حصوص الكويتية
New member
يابنات سلطه لذيييييذه لذييييييييذه لذيييييييذه لذيييييييييييييذه
اتعب وانا اقول لذييييذه انا مااحب السلطات لكن يوم ذقتها وااااااي عجييييييييييييبة
وربي تدوووخ وادماااااان
المقادير :
بقدونس
سماق
ذره
فاصوليا حمرا
حمص
باذنجان
صدور دجاج
روب
الصلصه الفرنسيه ( امريكان قاردن )
بطاطس عيدان ( حار )
شطة سومطره
ملح \ فلفل اسود \ ليمون
الطريقه :
تجيبين صينيه وتحطين اول طبقه بقدونس وثاني طبقه سماق وثالث طبقه ذره ورابع طبقه فاصوليا حمرا
وخامس طبقه حمص وسادس طبقه باذنجان مقطع قطع صغيره ومقلي وسابع طبقه الدجاج وتكونين مقطعته قطع
صغيره ومتبلته بزبادي وفلفل اسود وملح وليمون وشوية خل وتتتركينه فتررره علشان يتشرب الطعم بعدين
تحمسينه بزيت زيتون وتحطينه الطبقه السابعه
وآخر شي الصوص اللي فوووق وطريقته :
الصلصه الفرنسيه اللي لونها اورانج كامله + حمص مطحون علبه كامله + ليمون + زبادي + شطة سومطره
+ ملح وتخلطينها مع بعضها الى ماتتجانس وتكون صلصه وحده
وتحطينها فوق الطبقه السابعه وترشين فوقه بطاطس عيدان حار
ملاحظه :
1\ اللي ماتحب الحار تستغني عن الشطه وتحط بطاطس عيدان عادي مو حار
2\ لازم تحطينها فتررره بالثلاجه علشان تبررد وتتماسك شوي
3\اللي ماتعجبها شكل السلطه لا ترد تجربها اول واذا حبتها تجي للموضوع وتحط رايها
لأن رايكم يهمني ومتأكده راح تعجبكم وحتى اللي ماتحب السلطات تجربها وبتحب شي اسمه سلطه
كان نفسي انزل الصور بس للاسف نسيت لما سويتها كليناها كلها ونسيت سالفة الصور لما خلصت قالت اختى صورتيها للمنتدى جان اقول ويييييييييييه نسيت حسافة لما اسويها مرة ثانية اصورها لكم
اتمنى تعجبكم
