سعدوني بالافكار بليز؟؟

[ZOHOR]

اول شي سلام عليكم أعضاء الحلوين ..



ثاني شي أبيكم تساعدوني شنو اسوي محتارة انا الحين بثامن وما جهزت شي حق ولا حق البيبي كلشش شنواسوي ضايعة انا لان بنتي ماجهزت شي الا شوي حتى امي قالت لي شنو 6 ملابس مايكفي البنت ترجع ومن هالسوالف وانا الحين قاعدة اجهز العيد وحق بنتي يعني الفلوس كله رايحة من الحين الفلوس طارت العيد عيل شسوي حق البيبي موعارفة شي ماشريت غير 3 ملابس و5 مميات ومصصة ...


ثالث شي شلون اقسم مشترياتي ومصروفي ؟؟ ماجهزت شي حق روحي ولا كفر ولا الحلو لي تعرف أشياء حلو وزينة وتساعدني بالافكار ترتيب والمشتريات تقولي مابي اغلط مثل ولدتي الاولى ..

انا موعارفة شنو اسوي شنو اجهز ضايعة وريلي بارد شوي فلوسة طارت وانا ولاشي سويت ساعدوني شنو اسوي..


وانا معاشي نص ايمع حق المستشفى ونص طار بالمشتريات والمصروفي ونص لي ايمعة اصرفة ..


ابي طريقة تساعدوني فيها ارتب اموري شلون ؟؟


موعارفة شنو اكتب وشلون اعبر صراحة وانا اسفة على تطويل الموضوع..

 

[نور-الكويت]

حبيبتي اول شي لازم تشوفين ميزانيتج كم وبعدين فصلينها على احتياجاتج عاد كل شي فيه الرخيص والغالي انتي وميزانيتج
الله يوفقج بس وايد متأخره

 

[a7la wa7da]

حبيتي روحي النصار تلاقين من الألف لي الياء والأشياء رخيصه مو غاليه وحلوه بعد والله يسهل عليج أمورج

 

[ZOHOR]

نصار وين بديرة بضبط ؟؟ المشكلة ريلي كل يقولي بعدين وبعدين نجهز شنو اسوي مع ريلي ؟؟

وساعات يقولي خلص معاشي مصروف البنت والخدامة والبيت والاجار وسيارة شنو اسوي مع زوجي؟؟..


شكرا المرور لي دشوا ولي كتبوا بعد..

 

[_Pure_]

نصار وين بديرة بضبط ؟؟ المشكلة ريلي كل يقولي بعدين وبعدين نجهز شنو اسوي مع ريلي ؟؟

وساعات يقولي خلص معاشي مصروف البنت والخدامة والبيت والاجار وسيارة شنو اسوي مع زوجي؟؟..


شكرا المرور لي دشوا ولي كتبوا بعد..

فهمي زوجج اذا ما تجهزين الحين عيل متى عقب ما تولدين مثلا؟

و بعدين عند سرداب عيد النصار بالمباركيه وايد رخيص و فيه كلشي لج و للبيبي

و اذا تبين اغلـى شوي روحي سنتربوين
اغراض لج و البيبي و حتى مواعين للحلو تحصلين و خليها على 3 ايام
يوم تشترين حق البيبي
يوم لج
و يوم حق اذا نسيتي شي


ولازم تكتبين لسته بالاغراض عشان ماتنسين شي و يتنرفز عليج زوجج الله يهديه يا رب

 

[ZOHOR]

رد : سعدوني بالافكار بليز؟؟

زين وين في كفرات حلوة وسعرها حلو ؟؟؟؟


مشكورين

 

[غنوة ستايل]

ياقلبي انا جبت حوااالي 5 ملابس داخليه للياهل
و 6 ملابس خارجيه
و 8 ازمال ( ما ادري شنو تسمونه ) اللي يزملون فيه الجاهل
و 2 جنطة مع 2 جيس بيبي من سنتر بوينت

لا تكثرين ملابس وايد بس فترة الاربعين لان عقب الاربعين الياهل ما شاء الله يطول ويكبر وانتي تطلعين واتنقين عدل وتشترين .. وبعد تشوفين يمكن تجي هدايا ملابس

 

[ملكة الثلج]

حبيبـــتي لازم تحديدن الميزانيه بالضبط عشان بعدها تحديد الاماكن اللي تشترين منها


بس بقولج بالاغراض اللي انا مجهزتها الحيـن واذكر اسعارها , عسالله يسهل علينا الولادة آمين يارب


بالنسبه لج :

1- دراريع للاسبتقبال ذربيـن 2 أو 3 ( عندج النصار جم محل حلوين واسعار زينـة , وكذلك النقرة الشمالي البنات يمدحونهم )
2- بجامات للنـوم وقمصان "دراريع" .
3- نعال ذربه للاستقبال .( كذلك بالنصار والطاهر حلوين)
4- ستيـان للرضاعه من 3 إلى 4 ( من الجميع حلوين , ومذركير )
5-ملابس داخليه طويله ( الجميع حلوين سراويلهم الطويله )
6- دلاغات ( تدفين نفسج لازم )



البيبـــي :-

1- بجامات لا يقل عن 7-8 بجامات لانه باليوم يمكن تبدلين اربع مرات . . . .
والاماكن اللي تشترين منها متنوعه ( الجميع - النصار تحت - باباز اند ماماز - سنتر بوينت )
* انصحج بسنتر بوينت حيل حلوه جودتهم تقريبا الجميع اسعارهم 1,500 إلى 2,500 المواليد وهالحراوي , وعيد النصار ارخص وباباز اند ماماز غالي شوي

2- تبانات الياهل هم يبيلج 7 او 8 , وانصحج بـ( الجميع )
* لانه انجليزي وجوووووووده ولا يتغيرووون , اسعارهم0.950

3- مهادات اخذي الالوان البيج والابيض اذرب يبيلج 4 او 5 ( الجمييييييييييييييييييييع يكدون معاج ولا يتغرون ) اسعارهم 1.250
4- لفيت الياهل وجيس الاستقبال ( النصار عندهم شغالت وايد حلوه وسعرها حيل حلو )
*وتحتاجين جيسه وحده ولفه ذربه وحده , واخذي لج جم لفه عاديه للبيت 2 او 3 , والاسعار تتراوح بين الـ 1.000 إلى 4.000
5- كبوس ودلاغات وكفر الممية والفوط والمميات والفوط الصغيره للترجيع وصدريات ( كلها متوفره وعند بعض ما تاخذ منج خمس دقايق بسنتــر بوينت )

* هم السرير تلقين تشكيله كبير بسنتر بوووينت . . .

بالنسبه للكفـر انا خذيته من دبنهامز توا الاسبوع اللي طاف بـ 53 سعره حيل حلو لونه ذهبي

ان شالله ما اكون ناسيه شي هذا اللي طرالي

 

[غير كل الناس]

عندي كفر اذا تحبين الصوره بالتوقيع

 

[الا انــــــا]

حبيبتي لاتكثرين الاغراض لان بعد الاربعين وزن وحجم البيبي يتغير

الحين اكنبي قائمه بالاشياء الضروريه ومو لازم تطبين بالغالي اذا ميزانيتك مو تمام
لان بالاربعين البيبي على طول بالمهاد ما حد بيشوف شنو لابس وعندك سنتر بوينت اسعارهم حلوه
وهمن النصار كل شي فيه واسعارهم رخيصه الله يهدي زوجك ويسخره لك

 

[ZOHOR]

عندي كفر اذا تحبين الصوره بالتوقيع

بس بجم سعره؟؟

 

[ZOHOR]

عيد نصار وين بضبط صاير بديرة نسيت بضبط يم شنو؟؟

 

[ZOHOR]

مشكورين المرور؟؟؟

 

[Miss Golden]

اول شي الله يسخر لج زوجج يارب



عيد النصار بالمباركيه يم محلات الذهب بالسرداب



ماقصروا البنات بردودهم

 

[غير كل الناس]

الكفر انباع حبي