سعودية وودي اشتغل في جامعة الكويت

[^ مهاجرة ^]

http://adv.6rb.com/servlet/click/zo....html&redirect=http://www.q8yat.com/f179.html

السلام عليكم ..
عزيزاتي هذي اول مشاركة لي في المنتدى و اتمنى تساعدوني ..
انا سعودية وعندي ماجستير مختبرات طبية من امريكا ..وعندي رغبة اني اشتغل في الكويت ..
والحقيقة اني اتمنى اشتغل كمحاضرة او معيدة في جامعة الكويت او اي جامعة اهليه ..
هل ممكن الاقي الفرصة او لا ..؟ واذا نعم ..كم تقريبا الراتب ..
واذا لا .. وين ممكن اقدم في الكويت غير الجامعة ؟

مشكورين مقدما ..​

 

[gala q8]

Up .. ما ادري والله بس إذا تبين شيء تقدرين تروحين للـ جامعه و تكلمين عميد الجامعه ..

موفقــةةة

 

[لالو]

اعتقد ممكن يفيدج موقع الجامعه او تقدرين تراسلينهم ,,,

جامعة الكويت

شهادج قويه مشالله واكيد تقدرين وبالتوفييييييق :*

 

[فتاة أعمال]

احنا ناقصين شعب سعودي عندنا ..... بروحكم مهيلقين الديره

 

[~ طـــواري ليل ~]

ما شاء الله الله يبارك لج بعلمج

كان طموحي مختبرات


اظن اذا بيوظفونج يَا بكلية العلوم ( بيولوجي )
او طب مساعد ( مختبرات )


شهادة اميريكا قوية واحتمال يقبلونج !
بس الاولولية دايماً للي طالعين بعثة على حساب جامعة الكويت

راسلي العميد د. الرفاعي
ايميله بموقع الجامعة وشوفي

والافضل تجين الكويت وتقدمين ،

 

[~ طـــواري ليل ~]

احنا ناقصين شعب سعودي عندنا ..... بروحكم مهيلقين الديره

ابداً ابداً ردج ما كان له داعي


انطق جمالاً او تجمل بالسكوت يَا فتاة الاعمال هه

 

[DaLoo3t BaBaTii]

احنا ناقصين شعب سعودي عندنا ..... بروحكم مهيلقين الديره

.



يا حلوج ساكتة بس ..



،



صآحبة الموضوع حبيبتي و الله ما عندي فكرة بس حاولي تراسلينهم ..

.

 

[SaudiaLove~Q8]

بالتوفيق يالغلآ ..

والله انا بعد ودي آروح الكويت اقضي حيآاتي هنااك .. ياحبني لكم

 

[^ مهاجرة ^]

عزيزاتي .. شكرا جزيلا لردودكم ..وانا راسلتهم وانتظر الرد.. ما تقصرون حبايبي ..

وبالنسبة لفتاة الاعمال .. فحبيت اقولك شي.. اذا انا بستحق شي فهو بيكون بمجهودي .
.ولو اني توظفت .. بعطي مثل ما باخذ ..ما احد يمن على احد ..ياليت تنتبهي لالفاظك وارتقي شوي ..

 

[^^ ǺГฬα]

^ مهاجرة ^

اهلين حبيبتي زين حطيتي موضوعج بهالقسم مثل ماقلت لج

اتمنى لج التوفيج والله يسهل اجراءات الوظيفه
ونشوفج بجامعه الكويت

​

 

[RO0O7Y KUWAITYA]

الله يوفقج حبيبتي
بشرينا عااد

 

[MiSs^^3OoBa]

ماشاءالله شهادتج قويه ووان شاءالله تتوظفين بسسرعه

ادخلي علا موقع الجامعه وتلقين واظيف شاغره وراسليهم :")

بششريناآآ عآآد لاتنسيين

 

[MiSs^^3OoBa]

او روحي مكتب العمادة بشويخ وشوفيى هناك وان شاءالله مايقصرون معاج

 

[أغلى المشاعر]

بالتوفيق حبيبتي مهاجره وفتاة اعمال هذا مو اسلوب راقي وبعدين لاتنسين وقت الغزو مااستقبلنا الا السعوديه وكلنا اهل مافيه شك

 

[ورور92]

الله يوفقج يا مهاجرة ان ما شالتج الجامعة تشيلج عيونا
والله بيرزقج على نيتج ..

وحياج الله بين اهلج مو غريبين ..

ياقلبي شهادتج حلوة وقوية روحي قدمي وسسألي .. ما خاب من استشار واستخار

منتي خسرانه شي .. وعسى الله يوفقج وتكملين لي الدكتوراه وتشرفينا :**

------

فتاة اعمال .. التحقير من اي دولة او جنسية مرررفووض و عيب و مو من اخلاق المسلمين اولا والكويتيين ثانيا
والكبر ما يمدحونه

ولو عندج خير قوليه وفيدي البنت ماعندج لا تردين !

اتمنى حذف ردها ..

-----

الله يوفقج مهاجرة واي سؤال ان شالله البنات ما يقصرون

 

[اخجل انثى]

احنا ناقصين شعب سعودي عندنا ..... بروحكم مهيلقين الديره

عيب هل الاسلوب ياليت فايدتها احسن من الكلام للي ماله داعي مهن يكون احنا اخوات و هم لهم وقفات سعوديه


*


حبيتي الاحسن نروحين حق عميد احسسن يعطيج الخبر الرايت