سماق حااااااااااااامض حيل من وين ؟ + ابي طريقة عمل سبانخ حامض

[g6awi]

مسا الخير يا حلوات


من وين تشتروون السماق الي يكون حيل حيل حامض ؟ كل ما اشتري يطلع ماسخ

+ ولا عليكم امر
بغيت طريقة عمل خلطة السبانخ اللي تكوون حامضه

 

[ريم الصبايا]

السماق انا اخذه من الجمعيات

طريقة السبانخ

تحمسين بصل بزيت زيتون بعد مايتحمش اضيف السبانخ واقلبهم مع بعض واخليه على النار هاديه

ليما ينشف الماي

بعدين اضيف السماق وعصير الليمون وملح واخليهم خمس دقايق واسكر عليهم

 

[جارة القمر]

أنا أخذه

من الجمعيات قبل

ما في علي سماق سوريا


لم تجيبه أختي عجيب




حامض وعجيب






شوفي سوق المعلم بحولي المحل اللي تحت يبيع كاكاو عنده زعتر يمكن عنده سماق


وله فرع ثاني بسوق السالمية اللي فيه سيتي سنتر




وهذي طريقة السبانخ


http://q8yat.net/showthread.php?t=581265&highlight=%C7%E1%D3%C8%C7%E4%CE

 

[semony]

شوفي ياقلبي

اول شي تفرمي السبانخ كويس وبعدين تعصريها عشان مويتها تنزل (( لان المويه مررره ))

وبعدين تحطي على النار بصل وزيت زيتون وبعدها تحطي السبانخ وعصير اليمون والملح والسماق واذ حابه يكون فيها حراره خفيفه

حطي فلفل احمر بيجي في علب جاهز زي الدقوس مااعرف اش تقولون له

المهم قلبي السبانخ و اتركيه الين يذبل ويتسبك تمام

وبعدها احشي العجين .

وعوافي

 

[نووووونا]

هلا اختى السماق من المعارض او طلبى اذا تعرفين احد من سوريا او الاردن

خلطه السبانخ (نص كيس سبانخ مثلجه بعد ما يفج عها الثلج تحطينها بصحن +زيت زيتون ترس فنجان +عصير ليمون ترس فنجان

2قفشه سماق +ملح وفلفل وبصله مفرومه عدل او مبشوره تخلطينهم عدل بدون اى نار وبعدين تصبينهم بمشخال عشان ينزل السائل

كله وحشى الفطاير والف هنى وعافيه

 

[g6awi]

مشكورين حياتي ما قصرتوا

انا رحت مجمع بيرووت ورحت المطحنه اللي فووق وشريت منها خووش سماق

جزاكم الله الف خير

 

[شانيل نمبر 5]

عندج سماق اللي بمطحنه الدوليه حلو شغلهم ونطيف

 

[<<لمار>>]

انا اخذة من الرفاعى ومرات من المعرض