سعوديه فالكويت محتاجه للي تعرف سعوديه كانت او كويتيه

[مزون سالم]

السلام عليكم
ماادري مكان موضوعي هنا صح او لا
ابدخل في موضوعي انا سعوديه ومتزوجه كويتي وعايشه فالكويت وابي اتوظف شهادتي الثانويه من السعوديه صارلها 12سنه لازم اصدق شهادتي و شلون اصدقها وقالولي مايصير اتوظف بشهادتي اللي طايف عليها 12سنه لازم اعيد الثانويه فالكويت هل صحيح هالكلام واذا عدتها لازم ادخل كليه او شي عشان اصير مدرسه الله يخليكم محتاجه احد ينصحني لان مالي احد بالكويت وانتم ماتقصرون جزاكم الله خير

 

[مزون سالم]

استغفر الله العظيم الذي لاإله إلا هو الحي القيوم واتوب اليه

 

[مزون سالم]

61مشاهده ولا رد

 

[mr00m]

الكويتيات ع شهاده الثانوية العامه م يتوظفون ويقعدون سنتين واكثر ينتظرون
فمبالج انتي شهادتج طايف عليها 12 سنه

عيدي الثانوي مسائي وادخلي كليه التربيه اذا تبين مدرسه

موفقه ي رب

 

[t.o.o.ot]

حياك الله حبيبتي
مالك إلا تعيدين الثانوية سجلي منازل أو مسائي والله يوفقك

 

[مزيونة الخبر]

نفسي اختي صارلها بالكويت اربع سنين معاه ثانويه درست بالعربيه سنه ادارة لما كانت بسعودية قبل تزوج وبعدها تركت ولاهت عاد الحين تبي توظف ماعاد تبي دراسة وين تحصل مرات تفكر توظف بنيوهرايزان وخلااص توظف يصير او لاا

 

[زهريه بيضاء]

السلام عليكم
اختي ماراح احد يفيدك غير الملحق الثقافي السعودي الموجودين بالكويت هم يتكفلون الامور وان شاء الله خير دقي عالبداله واطلبي رقمهم

 

[مزون سالم]

حبيبتيmroom

جزاك الله خير ماقصرتي

 

[مزون سالم]

حبيبتي tooot
الله يجعله في ميزان حسناتك

 

[مزون سالم]

مزيونة الخبر
الله يوفقك ويوفق اختك

 

[مزون سالم]

زهريه بيضاء
الله يوفقك دنيا واخره على هالرد بس كم رقم البداله مااعرفه

 

[مزون سالم]

بعد اذا فيه احد عنده معلومه ونصيحه الله يوفقها تقول

 

[جذابه بنت ذيابه]

روحي وزارة التربيه واسالي بنفسسج

 

[غـلآوي ّ ~]

لآتسمعين كلآم البنآت لأنه ولا وحده متأكده روحي أسألي بنفسجّ أحسن وان شاء الله خير لج

 

[مزون سالم]

جذابه بنت ذيابه

وغلاوي
جزاكم الله خير