مس يو
New member
- إنضم
- 25 أغسطس 2006
- المشاركات
- 3,421
- مستوى التفاعل
- 1
- النقاط
- 0
السلام عليكم ورحمة الله وبركاته..
شلونكم حبيباتي عساكم بخير..
ذاك اليوم عزمت اختي عندي وكانت مشتهية سلطات من ايدي يعني كذا صنف ..
فسويت السلطات التالية :
اول شي سلطة البطاط مع الذرة والصوص روب بمايونيز وشوية لبنة طبعا طريقتها من المنتدى ..
ثاني شي سلطة الجرجير مع الحلوم المشوي والفطر مع صوص البلسمك هم طريقتها من المنتدى ..
وهذا زووم ..
وهذي سلطة سيزر الدياي بطريقتي الخاصة ..
واهي عبارة عن صدور امريكانا مشوية جاهزة بس احطها بالفرن تحت الشواية تتحمر شوي وتسخن بعدين اقصصها ..
توست محمص نوعين اسمر وابيض
جبن برميزان وجبن شيدر مبشورين
خس امريكي
والصوص كان.. صوص السيزر لايت وزدت عليه شوية مايونيز وجبن بارميزان مبشور علشان تصير النكهة احلى
[URL=http://www.up-00.com/]
وهذا صوص النعناع او مثل مايسمونه بالهندي جتني النعناع بالروب.. واهو نفس صوص مغل محل بالضبط..
مقاديره:
علبتين روب
شدة نعناع
نص شدة كزبرة خضرا
فلفلة خضره حاره او نص اذا ماتبينها حاره حيل
شوية زنجبيل مبشور
شوية ثوم
ملح
عصير ليمون تقريبا ليمونه او ثنتين على حسب الرغبة
وطبعا بالخلاط لما ينعم حيل...
وهذا الخبز مال مغل محل شريته من سيتي سنتر صوب البهارات والشغلات الهندية في بكذا نكهة انا خذيت اللي بالكمون..
طبعا تحطينه بالفرن تحت الشواية وتوقفين عنده ماياخذ خمس دقايق وقلبيه على الجهة الثانية
واول مايطلع يكون شوي طري بعدين ينشف
وهذي شوربة كريمة الفطر من كنور الفورية..
