سمعتوا عن وحدة حامل نص ونص (هذي حالتي) تعالوا شوفوا شصار

[هالة الصباح]

السلام عليكم ورحمة الله وبركاته



رحت مستشفى السلام سوييت التحليل الهرموني وطبع من الساعة 10.30 إلى 2.12 ما أرعرف شي عن التحليل

كل شوي أدق كل شوي أدق كل شوي أدق نطري نطري ونطري :eh_s(14):



لحد مايييه التحليل بالفاكس جان تقولي الدكتورة أنتي فيفتي فيفيتي قتلها اشلون جان تقول عيدييه بعد يوميين لأن نسبة الحمل قليلة .. 1.99 :tomato2:



يا ناس يا عالم أكو وحدة حامل نص ونص يلا بنطر بعد يوميين :krkrkr:

ما أعتقد أني حامل بس حاجة في نفسي الله يقضيها لي إن شاء الله وبشوف شرايكم :eh_s(1):

 

[أحلى^حياه]

الله يرزقج يارب وتكونين حامل يارب
ما عندي فكرة عن الموضوع

 

[كويتيه مذهله 87]

صح النسبه ضعيفه

انا الي اعرفه 5 وفوق حامل

سمعي ليش ماتروحين حق الدكتووره الي سوتلج العمليه وروحي حللي عندها


تري هالمختبراات خبز ايدي جذااااااااااابين بس لط بالفلووس حسبي الله عليهم احلل عندهم يخلووني استاانس يقولون اي حامل بس مو متأكدين عيدي التحليل مره ثاانيه علشان شنو ياخذوون فلووس تحليلين

بس ريلي يعرلهم ياخذ التحليل الاول ونطير فيه العيااده
تقول الدكتوره اصلا هالتحليل ماكو حمل ليش يقولون عيدي التحليل نبي تأكد
ومن يومها احلل بعياده دكتوورتي احسن من هامختبرات

 

[هالة الصباح]

حبيبتي مذهلة أنا ماسوييت إلا في المتشفى والعيادة دكتورتي وماسوييت إلا باستشارتها بس قالت لا تستعجليين نطري يوميين هذا الحاصل

الحمدلله


مشكورة أحلى حياة

 

[WaChoCha]

صحيح نسبة الحمل ضعيفة
بس يبدل الله سبحانه من حال الى حال بين عشية وضحاها...... عيدي التحليل وباذن الله حامل

 

[هالة الصباح]

مشكورة أختي إن شاء الله هذا إللي بسوييه وأمر لله

 

[***الزين***]

اذا ماتأخرت الدورة
نطريها لين تتأخر
وان شالله تزيد النسبة ويااااارب حاااامل وتبشرينااااا

 

[هالة الصباح]

إن شاء الله مشكورة أختي الزيين بحاول

 

[برميت]

الله كريم
يالله يااربي تحملين هالشهر ياالله ياااااارب

 

[رووح حبيبي]

الله يرزقج
وعيدي التحليل
اذا ارتفع معناته حمل يارب
انا اختي حللت الساعه عشر الصبح كان 200
وحللت الظهر وصل 600
والله كريم

 

[هالة الصباح]

مشكورة يابرمييت يا صديقتي الله يسمع منج

مشكورة يا روح حبيبي إن شاء الله يطلع كلامج صح وخل أروح أحلل الإثنيين ونشوف والله كريم

بس أختج جم يوم متأخرة عليها؟؟؟؟

الله يوفق الجميع

 

[sun-shine79]

هلا اختي هاله شوفي انا قبل 4 شهور سويت تحليل هرموني وكانت النسبه زينه والدكتور قالي انتي انشالله حامل بس عيديه عقب يومين وعدته بس لالسف النسبه نزلت وقالي انتي حملتي حمل كيميائي يعني نقسمت الخليه ونزرعت بالرحم بس ماوصلت حق مرحلة تكون الجنين من جذي بزرع مجمد عن قريب
ونشالله نسبة الهرمون عندج ترتفع..وعسى الله مايضيع تعب

 

[احلى اسم بالكون]

هلا هاله اني لما حللت مثلك كان فوق 12 وكان فيه حمل وبعدها بيومين وحللت نزل ل5 ونزل الجنين


اذا ارتفع يعني ثبت زاذا نزل الله يعوض عليج يعني بعد 3 ايام الدوره

كنت اتمنى اشوفج بالمسنجر لكن الله كريم

 

[رووح حبيبي]

كانت متاخرة عليها يومين

 

[*ماي الورد*]

لا ضيقتي خلقي و الله
بس ان شاء الله حامل

 

[mosta7eel]

ونستينا لم سويتي تحليل البيت
يلا ان شاءالله ترتفع النسبة
ماكو شي بعيد عن رب العالمين اهو الي يقول للشيء كن فيكون

 

[كيكه^_^]

يمكن حامل ونسبة الهرمون قليله بعدها ما انتشرت ابجسمج علشان يبين بالتحليل

آنا يوم حملت جذي قالو حامل بس النسبه قليله وبنعيد التحليل اللي خلوني قاعده على اعصابي ما ادري افرح بالحمال والا لأ ليما بعدين ارتفعت النسبه.

يااااااااااااارب ترتفع النسبه وتطلعين حامل يارب قولي آمين.

 

[فراشة الكويت25]

يارب يا كريم ترتفع النسبه واتكونين حامل يارب واتبشريني بحملج يا كريم

انشاء الله حامل لاتيأسيييين مدام فيه نسبه انشاء الله حامل

 

[الفريده]

لا تحاتين حبيبتى ان شاء الله ترتفع النسبه وتكونين حاااامل اهم شى النفسيه واستغفرى دايما يا حبيبتى

 

[شاي اخضر]

ماعليه حبيبتي انطري يومين وعيدي التحليل .... ان شاء الله الله يرزقج الذريه الصالحه السليمه ...