سعدوني من اصح انا والاهي

[سمانت]

يابنات الي اللي بقوله غريب عجيب رفيقتي ومثل اختي من يوم احنا اطفال تزوجت وانا تزوجت وكلنا عشنا حياتنا بس حظها احسن من حظي زوجها يموت فيها ولا يرفض لها طلب ومتفتح حيل ومع ذالك مصلي وصايم ويعرف الله ليييين الحين كل شي عااااادي الغريب العجيب اللي بيصدمكم الحين انا يوم رحنا السنه معهم شرم الشيخ وهذي اول سفره لي طبعا بعد الحاح مني على زوجي شفت العجب العجاب شفت رفيقتي اللي اعرفها مصليه وصايمه وتخاف الله بشكل ثاني افصخت العباه والبست المايوه قطعتين على البحر وانا متعجبه حتى زوجي تمنى انه مارحنا ولاخلاني حتى اروح البحر حدنا الفندق والسوق وتنزل البركه مع زوجها وفي الليل كانت ادخن وتشيش عااادي وزوجها عادي عنده والغريب انها اذا جا وقت الصلاة كانت تروح تصلي ماطوف فرض شفتوا شي مثل كذا المهم رجعنا الكويت وعزالله ماستانست زوجي كان متشدد معي وسالتها يفلانه انتي ليه كنتى كذا قالت لي شوفي شرم مليانه وكلن لاهي في عمره حتى بنات الخليج سوو اعبر مني وانا سويت كذا لعيون زوجي لانه يموت في الحياه هذي ويخاف من الحراام وزنا علشان كذا انا مابيه يحس انه فيه شي قاصره عن الشباب وهذا سر الحب والسعاااده اللي انا فيها ومدام هذا يصير بس في السفر برا الديره ليه نحرم نفسنا والله يابنات اني احس انهم مو صاحيين بس المشكله زوجي يقول اقطعي علاقتك فيهم بس انا ما اقدر هذي رفيقة عمري وش اسوي

 

[ام الدرر]

ياقلبي انتي الصح
هي غارتها الدنيا
لا طاعة لمخلوق في معصية الخالق
تدور سعادة الدنيا وناسية عذاب الآخرة
عسى الله يهديها ويصلح حالها وزوجها

 

[بنت باباتي]

الله يهديها وينور بصيرتهم
انتي تدرين ان انتي الصح وتدرين ان رفيجتج على خطا
وزوجج لان فيه غاريه يدري ان المرء على دين خليله
انصحيها ووجهيها وطيعي زوجج

 

[جنون العاطفه]

الله يهديهااا ...

اكيد هي الغلط .. وانتي الصح ... قيمج بالحياه وعادتنا تمسكي فيها ماعليج من غيرج .. حرام الي سوته اصلا مايجووز ..

صراااحه ما الوم زوجك الله يعينج

 

[i'am THE ONE]

من ترك شيئا لله ـ عوضه الله بشي احسن منه

 

[سمانت]

ياقلبي انتي الصح
هي غارتها الدنيا
لا طاعة لمخلوق في معصية الخالق
تدور سعادة الدنيا وناسية عذاب الآخرة
عسى الله يهديها ويصلح حالها وزوجها

امييييين والله اني احبها واتمنى لها الخير ويهدي زوجها اللي خلاها تصير كذا والله انها بنت ناس وانا متاكده ان اهلها مايدروون

 

[فديت من يشبهني]

لاحول الله زوجها ماعنده غاريه ابد ولا يخاف من ربه
//


وانا مالوم زووج والله اذا طلب تقطعين علاقتج فيها

 

[سمانت]

الله يهديها وينور بصيرتهم
انتي تدرين ان انتي الصح وتدرين ان رفيجتج على خطا
وزوجج لان فيه غاريه يدري ان المرء على دين خليله
انصحيها ووجهيها وطيعي زوجج

المشكله انها مقتنعه بلي تسويه الله يهديها والسبب من اللي تشوفه في السفر والله يابنات السفر طلع نقمه مونعمه انا شفت شي ما تخيلت انه موجود في هالدنيا نسوان مفاصيخ على البحر والله شبه عرااه وهذاللي خلا زوجي يعفس السفره والله مالومه وبنات خليجيات اكثرهم حريم كويتيات وسعوديات وبنات في عمر الزهور الله يهديهم

 

[سمانت]

الله يهديهااا ...

اكيد هي الغلط .. وانتي الصح ... قيمج بالحياه وعادتنا تمسكي فيها ماعليج من غيرج .. حرام الي سوته اصلا مايجووز ..

صراااحه ما الوم زوجك الله يعينج

مشكوره جنون العاطفه والله لايوريج هالمكان

 

[سمانت]

من ترك شيئا لله ـ عوضه الله بشي احسن منه

ااااااااااااامين يارب تهديها وترزقني الجنه

 

[وردة زوجي]

السلام عليكم
اختي اسمحي لي عمري ما شككت برد اي بنت او بروايه اي احد ودايم كلامي وردي لهم يكون بالمفيد وبدعائ لهم لا اكثر يعني اقدم النصيحه وبس
بس عند موضوعح ما قدرت
اشلون تقولين ردينا الكويت وانتي مو كويتيه من كلامج واضح
واتمنى يكون شكي مو بمحله واذا قصدج ان بنات الكويت ورياييلهم هذي نوعيتهم فالله يسامحج بنات الكويت ورياييلها فوق هالامور وما نسوي هالسوالف بره الديره ولا داخلها وكلن عارف اهله وبناته وكلهم على قدر عالي من الدين والاخلاق بكتب لج كلامج اللي كتبته بالموضوع
يابنات الي اللي بقوله غريب عجيب رفيقتي ومثل اختي000 احنا نقول رفيجتي مو رفيقتي
انا يوم رحنا السنه معهم شرم الشيخ 000 احنا نقول معاهم
وتنزل البركه مع زوجها 000 احنا نقول حمام السباحه ما نقول بركه
شفتوا شي مثل كذا المهم رجعنا الكويت وعزالله ماستانست 0000مثل جذيه ما نقول مثل كذا
زوجي كان متشدد معي وسالتها يفلانه انتي ليه كنتى كذا 00000 متشدد معاي + انتي ليش جذيه مو ليه وكذا
قالت لي شوفي شرم مليانه وكلن لاهي في عمره حتى بنات الخليج سوو اعبر مني وانا سويت كذا لعيون زوجي000000 شرم متروسه سويت جذيه
هذي رفيقة عمري وش اسوي0000هذي رفيجة عمري شسوي ؟؟؟؟؟؟؟؟
التعليق اتركه للبنات واتمنى يكون ظني مو بمحله واذا مو بمحله انا اقدم لج اعتذار واذا كنتي تبين تشككين ببنات الكويت وسمعتهم فالله يسامحج واتركج مع قوله تعالى (( ويمكرون ويمكر الله والله خير الماكرين ))

 

[i'am THE ONE]

من ترك شيئا لله ـ عوضه الله بشي احسن منه

 

[سمانت]

لاحول الله زوجها ماعنده غاريه ابد ولا يخاف من ربه
//


وانا مالوم زووج والله اذا طلب تقطعين علاقتج فيها

انا بقولك شي يمكن زوجها ماعنده غاريه لكن بس اللي بتتعجبين منه ان في رمضان كانت تقول ان زوجها يصلي الترويح والقيام وزوجي يشهد على كذا وهذا اللي خلانا ننصدم فيهم الله يهديهم ويثبتهم على الدين وترك ملاذات الدنيا

 

[سمانت]

اناحبيبيتي ماقلت ني اكويتيه انا سعوديه متزوجه كويتي والبنت هذي رفيقتي ومن اهلنا اللي في الكويت واذا مو مصدقتني امنتك بالله تروحيين شرم الشيخ وبعدين قولي لي وش اللي شفتيه

 

[سمانت]

وانا ماقلت بنات الكويت كلهم كذا حتى لقينا سعوديات من بنات ديرتي ومن الحجاز ومع رياييلهم وكانو شيشوووووون قدام عيني

 

[تنآهيد ..~]

لآ حول ولآ قوة إلآ بالله
أكيد إنتي آلصح أمآ هي آلله يهديهآ ويصلحهآ , ويهدي زوجهـآآ ويخليه يعرف آلصح من آلغلط
فوق هذا كله حرآآم أصلا ً مو عن فري وغيره ~
أمآ إنتي الله يخلي لج زوجج بالعكس رجآل وآعي وفآهم أمآ رفيجتج أستغفر الله يآربي مآدري شقول :/

 

[وردة زوجي]

وانا ماقلت بنات الكويت كلهم كذا حتى لقينا سعوديات من بنات ديرتي ومن الحجاز ومع رياييلهم وكانو شيشوووووون قدام عيني[/QU
:denya:

 

[وردة زوجي]

السموحه منج يالغاليه كتبت كلام وايد وراح لان المنتدى معلق
على العموم مشكوره على التوضيح والله يهديهم وانتي ما لج الا ريلج ورايه والله يثبتج على ما انتي فيه
ورفيجتج اتركيها ما منها فايده للاسف دام هذي اخلاقها

 

[om_3kash]

انا معه ريلج طيعييه وين قاعديين اتفصخ والحياه حلوة

ختولي مالت عليها اهي و زوجها الديوث

قال خايفه عليه من الحرام قال
يعني الي تسويينه حلاال ؟؟

الحمد الله والشكر الله لا يبلانا

 

[bnt_shyo5]

والله اهي فيها نقص وتعوض برا الديره
انتي الصح طبعا