سعودية وبدرس بالكويت

[ملائكية]

هاي بنات..
شخباركم شمسووين؟
اممم اكاونتي الثاني مو راضي يسجل دخول:eh_s(4): سجلت بأكاونت يديد:denya:
المهم بسألكم..
انا ان شاء الله على وجه زواج وبنتقل الكويت منطقة الخالديه ..
حبيت استفسر عن الجامعات الي ممكن ادرس فيها
لاني ماعرف ابد شي عن اي جامعه هناك
انا من السعوديه ونسبتي 89.99 جيد جيدا مرتفع ومتخرجه تقريبا من 5 سنين من ثانوي
وانا ادبي..
شنو التخصصات الي تصلح لي..
للعلم اني ادرس بالسعوديه تمريض في معهد صحي..
وابي اذا تمم الله علي وكل شي صار اوكي ادرس مابي اقعد بالبيت
شورو علي اهيء اهيء ..
بسألكم عن الحقوق اقدر ادرس او لا؟ علم نفس علم اجتماع؟
ووين ادرس اي جامعه اي معهد =(
الله يوفق الي ترد علي وينولها كل الي في بالها..
احبكم ياكويتيات

 

[نـ(المطيري)ـازكـ]

اتوقع اذا كان زوجج كويتي يقبلونج في معهد التجاري .. وتقريبا الجامعات ع حسب النسبة ..

وفي بالخالدية جامعات بس اذا بتسألين .. سألي عند التطبيقي مبنى رقم 1 في العديلية ..

 

[**الخزامى**]

اتوووقع التطبيقي يقبلووونج مااضن الجاامعه بس انتي اسألي احسن

 

[أعترفلك]

نسبتج زينه اتوقع تنقبلين بس اذا الثانويه قديمه اتوقع لازم تعيدينها


والله يوفقج ومبروك الزواج وبتنور الكويت

 

[ملائكية]

فدك .. تسلمين لي ياقلبي مشكوورة اايي ريلي كويتي =) بس شنو تجاري لوول؟ شنو التخصصات الي فيه؟

الخزامى مشكوورة تسلمين ع الرد بس ياقلبي شنو التطبيقي؟

اعترفلك تسلمين ياقلبي .. واااي لوول يارب ميخلوني اعيد مالي خلق هههههههههه
تسلمين الكويت منورة فيكم وبأهلها
^,^

 

[أدري طيبتي غلطه]

التطبيقي يقبلونك بس دبلووم الجامعات والله ماادري عنها

واتوقع الجامعات الخاصه عادي تقدرين تسجلين فيها مثل الجامعه العربيه المفتوحه

ومو ضروري تعيدين الثانويه بس اهم شي تعادلينها

تودينها وزارة الخارجية في السعوديه يختمون عليها

بعدين تجيبينها للتعليم الخاص بالكويت يعادلونها لك

وبس واذا تبين اي مساعده انا في الخدمه

انا سعوديه متزوجه كويتي

 

[أميرة الغرام]

لالالالالالالالالالالالا بنات حرام التطبيقي اهي الحين وياها دبلوم شكو تاخذ دبلوم مره ثانيه

لا تنقبل بالجامعه رفيجتي نفسها بالظبط وزوجها كويتي وانقبلت بالجامعه بس تعادلها من السفاره ..

ياحلوه رديت عليج بالخاص ..

 

[C.S.S]

يآهلا ويآغلا ..

في سعوديآت بجامعة الكويت .. بالعلوم الاداريه
والاجتماعيه .. وبكل مكان ..

الله يوفقج ان شاء الله

 

[Miss.6Mo7]

اي انا رفيجتي بعد سعودية فديتهـآ وتدرس بالتربية , بس إهيآ درست الثانوية بالكويت , إنتي وضعج يختلف .. روحي وسألي ماعليج من كلامي ولا من كلام غيري ..

 

[شوق والدمعه]

اهلا قلللبي ماشاءالله نسبتج حلووه ان شاءالله يقبلونج الجامعه روحي سالي التعليم العالي عندنا بالكوييييت او سفارتنا الي بالسعوديه ساليهم اذا بتدرسين هناك شلووون او روحي التعليم العالي عندكم ساليييهم يعني المهم تروحين لجهه مختتصه

 

[ملائكية]

تسلمون لي يا احلى بنات ..
الله يوفقهم ويرزقكم كل الي في بالكم قولو امين
^,^ اي انا بسأل وبخلي ريل المستقبل بعد يسأل عني ههههههههههههههههههههههه
شكرا مرة ثانيه فديتكم