سـر الـسعــادهـ الـزوجـيــه

[داعيه إلى الله]

السلام عليكم ورحمة الله وبركاته

ياأخواتي ما أحب ان ابدأ بمقدمه اطول مني
وفي هذه المره راح اتكلم معاكم بالعاميه
اكثر من لغة العرب (( الفصحه ))
لاني ارى الاقبال عليها اكثر من الاخرى.

الي خلاني اكتب هالموضوع كثرت الشكوى من الزوج , ومن الحياه معاه , انه قاسي , خاين , جذاب
مومعطيني حقوقي , غامض , خجول , مادي , بخيل , كثير التذمر , و و و و .. إلخ

حبايبي عندي لكم سر يخلي ازواجكم مايقدرون يستغنون عنكم بعد الله ويتمنون رضاكم ومايشوفون غيركم احد
بس لازم نحطهم على نار هاديه الدنيا ماتجي بيوم وليله حتى الطبخه يبي لها مقادير وتبدأ بالتدريج لوحطيتي كل شي على بعض خربت او طعمها ماطلع كلش
<---- ياحبها لطبخ اول ماوصفت وصفت طبخه ومقادير
طيب شنو هي المقادير

اولاً : تدرون اول شيء نبدأ فيه هو تنضيف بيتنا
(( ما اقصد نظافه ترتيبه او تنظيف لا اكيد ولله الحمد كلكم ماينقصكم هذا ))
انا اقصد نضافتها من الشياطين الي تجمعت في بيوتنا الله المستعان وكانت سبب في مشاكلنا وامراضنا وتعبنا الجسدي من اشغال المنزل والكسل والنوم الذي لايوجد له سبب وثقل في ترتيب البيت
والنفور بين الزوجين , انتي تدرين ان العيون حق والحسد والسحر موجود فإذا صكوج عين ماراح يقصرون إلي عندج لانه متروس منهم ماراح يجيج المس من بعيد لا متواجدين في هالبيت إلي كثرت فيه القنوات والاغاني ,
المطلوب هو قرائة سورة البقره كل 3 ايام لان البيت إلي تقرأ فيه سورة البقره لا يقربه شيطان لمدة 3 ايام وإن سورة البقره لاتستطيعها البطله اي السحره وأخذها بركه وتركها حسره .
يتبع
​

 

[داعيه إلى الله]

وعدنا لنكمل الموضوع وعلى فكره
ما احب اقطع الموضوع بس غصبن عني لان الموضوع وكل موضوع لازم توافق عليه الاداره وهذا إلي خلاني انطره علشان اكمل بنفس الصفحه .

المهم نرجع لمحور حديثنا :

بعد مانظفنا البيت من الشياطين الان نبدأ المهمه
الان أتى دورك بالدعاء لتسخير زوجكِ لك يا أخوات أقسم بالله العظيم إن الدعاء له مفعول قوي بإذن الله

دائماً كرري هذا الدعاء طبعاً قبله لابد من ترك ماحرم الله والتقرب له ومدح الله سبحانه ومناداته بأسمائه الحسنى
وأهمها ياأرحم الراحمين كرريها 3 قبل الدعاء
(( اللهم اجعلني اجمل نساء العالم في عين زوجي اللهم اجعل بيننا موده ورحمه اللهم إكفنا بحلالك عن حرامك اللهم اجعل بيتنا أهل بيتٍ صالحين اللهم اجعل زوجي قرة عينٍ لي وإجعلني قرة عينٍ له اللهم جمل عيوبي بعينه اللهم من اراد لنا سوءاً فرد كيده في نحره اللهم إجعلنا من عبادك الصالحين اللهم كره زوجي بالحرام وأكفيه بالحلال عن حرامك
وأستودعك بيتي وأبنائي ونفسي من أي ضرر اللهم إني استودعك زوجي وبصره وفرجه من الحرام ومن كل مكروه , اللهم إنك تعلم ولا نعلم وأنت علام الغيوب اللهم إن كنت تعلم إن شخص فينا مضرور من العين او الحسد او السحر ففرج علينا
يا أرحم الراحمين وشافنا واجعل ما أصابنا رفع بالدرجات عندك وزيادة قربه لك )) ومن بعدها الصلاة على النبي اللهم صلي وسلم عليه .

ومن بعد الدعاء يأتي العمل :
1- عزيزتي بطبع الرجل يحب المرأه الناعمه ( الانثى ) النظيفه في نفسها وبيتها وأطفالها وزوجها وحتى الاماكن الحساسه تكون نظيفه ولا يخرج منها غير الريح الطيبه .

2- إذا كان زوجك من الشخصيات الذي لايبالي
مثال : تأخير عن البيت وإذا اتى للبيت تلقينه شاغل نفسه بالتلفون او يجي تعبان يبي ينام او يبي يتابع التلفزيون او او ... إلخ
اتركيه براحته لاتقابلينه بهوشه وتقولين له
(( انت طول اليوم برا ولما دش ماتعطيني وجه شنو انا عندك حتى مومعبرني ))

لا غلط وأكبر غلط
خليه على كيفه وانتي في هذي اللحظه تكوني في قمة الكشخه وخاصه مايحب زووج من اللبس وأهم شيء لاتسألين زوجج ابدأ شرايك في اللبس او تنطرين منه هو يتكلم خليج واثقه من نفسج حتى لو كنتي بطه
الزوج يروح يجي بكيفه المهم ماتفترين عن الدعاء واللبس والأناقه أبداً واذا طلع زوجج من البيت ورجع حتى لو ساعتين بس غيري اللبس وغيري طريقة شعرج ولاتنطرين منه مدح أبداً لاتخلين زوجج يشوفج مثل ماكنتي عليه قبل لايطلع وإذا قعدتي
بالصاله إقعدي جدامه مو تسدين عليه التلفزيون لا يعني على جنب بس اهم شي تكونين جدامه وانتي لابسه لبس مغري اشغلي نفسج بأي شي مثل قرائة كتاب او على بو إنج تتفرجين معاه بالتلفزيون وتكونين مندمجه معاه حتى لو مالج خلق للي يشوفه بس اهم شيء لا تطالعين فيه وسوي حركات برائه وإغراء مثال حركي ايدج بشعرج (( موتجرينه يقول شفيها موصاحيه لا حركه ناعمه إلعبي بشعرج )) وأهم شيء لاتشغلين نفسج بهالوقت بتلفون إلا إذا مكالمه سريعه
حطي لج إنتي وياه حركات لسهره تاكلون منها مثال مكسرات او أو أو ...
ولا تسألينه اجيب لك معاي ولا لأ , اسكتي وروحي جيبي لج إنتي وياه وحطيه جدامه وإكلي إنتي منها ولاتنطرينه يمد إيده ابداً إذا مدها خير
وإذا لا لاتغصبينه كلش .

3- في بعض الرجاجيل يحبون المرأه تتحرش فيهم إنتي تعلمين زوجج من أي فصيله إذا كان من هالفصيله
إنتي تحرشي فيه لكن مو أول يوم ولا ثاني يوم من هالبرنامج .

4- إذا كان زوجج كلش مايقعد معاج عند التفزيون سوي مثل البرنامج وإكشخي ولما بيروح ينام روحي معاه الغرفه ونامي وإنتي كاشخه وأبدا لاتبينين له إنج تنطرين منه شي لانه راح يستغرب بعد فتره وهو راح يتقرب منج بس الاهم لاتفترين من الدعاء والتقرب إلى الله وتكشخين على طول جدامه ولاتجادلينه أبداً أبداً وإذا جاب لج ضيوف لاتتهاوشين معاه او تبينين له إنج زعلانه لا رحبي بضيوفه حتى لو إنه مقصر هو معاج ولاتنسين إنج في جهاد في بيتج وحتى زينتج لزوجج لج أجر فيها ولاتنسين تحتسبين الاجر وإذا كان يسهر ولا يجي البيت إلا متأخر اكشخي ونامي على كشختج ولا تكلمينه ابد عن تأخيره وكوني هينه لينة الجانب لتبحر السفينه .

5- أسرار اهلج لاتطلع لزوجج أبداً ولا تتوقعين إن زوجج
بيكون كاتم أسرار لج لأن الدنيا دواره وربما يوم من الايام يعايرج بأهلج
ارفعي نفسج عنده ولاتبين له مشاكل اهلج كلش وأسرار زوجج لاتطلع وخاصه عند اهل زوجج او رفيجاتج لان العين حق .

6- وأخيراً :

مايصيب الانسان من وصب ولانصب إلا كفر الله عنه خطاياه
فربما إن كل مايصيبك هو إبتلاء من ربك فإذا كان إبتلاء فهنيئاً لكِ
لان كما تعلمين أكثر الابتلاء هم الانبياء ثم الصالحين ثم الامثل والامثل , والدنيا زائله ونحن فيها غرباء ومسافرين لدار الآخره
فهل حملتي الأمتعه من الاعمال الصالحه قبل فوات الاوان .

إن أصبت فهو فض من الله وإن أخطأت مني ومن الشيطان
استودعكم الله​

 

[ابدا يالغالي مانساك]

تسلمين حبيبتي وجزاااااج الله
خير علي الكلمات الاكثر من روعه

 

[ميمي..]

مشكوووره حبيبتي

 

[BeNt PaRiS]

مشكوره حبيبتي

 

[برازيلية^9]

حياتي اشكرج على موضوعج ماتقصرين والله كلامج ريحني واقنعني كنت بعز ضيقي
يجعلة ربي في ميزان حسناتج وبمشي عالبرنامج دعواتكم ان الله يسخرلي زوجي والله يسعد كل زوجين يارب

 

[iLLuMinaTion]

thanks

 

[حلا قطر]

مووووووووووضووووووع روووووووووعه
حنا احوج مايكووووون اليه في هذا الوقت اللي كثرت فيه المشاكل الزوجيه
اللخه يجزاااااج خير ويكتبه في ميزان حسناتج

 

[وردة الحياة]

جزاج الله الف خير

 

[لــوليتـــا^88]

الله يعطيج العافيه ع هالموضوع صراحه روعه وفي اشياء نعرفها بس غافلين عنها والله يسخر كل زوج حق زوجته ويبعد عنهم العين والمشاكل 

 

[q8rose]

تسلمين حبيبتي

 

[عروس فبراير]

مشكوره يالغاليه بميزان حسناتج إن شاءالله

 

[ام دليار]

جزاك الله خير موضوع مميز

 

[Om_Ksha]

الله يعطيج العااااااافيه

 

[انا لحبيبي .]

يعطيكي الف عافيه حبيبتي ، موضوعك جدا مفيد

 

[اعيش غير دنياي]

جزاج الله خير ياقلبي

 

[احساس السعوديه]

يعطيييييييييك الف عافية
وجعله بميزان حسناتك يارب
الله يوفقك ويسعدك
مشكورة عالموضوع

 

[قلوس وردي]

الله يجزاج خييير يا رب والله أني كنت متضايقه
وارتحت حيل من كلامج

 

[داعيه إلى الله]

اشكركم على المرور العطر والدعاء الذي يشرح الصدر بارك الرحمن فيكم

 

[عروسة خالد]

مشكورة وجزاج الله خير​