ســـآعدوني محتآجتكم...

[اهواكـ]

السلام عليكم مبروك عليكم الشهر ..
شخباركم جميعآ انا شفت المنتدى الجمييل وعجبني ترابطكم ببعض وحبييت انكم تسآعدوني مآلي غيركم بعد الله..
آحس وآنا آكتب دموعي ب حلقي آنا مملكة زوجي بآرد جدا مآآحس ب آهتمامه مثلا وغير كذا آنا جوعآآنه اذا رحت مطعم معه شنو طبقيين بس ولو مااكلت شنو يقولي خلاص اقوله ايوه يقول يلا طيب قول مآآكلتي شيء مآآحس يحتوني ب حنآنه مآآحس كآني مخطوبه مكالمتنا لا تتعدى الدقيقه ويفضل يكلمني ب المسن آكثر من يدق يتطمن علي مايدق يسئل عن آخباري الانآدرا جدا اهو خجول حآبه يتكلم عن حياتنا مستقبلا طموحتنا هو بطبعه كذا صامت زواجي قريب وآنا مو مقتنعه فييه ك زووجي واذا طلبت الانفصال منه اهو قريب لي طيب سآعدوني طيب كيف يحتويني اكثر كيف اذا احتجته اتكلم معه ...

ســــآعدوني :eh_s(16)::eh_s(11):آذآ عندكم حل للمشكله

 

[Freakya]

أنا مو شايفة ان فيه مشكلة

انتي بنفسج قلتي انه خجول

و سالفة المطعم بعد انتي قلتي ايه تبينه يدش مخج و يعرف اذا انتي يوعانه ولا لأ ؟؟

 

[زوجة عزيز]

الف مبروك الملجه وواضح انه خجول انتي ابتدي تكلمي معاه مافيها شي فتحي له المواضيع اللي حابه تناقشينها معاه والله يوفقج

 

[.،:"$الـعـوبــــة$":،.]

شوفي بالنسبه لي انا مااشوف اي مشكله عادي !


هو خجول وانتي حساسه هذي المشكله !

بس لأني اعرف وحده متزوجة من تقريبا 20 سنه !!

للحين هذي مشكلتها وهذي سالفتها ؟!

زوجها مو مقصر عليها باي شي ،،

الا من ناحية الكلام !؟

على قولتها مو رومانسي !؟:eh_s(4):

فمو عارفه صراحه شالحل ؟

بس حاولي تكلمينه ، بيني له انك تشتاقين لاتصالاته ؟ فقدتيه ؟ تستانسين اذا حسيتي باهتمامه !

يمكن على الله !!​

 

[ELFAD3Ah]

انتي على قولتج خجول صبري عليه شوي لين ياخذ عليج وبعدين قرري

 

[عسل سل]

مثل ماقالو مع الوقت ياخذ عالوضع ويتعود عليج ويطيح الميانه
وانتي بنفسج قلتيها خجوووووول وهذا شي زين
كلميه عادي بس ترا الوضع طبيعي كل انسان وله شخصيته حطي ورقه وقلم وقولي خجول ..احسن من واحد جريء وكل شي عادي عند الجراه ينخاف منها اذا تبين الصج
حطي ايجابياته وشوفي سلبياااته وقارني بينه وبين صفات ناس موزينيين راح تشوفين انه احسن
واذا مومرتاحه منه صلي استخاااره اكثر من مرررره واذا تبين شي حياتي دزيلي علخااص
والله يوفقج يااارب

 

[خالف تعرف]

لمن تعيشين معاه بتقدرين تلفينه على كيفج ان شالله

 

[Tulips]

باجر ان شالله يتعود عليج وانتي تتعودين عليه اكثر

عطيه وقت

 

[FeShinGoOo]

في ناس طبعهم جذي جافين ومايعرفون يعبرون بالكلام وبالفعل بس قلوبهم تكون بيضه ونظيفه لكن الخجل يمنعهم من التعبير او بالاصح اهم ماعندهم اسولب بالتعبير

 

[كـ غلا ــلي]

عادي حبيتي الصمت ولا قله الحجي الحلو ولا انعدامه هاذي علامه تجاريه للخليجي لو مصري ولا لبناني

بيدلع ويقول ويحجي فانا ما اشوفها مشكله بزوجج المشكله فينا احنا يا الحريم اللي نشوفه اب هالافلام والمسلسلات

التركيه ولا المصريه عبالنا بصير لنا ونظل راسمين صوره ورديه حق زوج المستقبل وانه لازم يصيريقولي مثل ما بطله

الفلم قالها ونحط توقعات خياليه ومن نطب نتزوج نلقا الواقع مغاير لاحلامنا واللي رسمناه واحنا بنات فاهنيه يصير

الصراع ونشكي ونقول اهوا ما يعبرني بكلمه اهوا مو رمانسي واهوا..واهوا والسبب تدرين شنو ما عنده احد يوجههنا

ويقول لنا يا يمه ترا الاحلام شي والزواج شي ثاني الزواج مسؤليه للمره والريال مو مثل ما تصوره الافلام رومانسيات

وكلام اهوا طبعا الزواج في جذي بس الغالب المسؤولياااات فحالتج جدا عايه انتي بس عيشي الواقع وتأقلمي عليه

وسالفه المطعم ما فيهمتها بس اهم شي لا يكون بخيل ترا الطبع هاذا ما يتغير لو شنو

 

[متى افرح]

لاتستعجلين على رزقك حبيبتي بتعيشين معااه وبيطيح الخجل منة

 

[أم توتو]

بالعكس احسن مايجيج واحد متفتح ويثرثر على الفاضي وينتقدج على الطالعه والنازله لاتزوجتي خلاص الخجل كله بيروح بس صبري والله يوفقج

 

[مارشميلو..]

اووووف نفس حالتي بس الفرق اني متزوجه من سنتين وزوجي مو خجول بس كذا طبعه جاااااااف
في محاولات وتغغير شوي بس بوجه عام مايقول لي كلام حلو ولا شي
حاولي انتي تعلمينه في رياجيل يبون وحده تعلمهم ويتغيرون يمكن زوجك منهم
والله يوفقك

 

[•Brown•Sugar•]

شي طبيعي اول الزواج يصير فيه خجل بمواضيع وايد
مثلا الاكل - الدوره الشهريه - الامور الجنسيه
وحتى لو كنتي مضطره تدخلين الحمام وانتي معاه
يصير فيه نوع من الحياا شلون تفتحين الموضوع
بس مع الوقت بتتعودين واهو بيتعود
كل البنات يمرون بنفس التجربه لاتحاتين

 

[يا كويتنا]

حاولي تتقربين منه


لا تزعلين عشان هالشغلات اللي هي اصلا خارجه عن ارادته هذا طبع ويبيله فتره علا ما يتغير



وموفجه يا قلبي

 

[al-musk]

الصبر زين وهو شوي شوي راح يتعلق فيج وعلى طبعج وانتي لاتستحين عوديه على طبعج وطلبي الي تبينه بذوق واسلوب