ســاعــدوني شــالحل !!

[Last !i Queen]

السـلام عليـكم


ولله ماني عارفه من وين ابتدي بالموضوع بس بنات انا عمري 17 سنه ويعني للحين ماعشت حياتي بس لما اشوف الناس بره والدنيا شصاير فيها اتحسر ع عمري و ودي الحق قبل ما ايي وقت الندم والحسره


بقـولكم .. انا بخـاطري اتـدين يـعني اتــغـطى من فـوق لي تـحت واروح نـدوات ومـحاضرات و مــن هالــسوالف هذي حيل حيل بـخاطري لان ادري محد راح ينـفعـني لـي مــت بـس مـحد قـاعـد يشـجعــني امـي و أخـتي الـكبيره يـقولون لـي " معـقده " وهالـكلمه وربي تجـرحني مع إن واثـقه ان كلامـي صح ومـنطقـي اذكر مره قـلت حق اخـتي قاعـده تـاكلين حرام تسـولفيـن عالأكــل تـقولي صــج إنـج مـعقــده حــتى وربــي كــل مـا ايــب لـهم طــاري الـحجــاب يضـحكــون واخــتي تقـولي مومـتخيلـه شكلـج بالـحجاب عـاد ويـع شـوفي شكلـج راح يضـحك مـع الـعلم اهيـا متـحجـبه وأمي مصليـه ومسـميه وحـاجه وخايفــه ربـها بس مـو قـاعدين يشـجعـوني ع شــي مع إن الـشي بـداخـلي ومـوعـارفــه شســوي خـايفـه اســوي إللـي بخـاطري ويـلومـوني بـعدين واتـحســف ​

 

[طموحه بزياده]

كاج قلتيها منو بينفعج لي متي؟

مرح ينفع الا عملج الصالح وحجابج وتسترج

انتي كل شي سويه بالتدريج واول شي سويه ألبسي لبس محتشم وتحجبي ترا امبيه عمرج 17 مو متحجبه؟ من صجج لا الحقي على عمرج وتحجبي لان كل شعره يشوفها رجل مو محرم لج تاخذين عليها سيئه ...وانتي ليش خايفه من انهم يلومونج وتتحسفين وتندمين؟ ليش انتي مو قلتي انج واثقه ان كلامج هو الصح ومنطقي لانه يرضا الله وانه اهوا اللي امرنا في الله ورسوله؟


اختج هذي اللي تضحك وتطنز ما ردها بتتعود عليج وعلى لبسج وحجابج الجديد يعني كلها فتره مؤقته وبعدها الكل بيتعود عليج وينسون ردودهم لج

بس انتي الله يهداج جام عقلج كبير وتفكيرج منطقي شلي مانعج؟


توكلي على الله وتحجبي وتديني وروح ندوات دينيه وترا بترتاحين نفسيا كل ما قربتي من ربج وشكو معقده؟ اسمحيلي اللي يقولج معقده ما عنده سالفه الحين هذا الدين اللي نزل من فوق سبع سماوات جا عشان يخلي الناس معقدين اصلا التدين ما منع السعادة كل شي بأعتدال


وموفقه

 

[Last !i Queen]

رد : ســاعــدوني شــالحل !!

يــاحـبيبـتي ولله تـسلــمين ريــحـتـيني بــكلامـج الـحلو اللـه يـريـحج دنيــا وآخــره ~

 

[لحظآتَ]

رد : ســاعــدوني شــالحل !!

مرحبـآ
حبيبتي أنتي..~ ماشاء الله عليج
فيج بذره خير وربي طالمـآ ودج تتطورين للافضلَ فـأنـآ أشدَ على يدج عسى الله يهديج ويصلحجَ..



/

بس لي تعقيب..َ
يعني { الرفق ماكـآن في شيء الا زآنـه .. } ..
واذا أختج مثلا تـتكلم ع الاأكل..ً حـآولي تنصحينهـآ بطريقه حلوهـ
مثلا قولي لهـآ { لآ كلآم على الطعـآم ^_* / أو نبهيهـآ لآضرار الكلآمَ على الطعـآم او انها ممكن تغصَ او غيرهـْ

لآن فيه ناس مايحبون كلمه حرآم حرآم .. يحسونهـآ شغله تنفـّر..!
فالوآحد يدخل من مدآخل ثانيه من باب النصح فاهمه علي..!

/

بخصوص الحجـآبَ .. بالعكس حبيبتي هذا ماله علاقه بالشكل ولا له علاقه براي فلانه وعلآنه..!
هذا شرع وأمر ربي..!
يعني نسويه بدون تفكير بمدى تقبّل الناس لـه ..
اعطيج مثـآلَ..!
مثلا ابلة الالعاب الحين طلبت منج تطآمرين وتناقزين تسوين حركه وعليها 10 درجـآت..!
فيها سقوط ونجـآح ..!
والحركه هذي تضحك تخلي الوحده جنها قرده مكرم السامع ^_&
بتقولين وااي انا بصير قرده وشكلي يضحك وماراح اطامر واناقز!!
لا مستحيييييييل بتسوينها عشان الـ 10 درجـآت صح..!!
"

فمـآ بالج عاد بأمر ربـآني ..!!!!!
وفرض على كل مسلمـه.!!!
تعوذي من ابليس ولا تترددين ابد بهالخطوه الحلوهـ
والله يهديج ويهدينا وياج اجمعين يارب!

 

[شذى الحب]

الله يوفقج

 

[ToOja-_-]

و الله يا حياتي ما رااح ينفعج احد لا امج و لا اخت لي يا وقت الحساب و الموت
انا اقوولج مالج شغل في حجي الناس و الناس ماراح تنفعج
و خلي عندج ثقه بنفسج و عسى ربي يوفقج و يحفظج و يصلحج

ــــــــــــــــــــــــــــــــــــــــــــــــــــــــــــــــــــــــــ

ASK ME >>>> http://www.formspring.me/HzYoOon

 

[أميره الدوسري]

رد : ســاعــدوني شــالحل !!

الله يثبتك ع طآعته


والله بترتآحين ومآ رآح تندمين

 

[النصيف]

رد : ســاعــدوني شــالحل !!

حبيبتي لا تترددين تحجبي وشوفي الراحه النفسيه للي بتحصلينها ,ابليس قاعد يخوفج يبيج ماتتحجبين ,
ونصيحه اي شي فيه صلاح لدينج وحياتج لاتستشيرين فيه احد ,والله يسترج دنيا وآخره

 

[حياتي فراغ]

رد : ســاعــدوني شــالحل !!

سوي كل شي بالتدريج
واهم بيتقبلون
يعني اول شي
ابدي انج لما تطلعين بدون مكياج
لاتحفين الحاجب
قصي اظافرج
كثري قراية قرآن و دخلي دورات حفظ القرآن
لبسي دسوس و دلاغ عشان يبدي الستر جذي
بعدها عباة راس
و بعدها تغطي

و جذي ماراح يقولون شي
لأنج تدرجتي


وموفقه يارب و الله يهنيج على تفكيرج
ويثبتج على طاعته يارب

 

[nurseya]

رد : ســاعــدوني شــالحل !!

اذا بتتحجبين مالج شغل بأحد
اهم شي الصلاة و الحجاب
و الندوات مو الا ،، تقدرين تشوفين بيووتيووب ولا اي قناة
عادي ترا بسيط الموضوع
بس لازم انتي تخطين الخطوة الاولا و تتحجبين
موفقه حبووووبه