سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

[um3bdullah]

السلام عليكم ...

طبعا موضوعي سؤال ومو دعاية

قبل فترة اتصل فيني مندوب شركة يقول اسمها ترست للدعاية والاعلان وانه عندهم بطاقات عضوية برسوم بسيطة

تؤهلني عند الاشتراك فيها للحصول على هدايا مجانية وخصومات تصل الى 1000 دينار


والخدمات والخصومات اقدر استفيد منها لمدة سنة

منه صالونات تجميل وهواتف نقالة ونوادي صحية ومراكز تعليم منوع وخصومات من الاسواق الكبيرة الخ

وان فيه ضمانات عندهم للحصول على كافة هذه الخدمات


دشيت على موقعهم التالي ولقيته مطمئن نوعا ما


http://www.trusttops.com/


بس ابي استفسر اكثر احد من البنات سمع عنهم او اشترك وياهم من قبل ومدى مصداقيتهم


وبعد عن شرعية هالاشتراك هل يجوز ام لا ؟


ياليت احد يفيدني بتجربة او معلومات


ومشكووووووووووووورين

 

[فوركسيه]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

يا ام عبادي يا بنت بلادي غالبا راح يكونون اهم الكسبانين لاتخافين عليهم ياخيتي خافي علي وعليج
مافي شي الا بشي انا جذي تعلمت من الدعايات والشركات الدعائيه اكيد انتي ماراح تستفيدين الاستفاده الكامله من العرض وبالآخر اهم اللي ربحانين وانتي اللي خسرتي قيمة الاشتراك الرمزي على قولتج واهي اول وتالي دعايه تسويقيه وترويجيه من المحلات اللي انتي طبعا راح تكونين مجبوره تشترين من عندهم عشان تستفيدين من الخصم اللي بالواقع ماهو خصم
يقولون خصم على السعر المعلن يعني لو بتفاصلين معاهم بالسعر يمكن تاخذين بالسعر اللي تبينه ومن غير اشتراك
وبس :jbdwjbd:
ياريتني بس فدتج فديتج:nocommint:

 

[um3bdullah]

والله فدتيني ولا قصرتي والله يبيض وجهك دنيا وآخرة و كلامج موافق للمنطق تماما ...


جزاج الله خير

 

[صدى الأفراح]

انا مشتركه فيها والله بس جربت جلسة تنظيف البشره بالمنزل تعامل راقي والله
ان شالله بعد امتحانات ابني رح اكمل الدورات والباقي

 

[shurooq]

حبيبتي الموضوع عباره عن كوبانات بقيمه 25 دينار


كل كوبان فيه شي مجاني او خصم


مثلا


دورة كمبيوتر شهر مجانا

دورة مكياج اسبوعين مجانا


جلسه مساج مجانا

مكياج وتسريحه مجانا


حمام مغربي ملكي مجانا


فتح ملف بعياده اسنان معينه واستشاره مجانا


وتلقين مثلا خصومات بعد على شغلات نسيت والله


بس حلوو وصح توفرين


يعني تستفيدنين انتي شنو خسرانه

 

[tt2tt]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

انا اشتركت وندمت ولا ستخدمت ولا كربون

 

[sweet fashion]

والله ماعندي فكره

 

[روح راشد]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

الاشتراك معاهم بفلوس؟؟

 

[tt2tt]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

اكيييد بفلووس في شي بلاش لووووول

 

[sweet december]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

حبيتي انا عندي اياها اشتريت اربع وقاعده استخدم فيهم

اهي قيمتها 20 وياخذ منج دينار توصيل على كل بطاقه

ويعطيج معاها نفس كوبونات مالت صالونات ومعاهد وتلفونات وعيادات وجذي وكو نفس كتاب مال خصومات يعني صيدليات او معاهد او فنادق ومطاعم كل شي لج خصم لو استريتي من عنده

حتى اكو صالونات رياييل واكو محلات مالت تصليح سيارات واكو نظارات واكو عيادات كل شي بامانه انا سويت جم شغله وطنشت شوي لاني مالي خلق اغلب الاشياء بالسالميه وحولي وانا الخين بعيده

اخذيها منتي خسرانه شي كلها 20 وفيها وايد اشياء وتدشين سحوبات على مدار العام

وبالتوفيق

 

[dla3_princess]

اي في وااايد شركاات جذي يبيعوون بطاقات خصوومات

على طووول كنت اخذ قبل من هالسوالف

والله شجعتيني وودي اخذ هالفتره بس بشووف عرووضهم

و تراا ما قيها شي حراام حبيبتي لا تحاتين

مووفقه يارررب

 

[الجوري74]

أنا امس شركه من الشركات داقه علي
:nbvppw::nbvppw:
مبروووك انتي فزتي بجائزه من بين 5 ارقام حسستني أني فايزه بفراري كالفورنيا
وقرقت قرقت على راسي آخر شي قلت لها افكر واذا بغيت اشترك أدق عليج
وما افكر أني اشترك

 

[روج كرزي]

أنا امس شركه من الشركات داقه علي
:nbvppw::nbvppw:
مبروووك انتي فزتي بجائزه من بين 5 ارقام حسستني أني فايزه بفراري كالفورنيا
وقرقت قرقت على راسي آخر شي قلت لها افكر واذا بغيت اشترك أدق عليج
وما افكر أني اشترك

نفس اللي دقو علي وآخر شي قالو عندنا خط وطنيه وعلي خصم الدقيقه مادري جم ,,, المهم قلتلهم هذا العرض اعرفه من 6سنين ؟؟؟ وانتو شكو بالوطنيه .!!!!! صدمممممممممممه بنات نصابين ,,, حسبي الله عليهم ,,, مقابل بهبهاني ,,, شركة الروضان .

 

[Nokia N95]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

اشتركت بشركة مشابهة .... وما استفدت
اغلب المطاعم ... ما ناكل منها ... ومافي خصم على خدمة التوصيل ...

محلات النظارات ... مافي خصم على العدسات !!!
واذا في تنزيلات ما تستفيدين من الخصومات اللي عندج ...


اتوقع اغلب المستفيدين اللي يتسوقون وايد و يروحون الصالونات وايد

بس تدرين .... شكلي بدرس الموضوع عدل واشوف اذا هالشي ممكن يفيدني ....

كراون بلازا كانوا مسوين عرض ... ليلة + كوبونات للمطاعم بقيمة 130 دينار + خصم على المطاعم بقيمة 50% حق الشخصين .... وغيره من المميزات بـ 100 دينار ...

الصراحة ... استفدت من العرض ... ( هالسنة بس ) و السنة اللي طافت ما استفدت ... الا من الليلة و جم كوبون ... و الباجي راحوا علينا ... لاني انشغلت مع بنتي حيل ...

فـ على حسب الواحد ... المفروض هو يعرف اذا كان راح يستفيد او لا ..

وبالتوفيق

 

[حليمة بولند]

بصراحة انا اشتركت وجربت جم كوبون واستفدت منهم الحمدالله

 

[قمورهـ]

رد : سمعتو عن بطاقات عضوية شركة ترست ؟؟؟؟ اللي ماسمعت تسمع السالفة

عندي وشجعتوني استخدم الكوبونات :friends::