سكر الحمل ابي مساعدتكم

[جود ونجود]

صباح الخير بنات

انا امس طلب مني الدكتور تحليل سكر حمل r b s

ورحت للمستوصف منطقتنا وسويت التحليل وانا صايمة

وطلعت النتيجة 4,5

شنو رايكم بالنسبة هل اهي طبيعية ولا لأ انا في الشهر التاسع

وعندي استفسار اخر

هل طريقة التحليل صحيحية

انه المفروض ياخذ تحليل وانا صايمة وبعدها اتريق واخذ تحليل ثاني

لاني سالت اللي سحب الدم مني قالت لأ عادي مو لازم تحليل واحد كافي

شنو رايكم اعيد التحليل ولا شسوي

لان موعدي مع الدكتور الاسبوع الجاي

ومشكورين

 

[De3La^85]

ماعندي فكره انا عندي تحليل عقب يومين بس ما قالولي لازم اكون صايمه بس قالتلي يعطوني جلكوز والتحليل عقب ساعه من عقب ما اشربه

ان شاءلله البنات يفيدونج

 

[c a t w o m a n]

والله جبيبتي ما عندي فكرة فما أقدر أفيدج .. انشالله يفيدونج البنات

الله يتمم ويسهل عليج يا رب

 

[حرم بدر]

اى 4.5

الحمد لله وانتى صايمه طبيعي

لكن وبعد الريووق او الشراب جم طلع

عشان نعرف طبيعي او لا

 

[om batool]

اهم شي النتيجه بعد الجلكوز بساعتين جم طلع؟

 

[.:lady bug :.]

لا طبيعي الحمدلله
الله يتمم عليج ويسهل عليج

 

[المكسيكيه]

الله يشافيج حبيبتي

 

[ورد و ريحان]

4,5 طبيعي حبيبتي
ومو لازم تحليل ثاني
لان نتيجته معاج زينه مو عالحد
لو انه اعلى من كذا
كان طلبولج تحليل ثاني عشان يتاكدون في قبول او لا
بس كذا الحمدالله طبيعي مو عالحد
الله يقومج بالسلامه يارب

ابي منج بس دعوه حلوه

 

[sweeta77]

الحمدلله تحليلك وايد زين
ليش خايفه

 

[الأميرة جوري]

النتيجه طبيعيه ...والله يسهل عليج

 

[جود ونجود]

مشكورين على الرد

وبالنسبة للتحليل الثاني اللي اشرب فيه جلوكوز

ما طلبه الدكتور مني لانه فني المختبر لمن سألته قالي انه دكتور طلب تحليل rbs

وهذا التحليل عادي تكونين صايم ولا متريقة

وانا سويته وانا صايم وطلعت نتيجته 4.5

ما ادري اعيد التحليل يعني واكون متريقة

شرايكم

 

[حرم بدر]

شوفى حبيبتى انا صايمه عادى نفسج لا شربت المحلول يرتفع حيل حيل لانه يمكن فينى سكر حمل

بس انتى ساليه قوليله لازم صايمه او متريقه

عشان تكونين على بينه