ســـؤآل الـولاده بالـشـهر الـثـامن ؟؟؟؟؟

[بيت التوت]

السلام عليكم ورحمةالله وبركاته


بنات انا بالاسبوع الـ 34 :ggdw:الله يسهل علي وعليكم ياااارب

أولت أمس بعد الجماع نزل مني دم لونه وردي واستمر من الفير لثاني يوم المغرب عقبها صار لونه بيج واليوم اختفي
زين ليش نزل الدم .. ؟
وهل هذي علامة ولاده .. ؟ اللي خلاني اشك ان لونه وردي مو بني
واذا ولدت هالشهر ايحطون البيبي بالحضانه .. ؟:eh_s(2):
خاااااايفه اولد ويطلع مو مكتمل
عفيه طمنوني بنات :eh_s(16):

 

[مس استي لودر]

ليش حبيبتي خايفه انج تولدين اذا على الدم الوردي شي عادي بس ما يكون معاج طلق

 

[((غلاي))]

روحي الدكتوره احسن
الله يسهل عليج يارب

 

[adore.life]

هلا بيت التوت
ان شاء الله ماكو الا العافيه
بس لا تحاتين وايد أنا ولدت بجري بنص الثامن
الحمدالله الحين ما فيه الا العافيه
بس قعد بالحضانه 12
لين كمل التاسع

 

[virgo88]

لا تحاتين حبيبتي والله يسهل عليج يارب

 

[@ام يوسف@]

الله يتمم عليج وتولدين بالتاسع

 

[sosowaty]

والله مادري و عسالله يتمم عليج يارب

 

[ورودالربيع]

السلام عليكم اذا انتي متأكدة انج بالاسبوع 34فأنتي مو بالثامن انتي بالاسبوع الثاني من التاسع

 

[ورودالربيع]

اذا كانت حركت الجنين طبيعية لاتروحين للطبيب لين تحسين بآلام الطلق انا بواحد من عيالي نزل معاي دم وكان معاي ألم بس خفيف ولما رحت للطبيب قالي مفتوحة 2 سم و روحي للبيت وذا زادت الآلام تعالي والله وكيلج ما زادت الا بعد اسبوعين وولدت بعد اسبوعين من نزول الدم -حبيت افيدج من تجربتي والله يسهل عليج

 

[بيت التوت]

مشكورين بنات لاخلا ولاعدم

اووووووومبي ادورا لا مابي حضانه الله يستر

ورود وعليكم السلام لا 34 بالثامن شوفي توقيعي جااااان زين بالتاسع
والله خواتي حنو علي يبوني اروح بس مارضيت قلت مو حاسه بطلق الالم العادي معاي
يمكن اتكون تجاديم طلق
اللي خلاني استغرب لونه وردي مادري عاد

 

[روح الأحزان]

حبيبتي يمكن هالشي عادي اذا في عوار ماتتحملينه روحي بس اذا لأ ليش تعرضين نقسج حق فحص

 

[دلووعة أهلهاا]

لا روحي الدكتور انا نزل معاي دم وماكان
معاي طلوق ابد طلع رحمي مفتوح وحطولي طبق صناعي واذا ع البيبي اذا فوق الكيلوين ماينحط بالحضانه اختي ولدت بالثامن وبنتها طلعت معاها

 

[دلووعة أهلهاا]

طبق=طلق >>جوعانه 

 

[ام اغلى الناس]

ماتشوفين شر
روحي تطمني سوي سونار
فيه ناس تجيها ولاده من غير طلق
انا نزل علي دم بني بالسابع نوموني يقولون معاج طلق بس الرحم مسكر
عطوني ابره توقف الطلق

 

[يارب احفظ عيالي]

توته هذي شغله ماينسكت عنها لازم تراجعين دكتورتج ماتدرين شللي قاعد ايصير

الله يكتب لج اللي فيه الخير يالغاليه ويفرحج بشوفة ضناج بصحه وعافيه

 

[om attami]

الله يتمملج على خير

ونشالله ماكو الا العافيه

بس روحي جيكي احسن

 

[بيت التوت]

روح الاحزان

دلوعة اهلها

ام اغلي الناس

ام فصولي

مشكورين قباتي ماقصرتوا
الالم مستمر معااااااي للحين بس مو منتظم
والدم وقف
وباجر مراجعتي
والله يهون علينا كلنا يارب

 

[بيت التوت]

الله يتمملج على خير

ونشالله ماكو الا العافيه

بس روحي جيكي احسن

الله يجزاج خير

 

[ام فوااز]

حبيبتي وقفي جماع لين توصلوا الاسبوع 36
وان شالله تولدين بالتاسع والله يسهل امورج

 

[بيت التوت]

ام فواز هذا اللي صار
والله يكون بالعون
مشكوره قلبي