سـآلـفتـي مـع أبـوي اللي يـكـرهـنـي :) !

[NoNoSha Al-3oba]

السلام عليكم بنات
هذا ثالث موضوع انزله بـ هالقسم
انا نزلت الموضوع الاول قلت فيه كل شي , و قآلوا لي كلمي ابوج يمكن يحن عليكم
ثآني موضوع لما دقيت عليه بالعيد و صرفني

..

ذآك اليوم رحت عند ابوي ..
طبعاً مو اهوا اللي دق و قآل تعآلو
انا دقيت عليه و قلت له يبا تعال اخذنآ
اخذنا وودانا بيته
طبعاً اهوا هالمره كانت اول مره يشوفني من 13 سنة تقريباً !
سلم علي جنه احط غاصبه يسلم
اعرف الابو يحضن عياله شيء بعد هالفترة اهوا لآ
اوك عآدي
عديناها
رحنا بيتهم ماله سالفة غير وين رحتوا و من وين رديتوا
ولا يسال امكم الفلوس اللي احطها لكم تصرفها عليكم ولا وين توديها !
يعني بالعقل شآيف لبسي
مبين ان امي قاع تزييد اضعافهم 10 مرات عشان تعطينا كل اللي نبيه
خلي هذي نعدي
دق على مرته عشآن تييب اخواني الدرزن !
طبعاً لما دشوا اهوا قآم لهم و يحضنهم جنه قرن مو شآيفهم !
صآر الأبو الحنون
و يقول انا سويت لهم و حطيت و ماادري شنو !
يبي يحرنا يعني , و هيآط و صواريخ ماالحقها

الطآمة الكبرى : لمآ حطوا العشاء جان يقول لي قومي ييبي الصحون
و مرته موجوده !
تخيلوا بنته اول مره اشوفه من 13 سنة يآمر علي و بيته ماا ادل وين المطبخ
وعندهم خدامتين
و يآمر علي

تعشوا اهما و عيالهم و انا قعدت اطالع !
شيء غريب ولا همه اكلتي ما اكلتي بالطقاق
بس مرته آخر شي لما خلصوا اكلي و ماادري شنو و بالغصب !

و يقول لي عمآتج يبون يشوفونج
و انا عمتي شفتها بـ حفلة ألحقها بالغصب تعرفة علي
و بالغصب رضت تسلم
و لما ردنا البيت يقول انا و انا و انا و انا و لا تقطعون وماادري شنو
و انا احاجي بالواتس آب و يقرأ يكون Online
و اطرش مسجآت حآقرني

بنات اهوا و عماتي ما يحبونآ لأن عمآتي شيشوه
لانهم يكرهون امي
تكرهون امي انا شكو شذنبي ؟

والله شيء يقهر !
انا ماابي حلالك ولا شيء ليش جذي تعاملني ؟
والله ماادري شسوي
تخيلوا امتحاناتي يوم الاربعاء
و ما درست الا مادة وحده من القهر
ابجي صبح و ليل قهرني اهوا و عمآتي جني بايقه حلال ابوهم

بنآت شسوي ماابي اقطعه انقطع من رحمة ربي ؟
و اذا وصلته شوفوا شلون يعآملني ؟
​

 

[بزحمة أفكاري]

أعانك الله عليك بقيام اليل والاستغفار
​

 

[am faisal]

الاهل والوالدين من حظ الانسان فهو لا يختارهم مهمها ظلموة فلا بد ان يصبر عليهم شنسوى انت لست الوحيدة وهذا هو الحل الوحيد

 

[NEW WOMEN]

ربي يصبرج

 

[مسكته بحلاها~]

الله يعينج عليهم يآرب ويصبرج

واذا وصلتي حدج معاه قوليله انته ليش تعاملني

جذي أنا مو بنتك!!؟

ولا تقطعينه موزين اصبريوفي شنو أخرتها

 

[ϻʟǎƙ ཞǿ7ყ*]

الله يصبرج ياقلبي و درسسي لا تهملييين دراسسستج

وحايليييه دايم سولفي و ضحككككي و خلي لج جوج معاه عشان يحبج و يحب قعدتج ولا يقاطعج

صبري في البدايةة وربي بيفرجها علييييج

الله يوفقج و يشيل عنج ان شاآء الله

 

[الصبر مفتاح]

الله يصبرج
ناس تبي ابوها يرد لها واهو تحت التراب وناس تبي رحمة الابو بالدنيا

عسى الله يرحم ابوي ويهدي ابوج
تذكري حبيبتي لو شنو سوا لج هذا ابوج وجوده بالدنيا كلها
حتى لو شنو سوالج

الله يوفقج ويصبرقلبيج على مابلاج

 

[قــل مـا تـشـاء]

مالج الا تكلمينه وتسألينه تقولين له لييش يعاملج جذي
وانج انتي بنته حالج حال عياله من مرته الثانيه
واذا شفتيه كلللش مايعطيج وي قولي له انت ماتبي تشوفني .؟؟
يتروالي أحسن لج من هالعذاب إذا واصلتيه شفتي شلون يعاملج واذا قاطعتيه بعد مو عدله وحده تقاطع أبوها
الله يعييينج حبيبتي ويصبرج ويحنن قلبه عليج . , الله كريييم يمكن بعدين يتغير ,,

 

[غلا،،]

ربي يحنن قلبه عليج ..

 

[Eva-SS]

الله يحنن قلبه عليج

 

[غلا سعود ~]

شيء غريب فعلا ،
لا يصير احد مسوي له سحر ؟
ولا فيه ابو ما شاف بنته من ١٣ سنة ولا خمها ولاعطاها وجه
مطنشششش ><
الله يصبرك ^^

 

[تختوخه عسل]

الله يهديه ان شاء الله ادعي له بهدايه وهذا ابوج وما اقدر اعلق بشئ الا اني اطلب من الله انه يحنن قلبه عليج ويهديه ان شاء الله

 

[granted]

عادي حبيبتي والله لاتظايقين معروف الي بعيد عن العين بعيد عن القلب
وغير جذي اهو ريال يعني يترجم مشاعره بالفلوس مو بالتلملم وهالسوالف
والله يااختي الابوان يختلفون فيه الي حنوووون بس وقت الصجيه ماتلقينه
وفيه الي قلبه جاسي بس بالمشاكل اتحسين انه وراج عزوه وهالشي ماتعرفينه الا لمن اتزوجين
أنا اتوقع انه على باله انج تبين فلوس او يظن انج طلعتي عقب هالسنين بتعرفين شعنده ماعنده



نصيحتي خلج واصله ولاتطولين عندهم يعني ساعه جذي وطلعي ولاتنطرين منه حنيه ولاهالسوالف انتي قاعدة ترضين ربج فلا تنتظرين مردود
ولا تحطين آمال عريضه عليه
سوي الي عليج وربح بيفرجها
واهم شي لاتتعب نفسيتج من هالسالفه اهم شي مستقبلج بأجر يتطلعين شي يرفع الراس تالي كلهم يدورونج ويتفاخرون فيج
ولاتحطين أبالج كلام الناس انه شلووون الابو يسوي جذي وهالسوالف اصابع ايدج موسوا وكل ابو له طريقته واسلوبه وموشرط الاسلوب واحد
أنا اشوف ان مقابلته لج متوقعه لان مو اهو الي دور عليج انتي الي رحتيله فطبيعي بيفكر بدوافعج ويكون شكاك بالبدايه تالي بيتغير صدقيني

 

[Tom ♥ Jerry]

,



حسبي الله و نعم الوكيل !

شنو هالقلب الي على البشر الي يخلي الناس تكرهه الابو بعياله ّ
و الله حرآم عليهم و الله رآح يحاسبهم ..

قولي حسبي الله و نعم الوكيل
و عليج بالصبر و الدعاء يا قلبي ..

الله يفرج همكم يارب

 

[اميره1980]

لا تستغربين حبيبتي من استقباله لج لان في ناس يا يمين او يسار
تلاقينه يا بيتصرف وياج بحدود و حذر او ان يلمج و يبوسج و هالخيار الثاني نادر ما يصير و قليل لان مو شايفج من زمان و بتفكيره ان انتي غريبة عنه حتى لو بنته

لا تقاطعينه و قوي علاقتج وياه
و ان شاء الله ربي يحنن قلبه و شوي شوي بتحسين بالتغيير ان شاء الله
لا تحكمين عليه من اول مره و مهما كان ابوج هذا واقع و لازم تتقبلينه

 

[بـربـوشـآ]

البنآت ما قصروآ ..


الله يعينج بسسس ..

 

[اخت خالتهم]

لا حـول ولا قـوة إلا بالله
حبيبتـي مهمـا كان هـذا أبـوج و مبين قـاصين عليه
لو إن أهو بروحه ما يحبج على قولتج جان عمتج عبرتج
بس اهو مشيش .. و 13 سنة مو شوية والله

الله يعينج و خلج كلج يقين ان امج مو مقصره واهي الابو واهي الام واهي العمه
والله راح يعوضج بالاخره و بتصيرين احسن منا كلنـا

عسى ربي يهديج و يرضيج يارب

 

[معزوفة عشق&]

اصبري حبيبتي واحتسبي الاجر من رب العباد ..
ومافي اب بالدنيا كلها يككره عياله مستحيييييييل والا مايجي يوم وبيرجع لكم ..
انتي دايم ادعي ربي تالي الليل انه يحنن قلبه عليكم ودايم كرري يارب اجعل نظر والدي علينا نظرة بردا وسلام كما جعلت النار على ابراهيم نار بردا وسلام

 

[نور مغليها]

مادري يمكن الي اقوله غلط بس لو أنا كنت مكآنج بسسوي جذي اكييييد ..
إني ماروحَله ولا اكلمه ولا ارد عليه .. واذا إتصل ما أكلمه ..
إهوا بآين من كلآمه ومن حركآته ما يبيني او في اشيآءء اهم ..
خلآص عندي امي بعتبرهآ الام والابو والاخ والاخو واعيش ويآهآ بـ أحلى ايآم العمر ولا اخلي شي يكدرني
واهتم بدراستي وانجح لأن هالشي يسعد آمي ...
وبآلنسبه لأبووي : يعرف رقمي اذا عررف قدرري يلقآني ..
انتي ماقصرتي حآولتي انج تتواصلين ويآه وما تقطعينه وماتبين الشي الحرآم بس اهوا لاهي​

 

[سكتلز]

لاحول ولا قوة الا بالله الله يعينج ويحنن قلبهم عليكم .. واصلية ولاتقطعينة فقط باسم صلة الرحم عسى ربي يحنن قلبة ويغير احوالكم بالرغم انة قهر بس خليها على الله واهتمي لدراستج ولا تفكرين باحد من باعج بيعية برخيص اهم شي انتي سويتي الي عليج وووصلتي رحمج . الله يكون بعونكم