سمعت عن ضابطات الامن بالمدارس

[NoOoBy]

شنو يعني شغلتهم ؟ شنو يسوون بالضبط

مطلوبين بكل المدارس ؟
يقبلون اي شهاده ؟ ثنوي - دبلوم - بكالوريوس ؟؟؟

جم معاشهم ؟



الله يجزاها خير اللي تجاوبني

 

[ام زهقانه]

وي انتي همج المعاش اصلا عمره ماعاش

 

[الشامخة بوطنها]

يقبلون شهادة ثانوية عادي مو شرط دبلوم وانا سمعت راح يوضفون بعد الي شهادتها متوسطة شغلتهمم يعني انتي المسئولة عن المدرسة كلها يعني تفترين فيهاا وتشيكن ع الطلبة الي يطلعون من حصصهم واكثر البنات مفتشلين من اللبس قميص ازرق وتنورة سوداا البعض يمدح بالوظيفة والبعض يذم بس فية وحدة معانا بالمنتدي قبلوها ومستانسه من هالشغلة والمعاش مو متاكدة يقولون يمكن ٥٠٠ او اكثر والله يوفقج انا من رايي اذا محتاجة للوظيفة سجلي مافية شي اهم شي بالتربية اذا كنتي ماتحبين الوظايف المختلطة والله يوفقج

 

[الشامخة بوطنها]

وي انتي همج المعاش اصلا عمره ماعاش

غريبة ردج اي اختي فية محتاجة للوظيفة والمعاش يعني انتي ترضين تشتغلين بدون معاااش

 

[برور العرباويه]

اي انا وحده من الاهل سجلت معاهم مفروض يداومون يوم الخميس اللي طاف ومعاشهم تقريبا 600 وشوي وشغلتهم يفترون بالمدرسه بدال الأبلات يشوفون المنخشين بالحمامات واللي ينحاشون ولما يصير هده يفترون على المدرسه يشوفون البنات اللي متخششات وجذي يعني , ومن ناحيه الملابس يقولون نفس ملابس المرشدات قميص ازرق وتنوره

بالتوفيق ..,

 

[الجوريات]

غريبة ردج اي اختي فية محتاجة للوظيفة والمعاش يعني انتي ترضين تشتغلين بدون معاااش

اختي معاج حق كل هالغلا بالاسعار وماتبون البنت تسال عن المعاش شي غريب الصراحه

 

[AL-DMERA]

يقبلون من متوسط وطااالع ,,
المعاش 250 من الشركه و300 وشوي دعم العمآله ,,
اللبس أي شي لونه كحلي بأزرق ,, ( بنطرون / تنوره / نفنوف ) اللي يريحج ,,
أختي داومت يوم الخميس حاطين لها مكتب عند باب الأداره وكل من يدخل من أولياآء الأمور تسجل اسمه وجذي ,,
اختي قعدت بعبايتها لأنها منقبه فماقدرت تقط عبايتها لأنها كانت لابسه بنطرون وأولياء الأمور داشين طالعين ,,
ومدرستها ابتدائيه بنآت ,,
داومت 6.30 واطلعت مع آخر طالبه ,,
ووووووووووبس ,,

 

[نوروظلام]

ياابناات العاصمه انا لبسي قميص ابيض وتنوره سودااء ... وجاكيت اسود .. بس احب ان يكون عندي خبره بشغلي كضابطه .. ابي وظيفة عملي بالتحديد موادارة اتلمدرسه اهي اللي تقرر .. ياليت يكون للتربيه ارشااد بهالشي.. بحيث انهم ينزلون تعميم على كل المدارس بتحديد عمل ضابطة الامن .. حتى مايكون في خلاف .. اتمنى هالشي .. بس مادري شلون اوصله ..وشاكره لكم

 

[Angel_store]

موفقين

 

[ام ملاك2]

في تقديم للحين ولا سكروة

 

[أحلى عيون]

انا ضابطه امن الحمدلله الوظيفه حلوه ودوري في المدرسه اتمشي فيها اي طالب يهرب اكتب اسمه واوديه للناظره


بس يبي لها فعلا لياقه لانه تتعبين من الطلبه ومشاكلهم

والحمدلله سمعت انهم بيخلونا مراقبه كاميرات واالمعاش راهي وحلووو ٦١٧. الحمدلله


بس الحين توقف التسجيل

 

[الشامخة بوطنها]

تستاهلين احلى عيون اذا سمعتي اني فية تسجيل لاتنسين تقولين لي ارسلي ع الخااص الله يوفقج بس معقولة كل المناطق سكرو التسجيل انتي لما سجلتي وين رحتي الشركة ولا التربية

 

[أحلى عيون]

هلا الشامخه انا رحت للهيكله

مدرستنا يبون بعد بنات حتي كلمت صاحب الشركه وقال الناظره تكتب كتاب تبعثه للتربيه وبدور التربيه ترسله لنا واحنا نوفر لها بعد بنات

انصحج تروحين للهيكله تشوفين فيه تسجيل ولا لاء

والحين تري يبون مراقبات كاميرا

 

[الشامخة بوطنها]

ياقلبي احلى عيون ارسلي ع الخااص اي مدرسة انتي وانا تابعة لمنطقة مبارك الكبير

 

[ام ملاك2]

اشلون تبع لمبارك ومبارك والاحمدى ما فيهم حبيبتى هم بطلو بالاحمدى ومبارك

 

[سحابة امل]

والله حلوه خوش وظيفه

انا سمعت عنها من بنت خالتي طالبه وتقول حبوبات وطيوبات

بالعكس يساعدون الوكيلة والمدرسات على البنات

جيل هالوقت يبيله مراقبه ومتابعه

 

[. K .]

اول مره اسمع الصراحه متى بلشآو ؟

 

[أحلى عيون]

الشامخه لا مافي لمنطقتكم والاحمدي مافي بعد

 

[مريوومه12]

Up up.

 

[PuPa^^SWeeT]

اي منطقة انتووو



مدرستنا مافيها