سفره الصيف - اين المسير؟

[Dancing^Queen]

السلام عليكم ورحمه الله وبركاته حبيباتي بنات كويتيات



الكتاب باين من عنوانو
كل وحده خل تقول لنا وين انشالله ناوين يسافرون الصيف واذا ناوين يسافرون او لا



ونقطه اخرى لو سمحتولي عزيزاتي ياريت كل وحده تكتب اكثر ديره استانست فيها خل تففيدنا

 

[رفرف]

رد : سفره الصيف - اين المسير؟

انا بروح المانيا والنمسا ويمكن امر سويسرا .. وبقعد 3 اسابيع تقريبا ..

وبخلي بنتي هني والله يصبر قلبي ... والله قلبي معورني من الحين ..



وان سألتيني عن السفر انا مغبرة من تزوجت ماسافرت لظروف دوام ريلي ودراستي فحدي عتيجة ..

 

[Dancing^Queen]

رد : سفره الصيف - اين المسير؟

وفقه رفرف
عاد بالجريده كاتين ان اغلب وجهه الكويتيتن هالصيف اوربا بالااساس

 

[بنت العز]

رد : سفره الصيف - اين المسير؟

انا توني راده من امريكا و هولندا من السنه اللي طافت صارلي شهر بس من رديت

وريلي بيرجع بالصيف اهناك بس انا ماعتقد لأني بتوظف , يمكن اروح العمره بس, و

احلى مكان سافرتله من ناحيه الطبيعه طبعا النمسا (مرتفعات كابرون يم زلمسي لا

يعلى عليها و شلالات نياقرا و ماليزياا (لانقاوي) هذيلا التوب بالنسبه لي .

 

[q8i-grl]

رد : سفره الصيف - اين المسير؟

أنا بروح جنوب أفريقيا

 

[BaiTotia]

رد : سفره الصيف - اين المسير؟

أنا ماأدري وين بنروح
لأن عندي كورس صيفي
و أحلى دولة رحت لها النمساااااااااااااااااااااااا حبيبتي هالدولة تهبللللللللللللللللللللللللللللل
ماشاالله طبيعة و هدوووووووووووووووووووووووء
بس غالية شوي
وياريت أروح لها مرة ثانية لأنها صج روعة ماشاالله

 

[جوريه]

رد : سفره الصيف - اين المسير؟

شوقتووونا على السفر جنه الاوادم خافوا من شررق اسيا اسعار رحلاتهم صارت بالارض كلشششش

اللي عندها صور لالمانيا تورينا خل نشييييييييش

 

[Dancing^Queen]

رد : سفره الصيف - اين المسير؟

هالسنه اغلب الكويتين بيروحون المانيا تدرون؟؟؟




كويتي غيرل
تروحين وتردين بالسلامه متا السفره انشالله؟

بنت العز اهلين وسهلين من زمان ماشفناج
والحمدالله علي السلامه وانشالله تتوفقين بوظفيتج

جوجو وبيتوتيه
تقعدون وياي وانا قعد وياكم شرايكم؟؟


بنات ياريت كل وحده تقول لنا اي سفريات وبجم؟

 

[keeka]

رد : سفره الصيف - اين المسير؟

والله ان شاء الله اذا الله سهل اوروبا بس لما الحين ما قررنا كل يوم انقول مكان بس ودي اروح اسبانيا ولا البرتغال واحلى مكان رحته كان فلوريدا ديزني لاند

 

[مُناي]

رد : سفره الصيف - اين المسير؟

والله ماسافرت كلششششش ملششششش


أخاف من الطياره

 

[السفيرة عزيزة]

رد : سفره الصيف - اين المسير؟

اهئ اهئ اهئ


ودي اسافر

بس مسوين على حظر تجول

و منع سفر اجباري


اهئ اهئ

ابي اسافر يا ناس يا هووووووووووووووووووووووووووووو

 

[ebleeesah]

رد : سفره الصيف - اين المسير؟

انا ريلي بخاطره استراليا .. بس قاعده اقول له الواحد يا انه يسافر راهي يا انه ينثبر بالديره

يقول مو لازم متشرى منتي ميته اذا ما شريتي .. و اشتري على حدود اللي معاج
و ماودي تقلب هوشه لانه اذا عصب بيقول بروح دبي .. و اهو اول وتالي معزم على دبي مع ربعه لا بارك الله بربعه اللي لوعوا جبدي لانه معزوم على عرس هناك

 

[سمسميه]

رد : سفره الصيف - اين المسير؟

خوش موضوع كوين بس يعور القلب ويحرمص الخاطر!!

انا السنه بروح بعد جم يوم دبي وما اعتقد وراي سفره ثانيه لظروف دوام ريلي السنه القهريه!!

اما من ناحية الدول الي رحت لها واستانست فيها:
باريس ولندن: وناسهو تسوق
هولندا و بلغاريا:ما عجبوني بس الجو حلو
مصر:اموووووووووووووووووووووت عليها
تركيا وماليزيا:تصلح للعوايل والياهال
لبنان:حلوه بس السنه كلها تفجيرات
قبرص:ما شفت فيها الا البحر يعني ما تصلح حق متحجبات

 

[Dancing^Queen]

رد : سفره الصيف - اين المسير؟

ابليسه
قوليله يالله استراليا علشان ينسا دبي ولي صارت الصجه يصير خير
حولي الجبهه


زوزو
معوضه انشالله


سوسو

دبي حلوه وونيسه ومافيها شي

 

[keeka]

رد : سفره الصيف - اين المسير؟

محد عنده خبره في اسبانيا ولا البرتغال

 

[ebleeesah]

رد : سفره الصيف - اين المسير؟

يا دودو الحين المشكله امس و احنا طالعين يقول لي هاااا وين عزمتي .. قلت له كيفك المهم معاك (((يعني مره سنعه)))


شان يقول اي و و شلون على دلالي (بنتي) طبعا بدون مقدمات شان اقول له روح انت و بنتك .. و اذا رديتوا سولفوا لي عن سفرتكم

 

[fulla]

رد : سفره الصيف - اين المسير؟

انا ريلي يحن علي انروح ايران
لاانا ولا اهو رحنالها من قبل والله يستر من هالروحه
لانا مانعرف انتحجا ومادري اشلون بانتفاهم معاهم

 

[طوق البنفسج]

رد : سفره الصيف - اين المسير؟

يسلموو كوين على الموضوع اتحسين صج يا الصيف انا ما اعتقد بسافر السنه الان العام مسافره و احلى الدول الي رحنالها تقريبا قبل سنتين رحنا المانيا و النمسا و البرتغال صج استانسنا و العام تااااااايلند و ماليزيا بس ماليزيا كلش ما عجبتني تايلند وايد احلى و اونس وماشفنا من الوصاخه الي الاوادم يتكلمون عنها شي الحمدالله


كيكه البرتغال عجيبه و سوقها اينن كله العاصمه لشبونه مافيها الا الاسواق بس و باجي المناطق اذا تبتطلعين لازم طياره مو اقل من ساعه ونص ساعتين احنا لما رحنا كنا مخططين بس المانيا ميونخ بعدين طلعنا منها على النمسا بقطار وبطريج وقفنا في سالزبورغ و زلمزي و بنمسا يم فندقنا كان في مكتب سفريات مسوي عرض حق البرتغال اسبوع فرحنا بس السوق مو طبيعي و السنه الي وراها راح عمي بس اهو راح ايطاليا و البرتغال و راح منطقه اسمها بورتوو و يمدحها ابوي وده انروح البرتغال مره ثانيه و ترا اهي تعتبر الرخيصه بالنسبه حق اوروبا مع انها تتعامل بايورو و هم رحت اسبانيا بس من زمان الي اذكره انها حر و رطووبه جنها جو الكويت بس البرتغال احنا رحنا على اخر 8 اول 9 الجو اينن و غيم و مطر وترى ما يعرفون العرب يطالعونج جنج يايه من المريخ و اليهال اشكره يلحقونج و يبحلقون بويهج ولي قلتي عرب قالوا السعوديه بن لادن و بترول ادري قرقت عليج وايد بس اذا تبين اي استفسار بعد عن البرتغال او اي ديره ثانيه حاضرين

 

[أغلى حبيبه]

رد : سفره الصيف - اين المسير؟

ريلي يقولي ماليزيا وتايلند وانا ودي باوربا

يقولي ايبلج جم عرض وانتي اختاري
وبنتي الصغيره معاي مااقدر اخليها واروح

والله يستر ماتكون اخرتي دبي مثل كل سنه

 

[أوركيد]

رد : سفره الصيف - اين المسير؟

ان شاالله السنة ناويين على لندن ....والله على كثر ما اروح لها ما اتملل...

سوقتها تينن..الجو ..المكان ...فوق هذا خلاص تعودوا علينا الانجليز ,,مايستنكرون العرب ولا الحجاب

هم لندن حلوة لليهال..يستانسون فيها.

ان شاالله..