سلفت رفيجتي مبلغ مالي كبيرمن فتره طويله و ما ردتهم لي الحين !!!!

[miss_eng]

السلام عليكم و رحمه الله و بركاته .....

بليز بنات للي تعرف اتفيدني ... انا سلفت رفيجتي من فتره طويله مبلغ مالي وايد كبير على فترات و علي اساس انهى تردهم و مرت الايام و الحين محد يدري عن الثاني يعني من زمان ما كلمتها و لا ادري عنها و لي الحين ما ردتلي الفلوس على العلم انها توضفت من فتره كبيره و معاشها زين لانها جامعيه !!!

سؤالي ابي اعرف راي الدين او الشرع،،،،،، شنو الافضل هل اني اطالب بحقوقي او اني اسكت ؟؟؟؟؟
و لكم جزيل الشكر

 

[آبـلـہ نـونـو]

إذآ آنتي محتآجتهم مآ فيهآ شي إذآ قلتي لهآ و طآلبتي بحقج ، و بعدين على قولتج سلفتيهآ مبلغ كبير و آهي تشتغل و آلمبلغ تقدر توفرهـ لج .!

يعني مآ آعتقد فيهآ حيآ آو عيب آو حرآم هآلسآلفة .!

و بعدين حطيهآ لهآ عذر آنهآ نست ،

و لآ بعدين بيصير دين عليهآ ليوم آلقيآمة ، فآنتي فكري فيهآ كآنج سويتي لهآ خير و ذكرتيهآ ،

بس يبيلهآ مقدمة زييييينة ، ههههههههههه



وآلله آعلم حبيبتي ، إن شآء آلله آلبنآت يفيدونج آكثر و مآ يقصرون .. ~

..

 

[سـارهـ]

راي الدين او الشرع
راح تقعد دين على ذمتها
شنو الافضل هل اني اطالب بحقوقي او اني اسكت ؟؟؟؟؟
لا حبيبتي ما فيها شي طالبي بحقوقج ولا تكسين ((الساكت عن الحق شيطان اخرس))

 

[ام عفاف الكويت]

قولي لها يافلانه يوم سلفت كنت ماني محتاجه
الحين محتاجتهم لو سمحتي
واخذيهم حلالج

 

[нάγoηά cнεмίsтяγ]

لو فرضاً انهـا نست ...
راح تسويلهـا معروف إذا ذكرتيهـا
لأن هذا دين برقبتهـا لي يوم القيامه
وتتحاسب عليـه والله يكفينـا شر الديون..

فـ ذكريهـا باسلوب حلو ما يضايقهـا دقي عليهـا سألي عنها
سألي عن احوالها عن وظيفتهـا و بعدين فتحي معاها الموضوع

 

[*سوسو ستار*]

هذا حقج والحق ماينزعل منه ..!!

 

[bint_q8]

نفس ماقالوا البنات

مافيها شي دقي وطلبي منها وهذا من حقج وثاني شي بتفكينها من دين علي رقبتها لان الواحد مو ضامن عمره

موفقه حبيبتي

 

[miss_eng]

مشكورين بنات علي الرد ما قصرتوا ...

اتصدقون بنات دقيت علليها و قلتلها ردت علي بسلوف حسستني جني انا الي بتسلف منها اسلوبها ما كان زين ...قالت ما عندي الي مبلغ صغير اعطيج ياه باجر ... صار باجر دقيت عليها ما ترد .... افتشلت انا اول مره انحط ابهالموقف ...مادري شسوي ؟؟

 

[нάγoηά cнεмίsтяγ]

واي الله يعينج واللـه .. موقف محرج أهم شي انج ذكرتيهـا وسويتي اللي عليـج يعني مافي عـذر تقولج نسيت ..
حطيلها عـذر ان فعلاً ما عندها المبلغ .. الرسول صلى الله عليه وسلم يوصينا نحط 70 عذر للمسلم ..
نصيحتي ماتدقين ثاني مره لأنها تدري ومتذكره ماله داعي تذكرينها ... لو تبي ترده ردته متى ماقدرت سواء دقيتي او مادقيتي
اذا كان عندها وكشتت فيج مارراح اتهنى بحياتها وانشالله ما تكون من النوع هذا هذي رفيجتج وانتي ادرى بنوعيتها والله يردلج حقج انشالله

على هالطاري تذكرت سالفه قالت لي اياها يدتي الله يطول بعمرها بقولها للعبره بس .. اهي وايد مع يارتها .. ويارتها هاذي مسلفـه وحدة مبلغ 600 دينار .. و هالوحدة بعد ما خذت الفلوس غطت وما قامت تبين .. يه اليوم الي يارتها احتاجت الفلوس .. سبحان الله شافت المره الي تسلفت منها صدفه بيمعه من العزايم والا اهي ما كانت تبيّـن بس ربج راد ان تشوفها صدفه .. وكلمتها عن موضوع الدين .. جان اتقولها المره الي متسلفه منها متى عطيتيني 600 دينار؟؟؟؟؟؟؟ ماعطيتيني شي .. !!! تخيلوا مسكبنه المره ما طلع بيدها شي انصدمت من ردها وسكتت ماسوت شي قالت حسبي الله ونعم الوكيل بس .. مرت سنة سنتين و تقولج وصلت اخبار حق يارتها ان هالمره انشلت شلل كامل لا حول ولا قوة الا بالله صدقوني مو شماته بس القصه هذي فيها عبره اذا وحدة متسلفـه دين و تتهرب منه مو زين جذي والله تشوف حوبتهم بحياتها ما تسوى عليكم الله يهديكم

 

[قلبي ابيض]

والله نفس الحالة

الله يعين