انا وايد أحب سلطه الجرجير اللي بالمشروم احب أكلها في ريتز او من المخبز الدنماركي او من مطعم المرينا بسوق شرق وبصراحه أصريت اني اسويهم بالبيت بس عاد اتحملوني المقادير على كيفج يعني انا أقول لج وانتي براحتج بس والله سلطه كشخه
المخاسير:
جرجير
جبن بارميزان انتي تبشرينه بالبيت لأن المبشور اللي بالعلب مو شئ
مشروم فريش مقطع حلقات رفيعه
طماط مجفف اللي يكون منقع بزيت زيتون اتحصلينه في مركز سلطان او ركن الذواقهى في جمعيه الشاميه
خل بلسميك وزيت زيتون وخل واشويه كممون
أنا من عندي زدت خلطه كنور اللي بكياس البودره نكهه السيزر سالاط مع ليمون
الطريقه
اتحطين الجرجير مع المشروم مع اشويه جبن مبشور في صحن
في الخلاط اتحطين الطماط والخل والبلسميك والكمون وكيس كنور وزيت الزيتون لحد مايصير سائل ممكن اضافه الماء اشويه طبعا كل وحده بذوقها وبعدين اتصبينها فوق الجرجير
ممكن اتزينينها بالصنوبر والطماط الصغار
اتمنى انكم اتجربونها وتدعون لي
