سكر الحمل جنني وزهقني تكفون ريحوني شوي

[موني^^]

السلام عليكم ورحمة الله وبركاته

انا حامل توني داخله السابع من يوم

وهذا اول حمل لي

من بداية الشهر السادس الدكتور حللي تحليل سكر دم عطاني شراب جلوكوز 50 وبعد ساعه سحبو عينه

طلع لي 150 وقالي احتمال عندج سكر حمل

وطلب مني اشتري جهاز واحلل كل يوم بعد كل وجبة بساعه

والله تعبت ومليت وانا اقزز ابر في صبوعي كل يوم

ظليت على هالحاله شهر ونص وانا احلل بالبيت

مره يرتفع مره ينزل:eh_s(14)::eh_s(14):

زهقني

وسويت حمية قاسية جدا
دايما يطلع لي صايمه 80 او89

وبعد الغدا بساعه 120 واحيانا 107


لكن بعد العشا بساعه 174
151
154
134
132

هذا اكثر نسبة ارتفعت عندي خلال شهر ونص
اما بقية الايام الحمد لله كل شي تمام

الدكتور خوفني قالي خطر على البيبي اذا ارتفع اكثر من 140 بعد الاكل بساعه

بس الحمد لله شاف وزن البيبي قال ممتاز

بس خوفني قال اذا ارتفع مره ثانيه السكر بعطيج ابر انسولين


بنات مين حملت وجاها سكر حمل وشلون ولدت طبيعي ولا قيصري؟؟؟؟؟


ومين بعد ماولدت راح عنها السكر؟؟؟؟؟


ريحووووووووني:eh_s(16)::eh_s(16)::eh_s(16):

 

[Aloe Vera]

عادي امشي على كلام الدكتور

سكر الحمل مؤقت مع فترة الحمل بعدها يروح

و مع الادوية و الحمية الغذائية الوضع عادي و طبيعي لا تخافين

الله يسهل عليج

 

[@سيدة نفسي@]

لاتسوين حمية قاسية تزيد السكر عن تجربة

خففي الحلويات وارتاحي لاتحاتين النفسية

هم تلعب دور .. انا حاشني سكر الحمل مرة وخففت

نشويات وسكريات وبيوم ولادتي فحصت السكر

قالولي طبيعي لكن قدر الله اني أولد بعملية والحمدلله

على كل حال

 

[.:lady bug :.]

حبيبتي سوي حميه
قطعي الفطاير قطعيها
خففي العيش
كثري الخس لانه ينظم السكر يهبل كثريه ترسي ثلاجتج خس
شربي ماي وايد
لاتشربين جاي
عصاير شربي طبيعي بدون سكر

وسهالات ان شاء الله وباذن الله لاالتزمتي ماتاخذين ابر

 

[M!SS.LOBY]

ما تشوفين شر يالغالية

 

[Perfume]

حبيبتي لا تخافين
امشي عالحمية الطبية
وبينزل ان شالله
احياناً من التوتر والخوف يرتفع
وترى بعدج ما شخصوا عندج السكر
لازم يكون فوق ال ٢٠٠ عشان تتشخصين كحالة سكر
والافضل مثل ما قالج الطبيب يكون اقل من ١٤٠​