جدام المنظرة وقولي ياحلاتي اليوم عرسي وناسة

نادي اختج تعطيج قميص النوم
لبسيه
ولبسي فوق روب ثقيل
عشان ما تشوفج فشلة وعيب وما يجوز

لبستي خلصتي

طلعتيلها برة
اهيا تكون
رتبت النفنوف وفكتج منه ومن الجيبون
وخذت كل شي ما تبينه
وخذت مسكتج

اطلعت

راح يي زوجج
فتحيله الباب
وقعدو
واستانسو بهاليوم
ترى هالليلة والله والله والله والله العظيم ما تتعوض

استمتعي فيها بالاحساس الحلو
انج مستحية وصج عروس
وانتي اللحين عند زوجج

وحياتج راح تتغير 180 درجة
اي

عاد
انتي تكونين على وضوء
تقدرين
تصلين
معاه

واصلا احساس حلو
انه لما تكونين بادية حياتج مع زوجج
وانتي على وضوء

تحسين انج نظيفة وطاهرة من قلب

وبس عسا الله يهنيكم يارب
واي سؤال والا استفسار انا موجودة بس كتبو رد وانا ارد عليكم

احبكم في الله

اختكم

:33_1185028183:ام الخدود النظيفة:33_1185028183:​

 

[فرزاتشى]

تسلمين على النصايح انا لما الحين ماتزوجت بس فى اليوم لما رحت عند المدرسه تدرسنى كان عندى اختبار وجات خالت صديقتى وشافتنى وقالت لى ابيج لودىانا استحيت وميته خوف قالت لى بتشاور الولد وبتكلم امى ادعوووووولى بنات الله يوفقنى ماادرى شسوى خايفه مع انه ماصار شى الى الحين

 

[@@ Strawberry @@]

حبيبتي ام الخدود جزاج الله خير ع النصايح المفيده ادعيلي عرسي بأذن الرحمن 14 / 12
فرزاتشي الله يوفقج ويكتبلج اللي فيه خير لج في دينج ودنياج

 

[فرزاتشى]

تسلمين حبيبتى ستروبرى على الدعوه

 

[㋡..PRINCESS..㋡]

أمبييييه مع اني مو عروس ليلحين بس والله استااااااااانست على موضوعج حيييييل استفدت منه !!
مشكووووووره على النصايح والله اسلوبج يهبل حبيتج :fun:

 

[blue diamond]

مشكوره حبوبه

 

[صمت الهدوء]

تسلمين أم الخدود النظيفة موضوعج وايد حلو مع اني مو عروس بس اللقافة ما نقدر ندخل المنتدى ولا نمر على قسم عروس ما قصرتي وان شاء الله البنات يستفيدون خاصة ان اسلوبج وايد وايد حلو قواج الله

 

[م.بدوره]

يعطيج العافية حبيبتي

 

[GaZoZiYa]

مشكووورة بعد عمري والله

 

[alzen_kilah]

تسلمين حبيبتي الله يسعدج ويهنيج ما قصرتي

وويوفقني

 

[meen_ana]

مشكوورة ياحيااتي على النصاايح الححلووة

 

[Cat.Q8]

يعطيييييييييج الف الف عااافيه حبيبتي وماااقصرتي خوووش نصااايح والله

 

[غلاي غير]

فديييييييييييييييييتج ذكرتيني بالذي مضى

 

[دلوووعة ابوووها]

يعطيج العافيه ماقصرتي على هالنصايح الحلوه

 

[وجدان الكويت]

والله وانا اقرا موضوعج يتني العبرة تذكرت ليلة عرسي
والله على قولتج هذي احلى ليييلة

الله يهني عرايس كويتييات كلهم

ويرزق اللي ماتزوجت بالريل الصالح

 

[ليه يادنيا]

تسلمين ياعمري على النصايح الحلوووه

وربي يعطيج العافييييييييه

 

[شموـوـوخ]

مشاءالله اسلوبج حلوووووووو وجد استفدت منج عسى ربي يوفقج
وترا نطمع بالمزيد >>>>>>وحده ماصدقت عاى الله خخخخخخ

 

[*^*مــــزيــــانــــا*^*]

وااااااااااااااااااااااي عشت معاج لحظاتج :eh_s(16):

يا ربي يوفقج ويسعدج ويهنييج

شي حلووووو ... بس مو احسن اقعد بنفنوف شويه احس يعني بس هالمره راح البسه

حلووو تقعدين فيه حتى لو اهوا يقوول بقلبه متى تقطه لووول... بس انا ابي اقعد فيه :lkmnkl:

بس اخاااف مايديني بعدين اخذ شور واتعدل واتمكيج واتبخر لوووووووووول

انا حق الدوام ساعه ونص قبل لا اطلع ومكياااااااااااااااااج خفيف كللش وهدوومي للدوام من امس مسويتهم الخدامه اووتي :eh_s(6): وهم باااااااااااااااااااااااااارده وهذا يوميا المفروووض متعوده لوووول شلووون بهذيج الليه وانا ابي يطلع شكلي حلوووو ومكياج حلووو وشعري حلوووو خخخخ

انا ما اقوول الا





















الله يستـــــــــــــــــــر



حبيبتي ام خدووود يعطيج العافيه وماقصرتي

 

[L I N D T]

احنا نظامنا نقط النفنوووف قبل لا نطلع من الصالة ونكشخ كشخة عادية ..

وووو الشعر اذا رحنا الفندق نقط الماشات ونخليه طبيعي ..

يكوون كييرلي ..

والمكياج ما نمسحه الا وقت النوم ^_^

يعطيج العافيه يا حلوة ..

ما قصرتي ،

​

 

[عــ2009ــــروس]

حلوه نصايحج

مشكوره وماتقصرين ..


الهوا اكيد يبيج من غير مكياج عشان ياخذ راحته لوووووول


بس مايمديها .. يعين تلبس قميسها وبعدها تفل شعرها من بعد التسريحه .. بعدها تتسبح وتنام بمكياج ناعم .. هذا اللي اعرفه والله بس طريقتج حلوه تفرح كل ريال وتهني سعيد بسعيده لول


ادعيلي الله يوفقني ويرزقني بالذريه الصالحه .. ويكون زوجي لي قرة عين