سلطة المكرونه

[سلة فراوله]

هذي السلطه لذيذه وسريعه في اعدادها

المقادير:كيس مكرونه حلزونيه وملونه - فليفله اخذي جميع لالوان اخضر واحمر واصفر - مشروم - ذره - جزر

الصلصه : ليمون - زيت زيتون - خل - علبة روب - ميونيز

الطريقه : طبعا طبخي المكرونه لين تستوي وصفيها من الماي _ بشري الجزر - قطعي الفليفله بشكل طوالي وخلطيهم كلهم مع الذره والمشروم

وبعدين حطي مقادير الصلصه بالخلاط واذا تحبين حطي معاه فص ثوم حسب الرغبه وصبي الصلصه قبل التقديم عشان لاتنشف
وبالعافيه اذا جربتوها عطوني رايكم بليييييز

 

[جارة القمر]

سلة فراوله

تسلم ايدج حبيبتي

 

[ضحكة الدنيا]

شلون اصب الصلصه قبل التقديم ماتتلزق المعكرونه مع بعض بدون الصلصه
ومشكوووره حبيبتى وتسلم ايدينج
بجربها ان شاء الله

 

[سلة فراوله]

اولا انا نسيت اقولكم انه مع الصلصه بالخلاط تحطين بعد صلصه ايطاليه الشفافه اللي فيها مثل حبوب تقريبا تحطين نصها او اكثر عادي وبالنسبه حق اللي قالت تلصق بدون الصلصه انتي لما تشخلين المكرونه غسليها بالماي وحاولي بايدج تفتحينها وبس خليها بالثلاجه وانتي بعدين بمجرد ماتحطين الصلصه عليها وتخلطينها تتبطل اذا كانت متلصقه وشكرا واشدعوه يبا بس ثنتين اللي رادين علي لهالدرجه موعاجبتكم السلطه مع انه دايما الاهل يطلبونها مني يقولون حلوه

 

[ضحكة الدنيا]

مشكووره حبيبتى على التوضيح وفعلا شكلها حلوه
وبطبقها ان شاء الله وبصورها بعد وانزل لكم الصور

 

[سلة فراوله]

مشكورين عالمرور

 

[q8ya__84]

مشكورة اختي

بس ما وضحتي جم قفشة مايونيز وجم ليمونة

 

[سلة فراوله]

المايونيز احط من 2 الى 3 ملاعق انا احب اكثر منه المايونيز والليمون على حسب صبي ربع كوب وذوقيه

 

[ضحـاوي]

شكرا
راح اسويها لما اييب فليفله الوان لاني احبها

 

[New Mum]

سلة فراوله تسلم ايدج حبيبتي انا اسيها نفسها تقريبا و اضيف عليها جبن كرافت الأزرق المبشور اصير تعقد جربيها

 

[جورية كويتية]

تسلم ايدج حبيبتي
يعطيج العافيه


​